عودتي من دبي امس موثقة بالصور!!!!!!!!!!!!

[بوسيcat]

شلونكم بنات
والله مادري من وين ابتدي كتبت ونزلت صورة وايد اخرتها انمسح كل شي :0bee2e8d89:


المهم انا امس رديت من سفرتي وهذي اول زيارة لي حق دبي
صج ديرة حلوة وروعة وناسها اروع طيبين ومحترمين مافي تكليف تحسين بين اهلج وكلهم ذوووووووووق الله يعطيهم الف عافيه

رحت انا وريلي وعيالي ولدي 9 سنوات وبنتي 6 سنوات اولدي الصغير سنة و3 شهور وخذيت خدامة معاي

رحت على متن الخطوط الجوية الوطنية طبعاً المطار نتفه ويادوب في ستار بكس تحت وفوق كافيه ثاني بس فوق في صالة حق الاطفال تنفع يتسلون فيها على ماينادون عالرحلة طبعاً اللي شفته بالنت من صور للمطار كان شي وبالحقيقة شي ثاني لان اللي بالنت صالات الدرجة الاولى بس الدرجة السياحية عادية جداً
اما الطيارة مساحتها زينه بالنسبة للكرسي واللي جدامة لكن مرر الطيارة ظييج لان الطيارة صغيرة يعني من تكون المظيفه بالطريج تضيف الركاب ماتقدرين اطوفين اذا كرمكم الله بتروحين الحمام يعني تنفع للرحلات اللي مدتها قصيرة.
وطبعاً تروحين للطيارة بالباص

يتبع

بنات واللي يعافيكم الصور تطلع كبار شلون اصغرهم اول مره يصير جذي معاي

 

[بوسيcat]

بنات سامحوني تعبت وانا احط الموضوع ونزل الصورة ويرد يقولي نكج ورقمج السري والله ماسوت علي موضوع
احاول انزل الصور وقت ثاني

 

[قلبي ماركه]

بالانتظار

 

[toot^o^mishmish]

waiting

 

[jory1-2]

عاشت وخيتي ترنا ناطرينج بسررررررررررررعه ردي علينا

 

[اخصائيه نفسيه@]

الحمدلله على السلامه حبيبتي

 

[محتاجه دعواتكم]

بالانتظار

 

[محتاجه دعواتكم]

والله دبي عادية وكل شي بالكويت

 

[Dr.Nouf]

الحمدلله عالسلامة ، ويتينغ

 

[مربى و قيمر]

جيتى على الجرح
اموت فى دبى ميته على ماسافرلها بس الصيف هذا مافى سفره ان شاالله الصيف الجاى
والحمدلله على سلامتكم
وناطرين تقريرج على احر من الجمر

 

[بوسيcat]

طبعاً انا قعدت بفندق هوليدي ان البرشا
فندق هادي ومريح والحمدلله مافي صوت او ازعاج كلششششششششششش والغالبية من الاجانب
حجزنا سويت غرفتين وحمامين وصالة ومطبخ صغيييييير للقهوة والشاي وفي طاولة صغيره
وحجزت مع الافطار بس مانزلت الا 3 مرات انا وريلي نتريق والعيال نايمين لان الريوق يبدي من 6 ونص الى 10 ونص وصراحه الواحد تعبان ماله خلق يلبس وينزل

يتبع

 

[بوسيcat]

نبتدي الصور باذن الله اولاً الطيران على متن الخطوط الوطنية

هني اول مادخلنا الطيارة صورت لكم الطيارة اللي يمنا

هني واحنا طايرين وطبعاً انا خوافة بس رازة الويه

هني بنتي تعطي الاوكي للاقلاع




يتبع

 

[بوسيcat]

نبتدي مع صور الفندق هوليدي ان البرشا

هني ولدي يدور السويت مالنا

لقطة من فوق للفندق

لقطة ثانية لعيون كويتيات

هني غرفتي والغرفه الثانية نفسها بس ماصورتها


يتبع

 

[bobo lover]

متابعة معاج
الحمدلله على السلامة

 

[بوسيcat]

الله يسلمج
اف تعبت ههههههههههه لازم اصغر الصور شغله والله
بس تأبروووووني ياكويتيات تستاهلون
طول ما انا افتر بدبي اقول حق ريلي انطر بصور حق المنتدى :dddds:

 

[engnera]

waiting

 

[الدلال]

بداية موفقه وصور حلووه

وبانتظار باقي التقرير

 

[بوسيcat]

صورت لكم المترو

النافورة اللي بدبي مول

هني بنتي وريلي بحلبة التزلج اللي بدبي مول

 

[بوسيcat]

هني السكي اللي بمول الامارات

وهالمول يكون ورا فندق البرشا اللي احنا فيه قريب وايد نقدر انروح مشي بس عشان الحر نروح بتاكسي
طبعاً دشيت انا وريلي وعيالي الاثنين وخليت ولدي الصغير مع الخدامة بره
وكلفتنا الدخله 64 دينااااار بصراحة غالي وماشبعنا منه وايد حلو بس ماطولت لان ولدي بره قالوا موزين يدخل وقلت احسن اخليه بره عشان استانس شوي

هني عيالي داخل السكي

طبعاً مظبطتهم بالكابات مدفين عدل يايبتهم معاي من الكويت ملوت البر

 

[bobo lover]

غريبة ليش السكي دخلته غالية؟؟
انتو ماخذين الحديقة الثلجية بس او مع التزلج؟ احنا كنا 7 داخلين الحديقة الثلجية بس بدون تزلج لأن مو ناوين نتكسر و نخرب الرحلة لول و طلعت التذاكر بحدود 45 دينار.