عياااالكم ... يدامووووون ؟

[حلوة ومتينة]

السلام عليكم بنات
بالصراحة انا ولدي بالحضانة و الثاني بالروضة
و الحضانة دوامهم 10 -9 و الروضة بعد العيد
الحين سؤاااااااالي حق اللي عيالهم بالمدارس سواء الحكومة او الخاص
بتودون عيالكم و للحين ما كو عقار حقهم ...... ابي ارآئكم لاني بصراحة اليوم يوم
ذاعوا خبر البنت الصغيرة اللي ماتت حدي انصدمت وقمت افكر اوديهم والا لأ​

:0bee2e8d89:

 

[سنعه بس مظلومه]

انا عن نفسي وبعد امس اسولف مع رفيجاتي جم وحده اعرفها ما راح نخلي عيالنا يدآومون الا اذا طعموهم والا ما راح يداومون عيالنا صغار وبالبيت تلاقين اذا واحد حاشته انفلونزا اخوانه واللي بالبيت يعاديهم فما بالج بالروضه الله يحميهم

 

[مخروووشة]

الصراحة الدوام مو اهم من صحتهم

المرض قاعد ينتشر بطريقة رهيبة الله يكافينا شره

 

[chocosign]

بصراحة انا وخواتي اتفقنا ما نخلي عيالنا يداوموون لما يوفروون العقار المرض خطير وانتشاره سريع
وبصراحه ابدى ماعلينا صحة عياالنا اللي مو هامتهم بشئ
الله يحفظهم من كل شر يارب

 

[ام**العسولين]

امبيه اكيد ما اخلي ولدي يداوم بالروضه معني كنت حدى متحمسه
صحه عيالنا اهم من كل شي الله يحفظ عيالكم وعيالي من كل شر يارب

 

[miamy]

انا بعد ماراح اخلي ولدي يداوم

 

[كعبية]

انا بنتي بخاص وماراح اخليها تداوم اهيه اهم من كل شي

 

[عبق الورد]

انا ولدي هالسنه اولى روضه ما راح اخليه يداوم .. ليما يوفرون الدواء

 

[pink-rose]

والله حتي انا احاتي هالسالفه
وبنتي بتروح اولي روضه بس خايفه عليها وماني موديتها
الله يحفظنا من كل شر

 

[مشاعل]

انا مدرسه بالروضه

وولدى اولى روضه بس ماراح اخليه يداوم

بصراحه المرض هذا يخوف ومنتشر بطريقه مو طبيعيه

الله يحفظ اعيالى واعيال المسلمين اجمعين

 

[حلوة ومتينة]

مشكورين بنات انا بعد امس قاعدة اسولف مع خواتي و نفس الشي اتفقنا انا ما انخلي عيالنا يداومون الا بعد ما نطعمهم
حتى اللي بالحضانة ماني مخليته يداوم كلش

 

[*أم*خالد*]

اتوقع فيه نسبه غياب بس مو كبيره

يمكن من كل 25 .. 5 يهال يغيبون والعشرين يداومون عادي .. هذي نظرتي للوضع

 

[دانة الروابي]

انا مدرسه بالروضه وماراح اخلي عيالي يداومون حتي اللي بالثانوي الزم ماعلي صحتهم والمدرسه بالطقااااااااااق

 

[عبااير]

معقوله يابنااات ....اخاف يفصلون اعيالنا
حسبي الله ونعم الوكيل يااخي ليش مايوقفون الدراسه ليما هالعقار ينزل .......
المفروض ماكو دراسه ليمن يتوفر علاج

 

[روح البخور77]

عندي اولى روضه وثانيه ابتدائي مستحيل ا خليهم يداومون الا بتطعيم صحتهم بالدنيا لاحقين على الدراسه شنو الدنيا بتطير

 

[LUNA-q8]

ماعتقد أحد راح يداوم المرض ينتشر بسرعة .... والصحة أهم شي .. الله يستر علينا ويعافينا

 

[فرحه عمر]

بنات لا تخلون عيالكم يدامون وخليكم عند كلمتكم
من عرفنا الدنيا والمدارس دايمن مستعدين للدراسه انداوم احنا المدرسات ولا المدرسه مغبره وتطبق صدورنا وتلوع الجبد اذا في ماي الموجود حاااار وماكو تكييف واذا في تكييف ماكو ماي
والحين يقولون مستعدين الا طل
والله حتى الصحه لا استعداد ولا بطيخ خالطين المرضى مع بعض
انا مدرسه وحامل وماراح اداوم لان فيني ربو ومحذرين الحوامل ومرضى الربو والسكر والقلب
وبناتي ماراح يداومون الصغيره اولى روضه والكبيره بخامس

كشتو بالدوام اذا ماتو عيالكم لا الساير ولا الحمود بيسرونكم

 

[فوفو11]

انا مستحيل اخليهم يروحون نهائي

 

[حلوة ومتينة]

بنااااات خبر طازج توه ياي مسج حق زوجي يقولون فيه ان الدوامات تأجلت الى تاريخ 10/1/2010 وتوني داشة سايت الوطن يقولون ان الصحة سلمت تقرير حق التربية تحت بند سري وخاص مسجل فيه جميع الطلبة من الراض الى الثانوي اللي لهم تاريخ مرضي ولاقدر الله تكون وفاتهم نتيجة المرض وبعد مكتوب انه في توجه الى تأجيل الدراسة بعد الحج باسبوعين ... اللهم لا تؤاخذنا بما فعل السفهاء منا رب اغفر لنا وارحمنا وانت خير الرحمين اللهم امين

 

[طيرشلوا]

انا قايلة من زمان وليدى مايداوم
وماهمتنى الدراسة كثر ماهمنى صحتة اذا ماعطو تطعيم عادى سنة بدالها سنة
وخل يفصلون مليون مرة جانهم صاجين اهم شئ وليدى والا مهم نافعين لامدرستة ولاالوزارة