عيب والله عيب

[Om Hayoon]

السلام عليكم خواتي حبيباتي ...

بغيت اوصل لكم صورة انا شفتها بعيني محد قال لي عنها ...اول شي صلو على النبي و سمعوا السالفة
الله يسلمكم قاعده ادور لي على شقة صغيرة للايجار ...حلوو
لا مو حلووو...تدرون ليش ...هونت مابي اطلع من بيت ابوي لان المستوى اللي شفته بالبيوت اللي كنت بأجر فيها شي يفشششششششششششششششششششششششششل ....اي مثل ما قريتو ....يفشششششششششششششل ......لان وصية من قال ان الجار قبل الدار....
اول بيت دشيته ...كانت في سيارتين بره من اخر موديلات هالسنه ....عرفتهم لان مكتوب مواقف الشقة رقم واحد ....ولما صعدت ...عزكم الله الشقة رقم واحد اللي مريت يمها ...عندهم مشروع مسجد ...حاطين عزكم الله كل جواتيهم بره البيت و مصففين على المساحة اللي جدام باب الشقة ونازلين جم درجة من الدرج ....( السؤال حق هالنوع من الناس يقول ) ....يوم انكم عرفتو تشترون سيايير اخر موديل ...ما مر عليكم شي اسمه ( كبت جواتي ) !!!!!!!!!؟؟؟؟؟؟؟؟؟؟
ما عرفتو شي اسمه معطر للجواتي ؟؟؟؟؟؟ ما تعرفون شي اسمه جدام الباب و الممر اللي تمشون فيه ليش كله زباله ؟؟؟
طبعا عفت الشقة لاني ما احب اسكن يم ناس جذي ....ولي رده بالسالفة الثانية تالي ...لاني تعبت و بشوف ردودكم و تفاعلكم وياي .......

 

[أم الاميرات]

اي والله او جنه الممر مو من ضمن البيت من الوصخ
انا في شقتي الاولى كانو زوج وزوجه بس بره ما في تنظيف مع اني كنت عروس بس لما اكنس الشقه لازم اكنس بره بعد
والحين في شقتي هذي انا الدور الارضي وفوقي شقتين الله لا يراويج الوصخ من عيالهم مع انا عندي عيال ما اخليهم يقطون الوصخ بلارض وهذول عياله شكلهم من الفرع يشترون لغاية السلم فوق قراطيس ووصاخه
لا ولما احد بيني لازم الخدامه تكنس المدخل

 

[الصعيريه]

ويييييع صج نااس ماتسحتي ...

يعني مآيدرون انه النظافه من الايماان ...

انتي اهم لما تدورين شقه لاااازم تشوفين اللي بيكونون جيرانكم لانه الجار قبل الدااار...

 

[Om Hayoon]

مشكورة خيتي ام الاميرات على تفاعلج معاي ومشاركتج في موضوعي
انا نفسج كنت اخلي الخادمة تنظف الالبيت من المدخل عند باب السكة لي باب الشقة و الشقة اللي يمي بعد
وبيت الدرج كله مش و تنظيف حتى الطوفه عشان الغبار و العناكب

هذا مدخل بيتي مهما يكون نفسيتي لازم تكون مرتاحه وانا داشة المكان النظيف
وما فيها شي اذا زينته بالزرع واللوحات كأنه بيتي

مشكورة حبي مرة ثانية والله يخلي لج اميراتج

 

[Om Hayoon]

خيتي صعيرية

مشكورة على المشاركة بعد ما قلت لكم عن الشقة الثانية ....
شي يفششششششششششششششششششششششششششل والله
انا بس ناطرة شويه تفاعل عشان اتشجع واكمل السالفة ......

 

[بشه المنفشه]

اي عادي حبيبتي احنا بعد ندور شقة صارلنا جم شهر وشفنا بلاوي بعيد عنج

إشرايج إن مرت علينا شقق أصحابها اطلعوا وقاطين أغراضهم اللي ما يبونها على الأرض ونعل محذفة وألعاب مكسرة حتى كبت المطبخ متروس بهارات !! ما تدرين الشرهه على اللي كان ساكن وأخذ اللي يبيه وهد وصاخته وراه ولا الشرهه على راعي الحلال اللي فاتح الشقة بكل ثقة واهي بتمشي من الوصخ ولا بعد يتشرط !

هذا غير الشقق اللي حماماتها تكرمين مصدية والسيفون مقطوع والوايرات طالعة من كل مكان والصبغ طايح والباب مشمخ تقولين مسكنين قطاوة .. واييج راعي البيت يقولج أنا مالي شغل تبون الشقة إنتو عدلوها ! احلف ! ما تبي نرمم بيتك بعد ؟

هم بعد مريت على بيوت تقولين من برة قصر .. بس تدخلين الحوش مو مغبر إلا بر بس ناقصه ضبوبه ويرابيع والأصانصير مبقع قعدي عدي البصمات اللي عليه والقراطيس والكلينكس وعلب البيبسي شي مو طبيعي

لا والأحلى شفتي غرفة الخادمة ؟؟؟ متر بمتر نقولهم من صجكم هذي غرفة وايد صغيرة ؟! يقولنا حطولها سرير المخيمات اللي ينصفط بس تقوم من النوم تشيله ولا الحمام تكرمين نص متر ولا بعد عربي الفتحة بنص الحمام وفوقها الدش يعني لو بتاخذ شور بتكود بالمرحاض !!!!!!!! مادري منو هالمهندس العبقري اللي صمم الحمام


بعد شنو ؟ وايد وايد سوالف .. الله كريم تخيلي عقب كل هالمغامرات لي الحين ما حصلنا مكان

