عوااااااار ومغص تاااااايم

[السنفوره]

مرحبا .....


ابي اللي جربو شرب الخروع بالتاسع وخص اخر عشر ايام
تكتب شصار جاها طلق ولا مافادها الخروع


انا بمووت من العواااااار والمغص بس ماكو طلوق ولا اي شي
وودي اجرب الخروع واخااااف
هل فيه اضرااااار اهم شي وولا عادي مايضر اذا ماولد



واسفه طولت عليكم بس ياليت القى ردوووود

 

[دلوعة مبارك]

شوفي حبيبتي انا بولدي شربت الخروع ما فادني بشي ....​

يمكن من وحدة لوحدة تفرق​

بس الي اعرفة قعدت اقرا وافتر مثل النحلة ..... لين سمعت عن الدارسين​

جد شربت بكوب كبير دارسين حااااااار
وبعدها بنص ساعة قلت لاهلي يجيبون علية اناناس واكلته كلة ​

اللة وكيلج مسكت الممشا لمدة ساعة ....​

جك بم .........................>> ع طول المستشفي بس طبعااااا الفجر صار هالشي ​

واللة يسهل عليج ياقلبي​

 

[السنفوره]

ملل وعوااار مو طبيعي التاسع وانا عندي عيالي الله يصلحهم تعبوني عاد ودي
اخلص من العوااار والثقل

اليوم عليهم كلهم الدارسين والخروع والاناناس 

 

[السنفوره]

دلوعه مبارك مشكوووره عل الرد

 

[@ام يوسف@]

الله يهون عليج وتولدين بالسلامه

 

[السنفوره]

ام يوسف مشكوره


وشدعوووه محد جرب الخروع

 

[Eng.Kokoro]

بس جنه سمعت مو زين

الدارسين يسوي الطلق بارد
والخروع لازم الرحم مبطل


جذي قريت من المواضيع



ويمدحون الزعفران والمشي عالرمل


ان شاءالله تبشرينا بولادتج وتقوميين بالسلامه

 

[Laymo0ona]

شربت شوي لاني خفت صراحه بس حاشني تكرمين اسهال

 

[السنفوره]

شدعوووووه محد جرب ولا سمع عنه شي

 

[السنافيه]

السنفوره الله يهون عليج
انتي خلصتي التاسع والا تو

 

[*peace*]

انا شربته وشربت دارسين لمن قلت بس ماسوولي ولاااااااااشي يمكن لان رحمي مفتوح بس نص سانتي

 

[السنفوره]

هلا السنافيه
انا باقيلي ١٠ ايام تقريبا او ١٢ واخلصه بس مت من العوار ومو طلق المشكله

 

[زين ودلال]

انا شربت خروع بطل كامل مع عصير برتقال فرش

اول شي تكرمين اسهال وكل شوي اروح الحمام

وعقب ساعتين بدا الطلق نطرت ثلاث ساعات زياده ورحت المستشفى قالي مفتوحه اربعه سانتي دخول ولاده

والحمدالله مع ان قبل لا اشرب الخروع ماكان فيني بوادر ولاده كلش كلش كلش كلش لا عوار ولا شي

بس لاني زهقت ومليت قلت مالي الا الخروع

 

[السنفوره]

زين ودلال مشكوووره حبيبتي انا شربت نص القرشه امس بس مت من الحماام حاشني اسهال عقب
ثلاث ساعات وجالي مغص ورااااح للاسف

 

[زنوبيا]

الله يهون عليج بالسلامة ان شاءالله

 

[Ahwk]

انا بحمالتي الاولي شربت دارسين وخروع الاصلي علي قولتهم ماصار شي بالعكس تعسرت ولادتي وطولت يمكن من الدارسين
بحمالتي الثانيه ماشربت خروع ولا دارسين بس مشيت علي رمل البحر وماشاء الله بسرعه ولدت