عيدميلاد بنتي طلع وااايد حلو

[ام اطوطه]

السلام بنات شلونكم شخباركم سويت عيدميلاد بنتي الحمدلله كان روعه حبيت افيدكم وافيد اللي متوهقين لان صج انا قبل العيدميلاد كنت متوهقه ومتوتره وبين المطعم والبيت ولأني كنت ابي بالبيت سويته بالبيت اول شي يبت مقدمه برامج ودي جي وشخصيه و ساحر و شبس المربعات قلي كله من مكتب المدير اسمه بوبدر كانت مقدمه البرنامج وايد حلوه ودي جي حلو حق كبار وصغار ومسابقاتها حلوه اسمها ام علي كل هذا خذوا مني 160 سعرهم وايد حلو وما لقيت مثله بالسوق الصراحه وسويت مقبلات بالبيت ورق عنب و3 انواع سلطه الله يعافي امي وخااتي طبعا:eh_s(7):ويبت ام صهيب تسوي صاج خذيت مني 80 حق 60 شخص هذ كان العشه والكيكه يبته من العروسه الكل قال عنها وايد حلوه بس مع الاسف انا ما كليت منها ما شاءالله ماكو وقت رايحه وراده ريولي طاحت صج تعبت بس لمن شفت الكل مستانس كبار وصغار ارتحت وصج اونس من المطعم بس شغله وحده بطت جبدي وصج انقهرت طلبت من الوسيط مصوره فيديو اسمها بدور تخيلوا اكشتت فيني وما يات وادق عليها ماترد راح تعب العيد ميلاد كله:rgewrg:بس صورت بالايباد شويه بس صج بطت جبدي واتمنى اني يعجبكم الموضوع وتستفيدون منه

 

[فلافل وبطاط]

عساج عالقوه وكل عام وبنيتج بخير والله يخليها لج يارب
والفال لعرسها يارب ..

انا عيد ميلادي بنتي الاول الدي جي والمصوره كانوا مع بعض
ب ٧٠ .. ويابت معاها مايك وانا سويت المسابقات ..

والعشا حطيت بوفيه ..

هالسنه عيد ميلادها الثاني ودي اغير ..

 

[Q8_QT]

الله يخليها لج وتفرحين فيها عروس
بس حبيبتي ماقلتي اي شركة يبتي ياليت تحطين رقمهم

 

[ام اغلى الناس]

كل عام وهي بخير

 

[NoOoBy]

كل عام واهيا بخير
والله يخليها لج وتشوفينها عروس

 

[نوسآ]

الله يخليها لج وكل عام واهي بخير

 

[%F&R%]

الله يخليها لج انشالله

 

[ام اطوطه]

الله يسلمكم حبايبي ويخلي عيالكم لكم

 

[ام اطوطه]

وبالنسبه حق الارقام شركه المدير للحفلات 97797784ورقم ام صهيب للصاج 22662196-66661568

 

[@ام يوسف@]

عقبال 100 سنه

 

[الشيخه فطامي]

صاجه بالبيت اونس انا اول عيد ميلاد حق ولدي كان بالبيت

بس الحين افكر بمطعم جاري البحث

 

[beauty rose]

العمر كله يااارب و عليكم بالعافية

 

[لين الـورد]

الله يخليها لكم ان اشاء الله

 

[روح مووود]

الاحتفال باعياد الميلاد حررررررررررررررررام يابنات والله تقليد لليهود

 

[بنت الخبر22]

لايجوز الاحتفال بااعياد الميلاد

 

[hooryah q8]

العمر كله يااارب و عليكم بالعافية​

 

[mama-dodo]

كل عام وهي بخير
والله حلوه الفكره

 

[noon 55]

يابننننننناات ليش كيذا مستهنين فالموضوع اعياد الميلاد حرررررررام والله حرام
لاتربون اولادكم ع شي محرم بيصير بعدين عندهم زي عيد الفطر والاضحى
اللهم اني انذرت اللهم فااشهد

 

[كويتيه ذربه]

عليكم بالعافيه
كل عام والبنوته بخير وعقبال مئه سنه يااااااااااارب

 

[عسل مرت قيمر]

عليكم بلعافيه