عهود الحب ولا هانوا باجى خواتى * شنو اصنف درسي عن الحواس وفق 3 خواص شكل ونوع وطول ؟

[التحدى والاصرار]

السلام عليكم

اللى تعرف تنورنى

عهود الحب

وكل خواتى بالمنتدى

عندى درس عدد 3

ومحتاره شنو اصنف والمشرفه قالت لى بتدخل عليج المجهه هالاسبوع استعدى

وموجهتنا دقيقه جدا

وتبى التصنيف وفق 3 خواص

مشرفتى قالت صنفى ( ورد احمر قصير صناعى _ وورد ابيض طويل طبيعي )

بس ما ابى لان فيه معلمات من مستوى اول دشت عليهم فى هذا التصنيف واخاف تقول الدرس مكرر ابي غيره شنو ؟

ولكم الشكر:friends:

 

[ماسية]

رد : عهود الحب ولا هانوا باجى خواتى * شنو اصنف درسي عن الحواس وفق 3 خواص شكل ونوع وطو

حبيبتي احنا صنفنا فرش ومعاجين اختلاف في الحجم والنوع واللون تقدرين اتصنفين ملابس من الجوخ اختلاف في اللون ونوع للولد والبنت وفي الحجم بعد تقدرين اتصنفين قبعات بشكل واللون والحجم تقدرين اتصنفين اي شئ خاص بتذوق مثل تفاح برتقال الشئ المتوفر عندج حقيقي وبلاستيك بنوع واللون والحجم تقدرين اتصنفين المسجلات او سماعات بالحجم واللون وشكل وانشالله اكون فدج بتوفيق حبيبتي

 

[الجمووووح]

انا بصنف وروود لونين ونفس الحجم ووحده مختلفه

حاسه الشم

 

[عهود الحب]

رد : عهود الحب ولا هانوا باجى خواتى * شنو اصنف درسي عن الحواس وفق 3 خواص شكل ونوع وطو

شوفي الورد مادام في معلمات صنفوه تجنبيه
بيصير مكرر معاهم والافكار تتشابه
تقدرين حاسة التذوق تفاح احمر كبير و موز اصفر صغير
او
ادوات نظافة
فرشاة صغيرة لونها ازرق
صابونة كبيرة لونها ابيض

و الله يعينكم احنا للحين العدد 1 و للحين خاصية واحدة فقط

والمثير حسب تصنيفج

انا مسابقاتي بعد العدد تكون متنوعة وحركية مالها علاقة بالخبرة

 

[الحرير]

ادوااااااااااااات النظافة

 

[جوجوا]

تقدرين حبيبتي تصنفين ادوات النظافة وتختارين الصابون من بين التصنيف وتخلين منبهج عن طريج اللعب يعني تييبن لعبه فقاعات الصابون والاحسن انه يكون الحجم الكبير وطوفيه على الاطفال وخليهم يلعبون اقل من دقيقة وبعدها سلأيهم عنه شنو هذه المادة لغاية ما يتوصلون للماء والصابون :dfgl:وبعدها تسألينهم عن استخدامات الصابون غس اليد وبعدها تعرضين الاادوات اللي بصنفونها وانشالله اكون فدتج