عيديتي لكم : تقرير مباشر من صلالة

[C'est La Vie]

قوة بنات شلونكم؟
عيدكم مبارك وتقبل الله طاعاتكم
محدثتكم سي لا في تخاطبكم من صلالة
تابعو معانا تقرير سفرتنا

اول شي الله يعافيكم طرنا قبل عرفة بيوم على الخطوط العمانية ترانزيت مسقط
قضينا ليلة فندق انتركونتينانتال
تقيمي له انه عادي واحلا ما فيه اللوبي بس
بس الغرفة وايد عليها 200



هذي جم صورة من بلكونة الغرفة هني صوب البحر

وهني صوب المدينة تلاحظون الجبال وراها

هذي صورة اللوبي

هذي الحديقة ورا حمام السباحة اسمحولي ما صورته لأنه كله اجانب

وبعده تيي الحديقة

والحين هذي صور واجهة البحر بس المشكلة انها مو تابعه حق الفندق نفسه لازم تطلعين من الحديقة عشان توصلينله

وهني بنص البحر في صخرة كبيرة نفس طريقة اللي بالروشة بلبنان

يتبع

 

[C'est La Vie]

ثاني يوم طيارتنا حق صلالة كانت الساعة 7 فقررنا نروح مناطق الطبيعة داخل مسقط
خذينا تاكسي وودانا منطقة قريات تبعد ساعة ونص عن مسقط
وهذي بعض المناظر اللي شفناها بالطريج

هذي بداية سلسلة الجبل الاخضر اللي درسونا عنه بالاجتماعيات

الشوارع اغلبها تصليحات لأن صارلهم اعصار قوي قبل جم سنة كسر الشوارع والجسور

والحين وصلنا قريات

كان هالمكان غابة بس الاعصار ترس الوادي ماي خرب البيوت وشلع الاشجار كلها

هذا فلج ماي عذب قبل الاعصار كان متروس بس الحين بالقاع بس

هذي قرية مهجورة ذكرتني بمسلسل فريج بيت ام سعيد

يتبع

 

[C'est La Vie]

الحين دشينا الوادي ولقينا بحيرات ماي عذب

قاعدين يسوون سد كبير عشان ما تتكر مآساة الاعصار مرة ثانية

عقب ما خلصنا رحنا نشتري حلوى عمانية
خلونا ندش داخل نشوف شلون يسوونها

والحين في طريق العودة

رجعنا الفندق سوينا جيك اوت ورحنا المطار
بالطريق الى صلالة


يتبع

 

[FoOosHiia]

عليكم بالعافية
و الله يردكم بالسلامة

و انا متابعة :ggdw::ggdw::ggdw:

 

[C'est La Vie]

الله يعافيج فوشيا
والحين نكمل
وصلنا صلالة وقعدنا بفندق هيلتون
واااايد وااااايد احلا من انتركونتينتال
غرفته اوسع واريح
بس عيبه اكل المطعم مو زود



هذا المنظر من البلكونة

اقول حق ابوي احنا قاعدين بصلالة ولا هاواي؟؟؟
وهذي نخلة جوز هند فيها طيور

رحنا تريقنا على طاولة جدام حمام السباحة وعلى الكرسي الثالث كان في ضيف مستحي

بعدين قرر ان يشاركنا ريوقنا خمط الخبزة وانحاش

هذا حمام السباحة

هني الحديقة

هذا البحر

هذا المكان تحجزينه وتقعدين تتعشين فيه عالبحر

والحين عن اذنكم بنات انا باخذلي قيلولة وارجعلكم بعدين

يتبع

 

[ام مهودي]

تقرير حلو وبدايه مشوقه :")
ناطرينج

 

[soso q8]

واااو حلوووو حيييييييييل بالعافيه و تردين بسلامه
و اذا رديتي حمدالله على سلامه
تقبلي مروري عسووووووله

 

[kandora]

عليج بالعافيه وايد حلو التقرير

متابعينج =)

 

[PO PO22]

روووووعه تقريرج مثل صاحبته العسل

 

[^noonaa^]

ماشاءالله خوووش تقرير

نااطرين بااجي الصووور

 

[keeka]

شغل عدل عليكم بالعافيه والله يردكم بالسلامه

 

[فديتوني..q8]

وآآو خووش منآظر جد جد un 6be3ye بس آحنآ مو آتفقنآ مآكو طلعة كآآآآآآآآآآآآآك

يسلمووو

 

[C'est La Vie]

