عووووووووووبه

[همسة وله]

السلام عليكم بنات أنا حيل طيبه سواء بالدوام او عند اهل زوجي الناس تجرحني بالألفاظ وانا اسكت مو خوف بس ما احب اجرح اللي جدامي مرات احس بإهانة ودي ارد بس ما اقدر ودي أصير عوووبه مثل البنات اللي تاخذ حقها وترد انتم معاي ولا ضدي ليمتى وانا أتحمل تجريح وإهانة ليمتى

 

[ام شووووق]

رد : عووووووووووبه

خلج على طبيعتج احسن وصيري احسن من الكل بتعاملج واسلوبج

 

[قطوووة]

رد : عووووووووووبه

اتخذي موقف

 

[نـوارة]

لا الا الاهانة حبيبتي
هما ماعملوا حساب لك وجرحوك وانتي خايفة على مشاعرهم ؟!!!
حبيبتي انا كانوا الحريم يقطون نغزات وكنت اسكت لهم لدرجة خالتي هيا اللي تدافع عني بس لما تمادوا صرت ارد عليهم بس بااسلوب وفي نفس الوقت احرهم عشان ماطلع انا الشينة قدام احد الحين والله محد يتجرأ يتكلم قدامي ^^

 

[.،:"$الـعـوبــــة$":،.]

رد : عووووووووووبه

هذي المشكلة !!
اللي تاخذ حقها وماتسكت عن الظلم والغلط يقولون عنها عوبة ،،
حبيبتي ،،
اللي يحترمك احترميه ،، واللي مايحترمك لاتحترمينه ،،
سالفة خلك احسن منهم واسكتي وطوفي !!
هذا كلام ماخوذ خيره ،، ولايجيب ولايودي !!
لا والله ،، ليه لو سكت عنهم ،، من داخل برتاح ؟؟ ينقهر واتضايق واحتر واتعب نفسيتي وهذا كله بياثر عليك وعلى اللي حواليك بعد ؟!!
ولو بسكت عنهم بيحترموني ،، لاوالله بيزيدون ويقولون هذي ملطشة !!
شحادني ؟
عشان الناس ماتقول عني عوبة !!
انا اقول (( عامل الناس كما تعاملك ))
لاتظلمين ولاتغلطين بدون سبب ،، اما حقك لاتسكتين عنه ،،
ومحد له شي عندك ،، اضربي بيد من حدييييييييييد ولاعليك من احد ،،
​

 

[Gourges]

رد : عووووووووووبه

حبوبه هلشي مايصير بيوم وليله .. لو بنقولج ونشجعج من هني لي باجر ماراح تتغيرين الا اذا انتي غيرتي من نفسج

انتي عارفه شنو اغلاطج .. وعارفه المواقف الي تمر عليج وعارفه ردة فعلج .. لازم انتي ادربين نفسج على الكلام .. وتقرين كتب عن الشخصيات وشلون تحررين شخصيتج من الخضووع .. هاذي مو طيبه هاذي سذاجه .. حلو اني اصير طيبه مع المواقف الي تحتاج مني الطيبه وافرض احترامي على الي دار مداري .. مو بقلة الادب والعوابه لا .. بالاسلوب القوي والشخصيه القويه ..

في فرق حبيبتي بين الطيبه وضعف الشخصيه انتي شخصيتج ضعيفه ...

يبيلج ثقه بنفسج .. تدرسين المواقف الي مرت عليج وماعرفتي تردين .. وتفكرين برد مثالي .. ويكون باطار الادب .. والثقه .. ويكون كلامج صح ...

اعتقد هلشي يكتسب بالقراءه​

 

[ابدا يالغالي مانساك]

رد : عووووووووووبه

حبيبتي وليه تسكتين عن ىحقج داافعي
عن حقج واللي يغلط بحقج غلطي بحقه
السن بالسن والعين بالعين والبادي اضلم
واللي تاخذين منهم موقف خللللي علاقتج فيهم سطحيه لكي يعرفوا حقووق الادب والاحترررام

 

[ديور88]

اجل تاكلين هوا وتتعب نفسيتج

 

[dnyay_mll]

رد : عووووووووووبه

عامل النـاس كما تحـب ان يعاملـوك

ومردهم النـاس تنكـسر عينـهم

 

[dreams76]

رد : عووووووووووبه

حبيبتي انا نفس ستايلج بس ما توصل للاهانه هني لأ ,,,, لازم تردين اما سالفه النغزات وغيره فطنشي هذي تكون جبانه اللي ما تقدر توجه لج الكلام مباشر تقطه بطريقه نغزات ,,,,,,, وهذي ما يسمونها عوابه

 

[a7la MUM]

رد : عووووووووووبه

فديت العوبـــــه كفـــت ووفــــت

 

[دلوعه ناعمه]

رد : عووووووووووبه

حبيبتي لاسكتي عن حقج بيلقونج لعبه ومتى ما طقت بروسهم هانوج ونظام اسكت اصير احسن منهم مايفيد اللي يدوس لج على طرف اقلبي الدنيا على راسه عشان يسوون لج الف حسااااب<< دايم نسكت عن حقنا ونصير ملطشه للناس بس لاشافو العين الحمرا يسكتون عنج ومايبطلون حلوجهم!

 

[##سبحان الله##]

اش تبين بالعوابة

ياحلاة البنت ثقيلة وحبوبة

 

[الفدنه]

ماقصروا البنات واولهم العوبه<<خبره تفتح العينين
لووووول

 

[nora al]

رد : عووووووووووبه

مااقصرت العووبه

وبعدين حبيبتي هذي مو عواابه تراا لاازم تصير ردودج بادب بس تحرين اللي جداامج

انا بالغالب اسكت اذا كنت ادري اللي جدامي يحترر بسكووتي

فموو عيب انج تسكتين بس لازم تعرفين متى تقولين الكلمه ومتى تسكتين

 

[You FOR Me Only]

حبيبتي انا كنت مثلج والله اسكت واقول معليش هم بروحهم معقدين من نفسهم ومابي افشلهم

بس والله بمره تجرات ورديت عليهم قامو يحترموني ويسكتون .... ترى في بعض الناس جي مريضين

الطيب ماينفع معاهم عبالهم الوحده اذا سكتت تكون طوفه هبيطه

 

[FeShinGoOo]

رد : عووووووووووبه

ردي باسلوب محترم وقفي الكل عند حده هم باسلوب محترم او من باب الغشمره .. اهم شي لاتخلين بقلبج لان الواحد لي خش بقلبه تصير نار ماتنطقي ليما يفرغ الكلام ويرد اعتباره بنفسه سئلي مجرب

 

[BiiShOoO]

البنات ما قصروا

 

[ملوكة الامورة]

الله يعين حتى انا اعاني من هالمشكلة دور ي حل وعلميني

 

[al_jood]

حبيبتي خلج على طيبتج وكرم اخلاقج بس ماينداس على كرامتج ولا تنهانين احترمي الناس اللي تحترمك وغيرها طناش ولا تعطينهم حتى من وقتك ولا تفكيرك
للاسف الطيب ينقال عنه خبل بهالزمن وماله اي قدر او هيبه الناس الحين تبي القوي الي عند الكرامه والغلط مايسكت وان سكتي بتمادوون ومايحسبون لج اي حساب