عيالي وعــــــــــيال خواتــــــى وحمواتــــــــى .....؟؟؟!!!!

[انشودة المطر]

::::::::::::مرحبا:::::::



امهات انا تعبانه من عيالي ضعاف مع انى انوع بالاكل ومقلله من الشيبس والبيبسي والكاكاوواصلا مانعه دخوله بيتي بس احس اكلهم شوي مليت لاعت جبدي حتى البدل والنفانيف موشيء حرام الماركه اما بنطرونه طايح اوعظامه بارزه لمن البسه التيشيررتااات حدي محبطه...:eh_s(16):مع انى اشوف يهال حمواتى وحمويني حلويات اكل عااااااادي عيش ومرق صمون خبزشغلات عاديهمايبدعون بالاكل وعيالهم يهبلووون حتى خواتى عكسي انوع واطبخ وينهدحيلي ماكوفايده شرايكم اهد هالتنوع بالاكل واصير علي اكلات عاديه اوبالاصح اكلات شعبيه <<لان اغلبهم هذا اكلهم شغلات شعبيه خصوصا بالهبرد .....لاتقولون المتن موحلو اهم الشي الصحه ياما متان وبصحتهم ..


والنوووووووووووووم وما ادراك ما نوووووووم......لي ردوا من المدرسه الواحد بيغمى عليه ميت عالنوم حتى لدرجه انهم ينامون الساعه 8والله يابنات ماتوصل الساعه 5 الا عيالي واحد طايح جدامى يترجى يبي ينام ..وثانيه عين مغمضه وعين مفتوحه والثالثه ويها رمااااااااااااااادي تخرععععع .....باجى يهال حمولتى ماينامون الظهر وماشاء الله جنهم الحين قاعدين من النوم صحه وحيويه شنوالسببب حيرووووووووووووونى:eh_s(10)::eh_s(10): اخليهم ينامون الظهروعادي لو ينامون الساعه 11 بليل....ضايج صدري :eh_s(11):​

 

[Bnt.Azmer]

حياتي سويلهم تحاليلي شامله وبترتاحين وماتدرين يمكن وراثه

 

[Mednight Rain]

اذا عيالج صحتهم زينة نصيحة لاتقارنينهم بغيرهم لان الاطفال يختلفون عن بعض حسب جيناتهم بس مايمنع تراجعين تتأكدين من التحاليل وعطيهم عسل وفيتامينات بس استشيري الطبيب

 

[انا لها شمس]

يعني ممكن واحد بطنه فيه دود ..
بس مو الثلاثه جذي نفس النظاااام ..
سويلهم فحوصات واشتري لهم فيتامينات
ضروووووري الصغار ياخذون فيتامينات واوميغا 3
وباليوم حبه وحده

وخليهم ياكلون براحتهم ترا الحرص الزايد ممكن يكون سبب

الله يشفيهم لج

 

[!! شوق !!]

حاسه فيج والله تبين المتختخ مو المتن المتن ..
اممممممممم
عطيهم حلبه زينه لهم .. وسوي لهم تحاليل .. اذا تحاليلهم اوكي لاتخربين جسمهم
وممكن تدخلين لهم الككاو والحلاو لكن بشرط ياكل صحنه كامل ..

حطيلهم العصاري صحن مكسرات

 

[قموشه21]

خليهم ياكلون اللي يبون لاتمنعينهم علي الشيبس انتي مو تبين المتن هالشي يمتنهم ويرد لهم عافيتهم

وللتأكيد سوي تحاليل شامله بطيبه كلينك وايد حلو وانتي بترتاحين ونصيحه مثل ماقالو البنات لاتقارنين عيالج بعيال غيرج بتتعبين

 

[الـفـجـر الـبـعـيـد]

حبيبتي دام صحتهم زينه ونسبة دمهم زينة خلاص لا تحاتين

مردهم بيمتنون ولا تقارنينهم بغيرهم ولا توسوسين يقولون

الياهل اذا اطالعينه وايد وتقولين متن مامتن ماراح يمتن

وانا عيالي الكبير بعد السنة ضعف مع انه اكله اسم الله عليه زين

وحتى الحلاو والبطاط يموووت عليه بكل انواعه وهم مافيه متن عوده

ضعيف بس مو عظامه طالعه على ابوه وعماته وولدي الثاني اسم الله عليه

شكله طلع علي متختخ ههههههههه يعني تختلف الجينات والوراثة من ياهل للثاني

عشان تطمنين وديهم الطبيب سوي لهم تحاليل خل يعطيهم فاتح شهيه وفيتامينات

 

[بربيره]

انا شفت العنوان عيالي و عيال خواتي و حمواني عبالي في مشكله بينهم لا سمح الله لووول

نصيحه لا تقارنين بين عيالج و باجي اليهال راح تتعبين لا بدراسه ولا بصحه و لا بشي

بس حاسه فيج اذا تحسين ان عيالج صحتهم اقل من الي بعمرهم احسن حل مثل ما قالاو البنات

سوي فحوصات و يارب ماكو شي انا عكسج اموت بالحلاو و الخرابيط و اذا عيالي يبون ماراح امنعهم بس بحدود

بس ما فهمت شنو قصدج بالاكل الشعبي يعني عيالج شنو توكلينهم الحين ؟ انتي ساليهم شنو تحبون و سوي الي يحبونه

 

[بربيره]

وتذكرت شغله ميخالف تحمليني

بالبيت حاولي اذا بتوكلينهم شي لا تجبرينهم

بس اكلي جدامهم و حطي الاكل خاصة الفواكه لا تقطعينها

عشان تنفتح شهيتهم

 

[جنى]

الاكل الصحي ما يمتن عكس المقالي و العيوش تالي الليل و المعجنات اللي تتفخ
شوفي اوزانهم جم ؟ اذا بالرينج الطبيعي ف خليهم بحالهم و بلا مقارنات..

