عيد زواج ابوي وامي وبحجز لهم سويت فخم بالكويت؟؟ وين؟ ساعدوني عفية

[منال القلب]

مرحبا بنات

انا وخواتي واخواني متحاططين وجمعنا مبلغ 400 دينار

عيد زواج ابوي وامي قريب ونبي نحجز لهم سويت في أحد فنادق الكويت لمدة 3 ايام

بنات شنو أغلى وأحلى وأرقى فندق بالكويت؟

اذن

المبلغ: 400د.ك

المدة: 3 أيام

المكان: سويت فخم وراقي وهادي


بنات أبي فندق كلاس وذوق بليز ساعدونا انا وخواتي واخواني هواش كل شوي نتهاوش على مكان.. نبي نفرح أبونا وأمنا

بانتظاركم....


:eh_s(7):

 

[Om_Ksha]

لو انا منج احجز لهم علا ارقى فندق بدبي .. 400 نقصي منها بس التذكره

 

[منال القلب]

^
^
ودنا بس ظروفهم تمنعهم من السفر
علشان جذي نبي بالكويت...
تسلمين حبيبتي ورفع

 

[منال القلب]

upp

 

[الزين فرح]

الله يجزاكم خير ويبرون عيالكم فيكم ان شاءالله مااعرف بس حبيت ارفع موضوعج

 

[منال القلب]

^
^
فديتج حبيبتي تسلمين على الدعوة ولج مثلها آمين يارب
اب

 

[chakletaA]

حياتي الله يخليهم لج سعدت حين قرآت العنوان الله يكثر من امثالج
الام والاب يستاهلون كل خير حياتي حافظج ربي

بالنسبه لي ارقى فندق هوليداي ان / ميسوني تلكـ المكان الجميل لقضاء امتع اللحظات هناك

دمتي بعز اهلج ((((((

 

[منال القلب]

^
^

فديتج حبيبتي تسلمين على كلامج ولج مثل هالدعوات واكثر والله يخليلج امج وابوج فوق راسج يارب

 

[نياره]

فندق الهلتون سويتهم حلو وراقي وكبير عن تجربه الليله كانت ب١٧٠ الحين ماادري جم

 

[lala2]

عسي الله يجعلكم من البارين يارب
الحين فترة امتحانات واكيد بتلقين عروض حلوة شوفي فندق المارينا وقصر النخيل والهوليدي ان انا سامعه ان عنهم عروض حلوة في هالفترة وهذي ارقامهم طلعتهم لك
المارينا: 2571900 /22230030
قصر النخيل :1824060 /موبايل :99759620
وعسي يسعدكم مثل ماتسعدون والديكم يارب
والله يحفهم لكم يارب
اتمني ان شاء الله عيالي لما يكبرون يفكرون فينا مثلكم يارب
الله اجعلنا من البارين بابائنا واجعل ابنائنا من البارين فينا يارب

 

[قلوووب]

حبيبتي..الرجينسي هادي وراقي واايد حلو قرفهم فخمه حتن الحمام اينن
وعندج موفنبك المنطقة الحرة اجواء جنه مسافرين والمطاعم اللي فيهم كلاسك
وعندج صحاري اهو منتجع عود بالصباحيه في الفلل اللي بره علغرفتين بس هذا اعرف سعره غالي يعني الليلة ايام عاديه ٢٣٠مو عطل بس هم فيه غرف مو فلل ويمكن فيهم سويت ينفعكم بس الفندق روووعه فيه احواض سباحه وسبا تقدرون تخلون حق كل واحد فيهم يوم سبا فيه ومساحة عووووده للخيل والگولف خضار شييي حلووو يعني
والله يوفقكم يارب

 

[منال القلب]

نيارة - لا لا - قلووب

فديتكم عسى الله يوفجكم ويسهل اموركم
وماقصرتوا ياذوووق بشوف كل واحد فيهم وبختار الافضل

 

[حضرمية عسل]

الله يسعدكم دوم زي ما تسعدون امك وابوك

 

[هنـــد]

موفنبيك البدع

النخيل هم بالبدع

هيلتون المنقف

مارينا مول

اخذي السويت والحجز من موقع booking.com

الاسعار ارخص وشوفي شنو يناسبكم بعد