عيدميلاد بالصف

[cuteq8ya]

بنات ودى اسوى عيدميلاد حق بنتى بصفها بس اهيه بحكومه...تحقون يصير عادى؟ واذا عادى ابى افكاركم و اشلون الطريقة؟؟
مشكورين حيل حيل بعد عمرى كلكم

 

[milkey way]

اي عادي بس ضروري تبلغين الإدارة بالأول وتاخذين موافقتهم وعقب اتسووين انا بصراحة سويت كذا مره بس كان بالخاص واخترت يوم كان اخر يوم لنهاية الامتحانات يعني أجلته جم يوم .

ويبت ريوووق كامل معجنات وصمون وكيك وعصاير وقلاصات وصحون ورق وجلاصات وشوك بلاستيك ولزقت الطاولات مع بعض وحطيت مفرش نايلون وكيكه كبيره وشمووووع وهدايا حق اليهال وبطاقات دعوه بالاول

كل استعداداتي كانت من اي تو زيد ويبت شخصيات (2) واستانسووو حيل اليهال

:happybday:​

 

[وافية*]

حبيبتي بالمدارس الخاصة اي عادي بس الحكومة نووووووو وي ممنوع بس ممكن يسمحولها توزع حلاو مثلا بالفرصة على رفيجاتها وابلاتها بس بالحصص ممنوع يعني يقولون لج هذا عيد ميلاد بنت وحدة موملزومين يضيعون الحصة عالبنات عشان حفلتها(تخلف طبعا لان واللة شي حلو بس شتقولين عاد)احنا ادارتنا مستحيل تسويها بس يمكن ادارتكم فري انتي جربي واسالي الوكيلة شخسرانة
واللة يخليلج بنيتج وكل عام واهي بخير

 

[Om Ghalia]

سويلها كاكاو مطبوع عليه صورتها مثلا أو اسمها .........أنا شارية الكيلو محشي بالجيز كيك بـ 25 دينار (يي حوالي 75 حبة) ..

 

[**reem**]

بمدارس الحكومه ما أتوقع يرضووون على حسب كل مدرسة وناظرتها

 

[milkey way]

وي من صجهم مايرضون ليش ؟؟؟؟ اذكر امي لما كنا صغار كانت دايما اتسويلنا اعياد ميلاد بالصف وتييب كيكه وتكون الحفلة بالفرصة واشوية من الحصة الرابعة .

انتي جربي منتي خسرانه ، يمكن الإدارة يكونون حليوين ويرضون .