ام مهودي
سوسو
كاتي ال
بوبو
نونا
كيكة
حياكم الله

اما فديتوني Catch me if you can
هههههه حياج الله


صلالة اليوم الاول:
عقب ما تريقنا وتقيللنا على البحر
رحنا مع المرشد السياحي بيودينا عيون الماي
وهذا منظر النخل بالطريج

منظر الجبال اللي بنروح بينها

حياكم الله في عين رزات

ناس يسبحون

هذا كهف

صعدناه

خفت اصور فيه لأن سمعت مو زين تصورين بكهف يطلعون ينانوه يمااااه
بس عموما اهو صغير وفي قعده ومكان يشبون فيه نار وفي خفاش نايم بالسقف
قعدت اقرا المعوذات وانا ادشه
المهم هذي الصورة مصورتها من داخل الكهف عشان تشوفون المنظر من بره

خلصنا من عين رزات
والحين نتجه الى عين دربات
وصادفنا شي مألوف ذكرني ببنكي























Our Camel Lovely Camel

وتمختري يا حلوة يا زييييييييينة

يتبع

 

[C'est La Vie]

تابع : صلالة اليوم الاول:

بالطريج الى عين دربات مرينا على منطقة اسمها طاقة شفنا فيها هالمبنى القديم

صعدنا فوق الجبل وقعدنا باستراحة صغيرة شربنا جاي وقهوة وهذا المنظر

يقول المرشد الحين الزرع بالجبل كله اصفر بس على شهر 7 يصادف خريف عندهم يقول خضرة وشلالات على مد النظر

I'm The King Of The World <--- ويييي يتها الحالة

عين دربات على وزن وربات ههههههه <--- املق
المهم هذي عين دربات

وليما تغيب الشمس نقول شلوووووح ملووووووح كل من يدل بيته يرووووووح

بس بطريق العودة صادفنا قطاع طرق

قبل ما نرجع الفندق مرينا مكان اسمه نارجيل يبيع جوز هند وموز وببايا عمانية اصلية

شرينا حبة جوز هند cocconut وشربنا عصيرها
تفضلو جربووه

وهذي كانت نهاية يومنا الاول بصلالة
كان طويل وومتع
بس ما اعتقد يكون اطول من يومنا الثاني لأن بنروح صحراء الربع الخالي
ترقبوني





يتبع

 

[فديتوني..q8]

وآآآآآآآي عجيبة آلرحلة وتعليقآتج محلية آلموضوع فديتج سي سي يلآ كملي حدي متشووقة آشوف وآلله :$

 

[bambena]

خوش تقرير كنت ناطره تقرير لصلاله خوش صور ماشالله

بس عاد انا نوعي احب اللويه قهاوي سوقه لويه لويه ماحب الهدوء والطبيعه وبس

عكس الاوادم


متابعتج

 

[C'est La Vie]

خوش تقرير كنت ناطره تقرير لصلاله خوش صور ماشالله

بس عاد انا نوعي احب اللويه قهاوي سوقه لويه لويه ماحب الهدوء والطبيعه وبس

عكس الاوادم


متابعتج

حياج الله بامبينا
بس انا اكتشفت بالطريقة الصعبة
ان عمان مو حق سوقه ولا مطاعم :eh_s(1):
يعني ذاك اليوم قلنا حق تاكسي ودنا ارقى مطعم عندكم
ودانا مطعم لبناني
يمكن مطعم الديك الرومي اللي بحولي يطلع عليه 7 ستار
صج صج لا اكل لا قعده لا سيرفس :0bee2e8d89:
الفندق اكله مقبول يمشي الحال
السوق عندهم اكشخ شي لولو هايبرماركت وهالطقة
اما سوق بمعنى سوق اللي نعرفه في واحد بس بنشوفه بمسقط آخر يوم سيتي سنتر
اشوفه واصوره اقولكم تقيمي له انشالله

 

[C'est La Vie]

ها بنات شرايكم بآخر التطورات؟
جاهزين حق مغامرة الصحرا باجر؟؟؟

 

[فديتوني..q8]

بصرآآحة موضوع رووعة .. يآليت يثبتوونه لآنه جد يستآآآآهل ..

 

[سياسية]

ما شاء الله

خوش تقرير و خوش صور..

اهلي كانوا رايحين بالتسعينات صلالة بالخريف..

جوها مو صج صراحة...امطار و خضار على مد النظر..

ان شاء الله نروح لها بيوم من الأيام...

ومتابعتج ياقلبي..

وعلى فكرة ترى عندهم مول كله ماركات في مسقط اعتقد..وفيه نفس طقة فيلا مودا و جذي..بس ما يحضرني إسمه مع الأسف