 

[nice-girl]

وي ادا سالفه الجواتي تهون
انا رحت اشوف شقه اللي المفروض يكونون يمي مسكرين الممر بكبر لوول ادشين تخترعين م الاوس صغير بعدن الشقه اللي بأجرها المفرووض
يقوول الاخ يبي حديقه ويقوم يسكر عاد والله خنقه
وغير اصحاب البيوت يتشرطون بيبي واحد طيب شسوي بالباجي اقطهم يعنني شقه 3 غرف و4 حمامات وغرفه خدامه حق معاريس؟ اشبيسون فيهم بالدمه؟ كل يوم بينامون بدار مثلا ولاشنو
عشان جدي قررت اسكن بشقه ويمي كله اجانب
بس شكلهم بيطردونا اخر الششهر لووول
من ازعاج اعيالي

 

[طيرشلوا]

طيب بنات ماراح اتحجى باى شئ غير النعال لان الباقى مالومكم فيهم والوصخ شئ كرية ليش مكبرين السالفة مالتها
يعنى الديوانية الحين لما تدخلها الناس وين تحط نعالها اكيد برة
وبعدين النعال ماراح تبقا وتحتاج تنظفونها لما يخلصون كلن بيلبس نعالة ويمشى
وين المشكلة يعنى

 

[قمر^خالد]

آنه عن نفسي وعن تجربه شقتي الأولى كانت بجنوب السرة تينن وصاحب البيت كويتي بس عياله شوي مزعجين يلعبون كرة الساعه 3 العصر عند الدريشه واحنا تونا رادين من الدوام نبي ننام غير اللي فوقنا يطقطق........... لا والمشكله ولده أييمع عيال الفريج كلهم ويلعب معاهم................. ويمنا كان في واحد ومرته ... ومرته بس اتلعلع ما تسكت........لووووووووول........ وعقبها طلعنا وسكنا بعمارة آخر دور {تأدبنا} كلها اجانب الصراحه مانسمعلهم صوت حتى آنه وريلي حدنا هاديين وأنصحكم أبعمارة كلها اجانب لأنهم ذربين مو بعض الجاليات الله يهديهم .....؟؟؟؟؟

 

[ريما_الحلوه]

عيل بخالفكم لان باول زواجي قعدت بشقه في بيت مقسم ىشقق وكله اجانب وانا وريلي الوحيدين كويتيين بس كان جحيم لان ولدهم الشهم كان لازم كل ويك اند عنده حفله مو اي حفله الا ديسكو وطقطقه واخر الليل يصير صراخ البنات الله لا يواريكم والشرب اعوذ بالله عادي ينكت على طول السلم والباجي وقت الاعياد والعطل ياويلي عالصراخ والازعاج الله وكيلكم قبينا علطول واجرت دور ما معاي احد وارتحت الحمدلله

 

[law girl]

وي ادا سالفه الجواتي تهون
انا رحت اشوف شقه اللي المفروض يكونون يمي مسكرين الممر بكبر لوول ادشين تخترعين م الاوس صغير بعدن الشقه اللي بأجرها المفرووض
يقوول الاخ يبي حديقه ويقوم يسكر عاد والله خنقه
وغير اصحاب البيوت يتشرطون بيبي واحد طيب شسوي بالباجي اقطهم يعنني شقه 3 غرف و4 حمامات وغرفه خدامه حق معاريس؟ اشبيسون فيهم بالدمه؟ كل يوم بينامون بدار مثلا ولاشنو
عشان جدي قررت اسكن بشقه ويمي كله اجانب
بس شكلهم بيطردونا اخر الششهر لووول
من ازعاج اعيالي

لوووول والله نفس المعاناه دوور كامل خمس غرف يبون معارس او بس عندهم طفلين او اجانب !!!!!!

 

[يتيمة العقـد]

كلشي يهون الا الزباله اللي تقعد عند الباب بالساعات وريحت الممرات اففففففففففففففففففففففففففف
ومن هالحركة تعرف اذا راعية البيت وصخة والا سنعه؟؟؟؟؟

 

[زهرااا]

ما يستحون

 

[♥ąϻᴑŁ♥]

صج ناس ماتستحي !!

الله يعينكم والله

اشوه ساكنه عند حمووولتي ومرتااااحه ..

 

[مشغوله و محتاسه]

انا اول مره اسكن دور في بيت بمدخل مشترك .. قبل كنت ببيت ماخذين الدور الارضي كله ... يعني بابنا لنا و حوشنا لنا ما نحس باحد .. اما الحين ساكنين الدور الثاني .. و بالثالث في عايلتين .. و تحت ماشاء الله هم في عايله بالارضي ... المهم البيت وايد حلو و راعيه توه مشطبه ... بس الناس كلن يقول انا مالي شغل ... اليوم قراطيس بالاصنصير ... و الدري مغبر .. لو بنخم مره مرتين .. الباجي وينهم ؟؟ ليش ما يبادرون ؟؟


الناس اذواق .. الله المستعان ..ماكو على البيت الخاص ... لا اشوف ناس و لا اسمع تلعلعهم

 

[كيوت_25]

الله يعينكم صج الجار قبل الدار

 

[sad_angel]

ههههههههههههههههههههههههههههههههه
ياحلوج شكلج نظاميه حيل وتحبين النظافة والسنع وطحتي على هذيل الله يعين جيرانهم​

​

 

[عاشقه القيصر]

احسن شي اخذي شقه بعماره احسن وانظف

 

[**(فـيـلا دانـتـيـل)**]

الله يعينكم ..

ويـــصبركــــــم ..

 

[shajasha]

الله يكون في عونكم