عوار بالسر

[عالي مستواها]

السلام عليكم ورحمة الله وبركاته


انا لي الحين سنتين وانا احس بعوار باسفل بطني تحديدًا مكان السر ما بقى دكتور ما رحت له خاص وحكومة رحت لدكاترة باطنية وسويت سونار كل شي طبيعي نفس الشي دكاترة نسا يقولون ماكو شي ودكاترة مسالك بولية هم نفس الكلام

تعبت والله من التحاليل والسونارات وهم ماكو فايدة


منو صار فيها مثلي ؟ أو على الأقل تقدر تفيدني بمعلومات أبي اعرف السر مكان شنو لانه العوار حوالين السر ياربي والله ماقمت أقدر احدد مكانه بالضبط حتى مرات أحس يتغير المكان فوق السر بشوي او تحته لكن اللي ملاحظته ماقدر امسك بطني صوب السر العوار مو طبيعي .. يخف أحيانـًا بس يرجع ويزيد علي وقت الدورة ومرات اذا مسكت البول - وانتوا بكرامة - فترة احس بعد العوار يزيد

أبي أعرف شنو هذا ؟ محد فادني الدكاترة كلش ما نفعوني .. منو تعرف حرمه تعالج تعرف بالسوالف هذي والله لو تدرون مرت علي أسابيع ما نام إلا بالكرسي الهزاز لانه ماقدر انسدح يزيد علي العوار وفوق هذا انام بس نص ساعة أقوم ادمنت البندول والمسكنات والمنومات ماقامت تعطيني نتيجة

شالحل خلاص ماقدر اتحمل اكثر من جذي

أجرب الهرويين يعني هههههههههههههههه :ggdw:

شوروا علي بنات منو تقدر تنفعني

 

[dr_enshalla]

ماتشوفين شر ... دام سويتي وايد تحاليل وكلها سليمة معناته مافيج الا العافيه
عوار البطن ساعات يكون بدون معنى .. خاصه اذا مامعاه اعراض ثانية وموجود بنفس المكان
ممكن هذا شي نفسي..

 

[عالي مستواها]

مشكورة حبيبتي دكتورة على الرد

لا المسألة مو نفسية أنا متأكده انه في شي بس محد قادر يحددلي

لما اسوي تحليل يورن يطلع لي فيه شغلة المفروض نسبتها تحت الــ 100 جنه أنا تصك مرات 400 اول مره سويت التحليل بالمسوتصف قالت لي الدكتورة لازم تروحين لعيادة مسالك وانتي شلون صااابره طول هالمدة خرعتني يوم رحت لدكاترة مسالك قالوا لا ماكو التهاب .. طيب ليش النسبة مرتفعه محد قدر ينفعني الدكاترة نفسهم مو عارفين

انا ليلحين بين وقت والثاني اسوي تحليل يورن واشوف النسب ترتفع وتنزل لما استخدم مضادات حيوية بس ترد ترتفع بعد ما اقطع المضاد الحيوي

حالتي الظاهر ما مرت على الطب من قبل فريدة من نوعها من حظي هذا

 

[فتكات بنت كيداهم]

ماتشوفين شر