 

[AVE.NJ]

لا تركضين وراهم على الاكل اذا الياهل ياع ياكل
لا تعطين اهميه بالموضوع ترا الياهل يعاند على الاكل

 

[انشودة المطر]

مشكورين خواتى بس انا ما اقصد مرضى اسم الله عليهم انا ابيالواحد متختح بشرتهتكون فيها حيويه ومصحصح موجنه بيغمى عليه ما دري دايخ

 

[انشودة المطر]

upp

 

[Hello_kitty]

حبيبتي ترى اليهال يفرقون عن بعض ساعات حتى الأخوان غير واحد اسم الله عليه شهيته زينه والثاني دايما ما ياكل

اهم شي الصحه والعافيه وبعدين لا تزعلين مني مو زين تقارنين بين اليهال وتحطين عينج على صحه اعيال خواتج ولا حمواتج

وعلى اكلهم ونومتهم وحركتهم حرام ترى هذولي يهال انتي بعد ما تحبين احد يحط عينه على لقمة اعيالج وصحتهم ذكري الله

عليهم دايما وان شاء الله اعيالج بيكبرون ويصيرون مثل الورد اهم شي كل شي فيهم سليم هذي نعمه من رب العالمين نشكرها

 

[hneen2]

نفس ما قالو الخوات سوي لهم تحاليل وخل يصرفولج فيتامينات لهم ترا راح تحسين بفرق ان شالله راح يستصحون ويمتنون

وانا مو ضد ان عيالي ياكلون خرابيط وشيبيس وهالسوالف بس بحدود لانهم يشتهون حرام انا نقطه ضعفي احرم عيالي لوول بس مثل ماقتلج بحدود


وترا والله الوراثه بها دوووووور كبير لاتستهينين بهالنقطه بس عشان تطمنين سوي لهم تحاليل شا مله وتطمني عليهم

 

[الأميرة جوري]

حرام لاتحرمين عيالج اصلا يمكن هالشبسات والكاكاو يفتح شهيتهم للاكل

 

[ام رينـاد]

السلام عليكم​

مثل ماقالو البنات سوي لهم فحصوات وصرفي لم فيتامينات وترا راح تحسين بفرق وايد ونصيحه​

لا تقارنين بين عيالج و باجي اليهال راح تتعبين واهم الشي الصحه والعافيه وحتى انا بنتي ماحرمها​

بالعكس اخليها تاكل شنو تبي بس بحدود وننصيحه شوقيهم عالاكل يعني مثلا سوي لهم توست واخذي عصار وارسمي

ويه يعني خلي الاكل يشووق اكثر تالي راح يساعدهم عالاكل وانشالله يمتنون هاذا ولد اختي نتيفه كا والحين مشالله متبتب

والله يخليج لهم ويحفظهم من كل الشر وانشالله يكبرون ويصيرون مثل الورد وها وؤاتمنى اكون افدتج
​

 

[<<لمار>>]

سويلهم تحاليل ويمكن اهما معدتهم صغيرة ماتحمل اكل وايد حرصي علي انه يكون هالقليل مفيد لجسمهم مومهم كميته وعطيهم اشياء تعطيهم طاقه مثل قفشه عسل علي الريج وشوي مربي مع الريوق وتمر كسناك تري الكربوهيدرات تفتح الشهية وبعدين دامهم يحبون النوم يمكن علشان جذي مايبون الاكل لي صار تعبان الواحدوين يشتهي ياكل خليهم يشبعون نوم ولي قعدوا ريحيهم شوي وعطيهم وجبتهم لاتحنين حطي الاكل علي الطاوله وامشي اليوعان بياكل *

 

[om-3azo-83z]

سوي لهم فحوصات وو وديهم عند خبيره بتغذيه الاطفال
و ركزي على الاكلات اللي تمتن و زيدي الوجبات يعني الخفايف بين الوجبات خليها دسمه شوي بس بسيطه عشان ياكلون
عطيهم سوبر فيتا مال اليهال قبل امي كانت تعطيني روووعه
و فيه فيتاميينات بالصيدليه تكون مثل حلاو جلي وايد مفيده
بس فحصيهم سالفه النوم تخرع مابي اخرعج بس اشك ان فيهم انيميا و من قوه نشاط المدرسه يتعبون ينامون لان مثل ما كان يصير فيني مثلهم و لما صار عمري 12 يالله اكتشفو ان انيميا البحر المتوسط و اهيا نوع نادر

 

[منو انت]

يختلف من شخص لثاني انا عندي بنت اختي اسم الله عليكم اخر همها الاكل لدرجه والله اغلب الوقت شفايفها ناشفه الحمام الله يعزكم ماتمر صوبه والله ماادري شلون عايشه واذا تكرمت وتبي تاكل تاكل شبس من الجمعيه خل وماخل بس