عيد ميلاد، عيد زواج، تجديد رومانسية وتغيير جو ؟

[مرت ريلي]

تبين تتعشين مع ريلج عشا رومانسي ؟ عندج مناسبة معينة ؟ أي مطعم بتختارين وليش ؟ فيدوني وأفيدكم ..

 

[Sweet_00]

مرحبا
انا ابي كلام عن العيد ميلاد ابيه باجر ممكن ؟
كلام حلو و غزل ورومنسية

شكرا أختج : Sweet

 

[أم طه الحولة]

مرت ريلي مشكووورة عالموضوع الحلو
بالنسبة لي اشوف ان كل مناسبة لها مكان يعني اذا ابي اتعشى عشا رومانسي افضل ان يكون بالبيت بعد ما اسوي ترتيباتي من اكل وديكور واجواء رومانسية .. اما اذا كان اذا كان عيد ميلاد راح اختار المطعم اللي يحبه زوجي يعني مثلا ريلي يحب الاكل البناني فراح اختار يا ايام زمان اللي بالهوليدي ان او مطعم الطربوش اللي بالشيراتون وبعدبن باخذه عشان نحلي باي مطعم من مطاعم البحر عشان اسويله هيصة ولوية واخلي الويترز يغنونله مثل فرايديز وبعدها راح نكمل احتفالنا بالبيت ,,, واذا تبيني افيدج بالمطاعم اللي تنفع للمناسبات عندج .. المرسى بالمريديان .. مطاعم الشيراتون مثل الحمرا والطربوش .. عندج سي بريز اللي بسفير بنيد القار هذا ينفع حق اللي يحبون الجو الهادي والاماكن اللي مافيها زحمة ,,
وسلامتج

 

[شيخه_البيض]

عسى عامك سعاده وحب وتفرح بالهنا كلّه
وكل الدنـيا تضــحك لك وتســعد يا نظــير العــين
عسى العام الجديد أحلى ونقطف ورده وفلّه
ترافقــنا الســعاده والعــمر يبـــقى لــنا عمــرين
إذا قالــوا تحــبه قلــت كل العـــمر هـو واللـه
انــا مخــلوق لعــيونه وهــــو بعـــيوني الثنتـــين
إذا ما أســمعك لحــظه أحس القــلب متولّه
واشوف الناس بعـيوني سراب وملتقاههم شين
أحـاول ألتقي بطـيفك وأسـامح لو بــدت زلّه
أسـهّر قلــبي وعيــني إلــى حــد النــهار يبــين
اكــلّم وردتي الحــمرا وهــي بالــنود مبـتلّه
أطرشـها لجل عـينك وياخــذها نســيم العـــين
ينام السعد في حضني واتشافى من العلّه
اذا صــوتك وصل سمــعي أحس أن الزمان يزين
أنا من لي بهالـدينا أعيـش العــمر في ظلّه
عسى العام الجديد أحلى عسى يتجمع القلبين


كل عام و إنت بألف خير
يا أعز إنسان في قلبي الصغير
اليوم يوم ميلادك السعيد
نفسي و منى عيني أشيلك و أطير

+++++++++++++++++++

اليوم ميلادك وأهنيك
يوم ميلادك ترى ميلادي
يارب بالهنا دوم يهنيك
دوم أيامك فرح وأعيادي

+++++++++++++++++++

أجمل ورود التهاني
أقدمها ليوم ميلادك
أطلب الله وأرتجيه
عساها
تكثر أعيادك


+++++++++++++++++++

ميلادك يضؤي دروبي
مثل القمر
في سمانا
أشريك لوكلك عيوبي
ياعسى ربي يحمانا




+++++++++++++++++++


أنتي
حب الدنيا وضحكت خير
دامنا
ميلادك مختلف عن الغير
ياأجمل ورود العالم
كل عام
وحبك الطاهر
بخير




+++++++++++++++++++


اليوم زاد عمرك سنة
محتار ويش أهديلك أنا
تبي عمري
تبي روحي
إنت بس تدلل و أطلب


+++++++++++++++++++


الله يهنيئك بأعيادك
وفي غيابي تمرح عيونك
الله يحقق لك امرادك
وين ما تمشي على كونك
المهم احفظك في ابعادك
واثبت لدنياك ما اخونك


تحياتي .....

 

[rudy]

عندك مطعم الريكاردو بالشيرتون اهو بالنسبه لي نبر 1 هذا اخليه للمناسبات الخاصة مو شرط عيد ميلاد اوزواج

 

[ضحكة الدنيا]

عندج مطعم البوم تعشيت فيه مره مع ريلى وعجبنى وايد​

 

[انا كويتية]

عندج مجموعة المطاعم الحديدة اللي قبل منتزه شيك مكان رايق وهادي وحلو عاد انتي شوفي زوجج شنو يحب في مطعم ياباني ومطعم تايلندي ومطعم لبناني وتشوكليت بار.... وغيرها

 

[bambena]

لونوتر البحر
الريكاردو
انتراكوت

 

[مرت ريلي]

مشكورين عالتفاعل الحلو يا حلوين
بالنسبة لي احب المرسى اللي بالمريديان والسي ريز اللي بالسفير بالدور ال 19

بس المرسى أخطر شي اللي تبي معلومات عنه تقول والدفع مقدم لول لا لا اتغشمر بس والله جد اللي حابة تغير ولا مرة راحت المرسى طافها نص عمرها

 

[بنت الحزن]

انا معاج المرسي وايد حلو انا عن نفسي وايد اروحله

 

[أم طه الحولة]

اي الله المرسى مو طبيعي لذيذ اموت عاللوبستر مالهم اللي ماراحتله طافها نص عمرها ..

 

[New Mum]

بيكوك نمبر ون
ريكاردو
وسابي البرايفت روم
لونوتر فوق

 

[ساندى]

المرسى وين صاير وشنو نوعية اكلة لبنانى

 

[الشايعية]

انا عن نفسي احب يوم عيد ميلاد ريلي اسويه في البيت عشان اكون مضبطة

كل شي مثل اجهز الكيكة ونشر بالونات حمرة وبيضة على شكل قلوب الحب في كل الشقة مع ممر من الورد و على اطراف الممر شموع صغيرة تنور ولا انسى طبعا الهدية الي مجهزتها طبعا بتقولون كل هذا وفي هديه !! اكيد مدام اهو يدفع ههههههههههههههههههههههههههههههههههههههه



ملاحظه:
جنة الاطفال في بيوت امهاتنا

 

[bambena]

المرسى وين صاير وشنو نوعية اكلة لبنانى

المرسى بالمرديان واكله بحري ست منيو كامل

 

[مرت ريلي]

التغيير حلو مرة بره ومرة بالبيت

 

[د.شريفة]

شي راقي ورومانسي
الحمرا في الشيراتون

 

[مرت ريلي]

انا أحب الحمرا خصوصا لما يت فترة حطوا سوشي بار

 

[أغلى حبيبه]

انا بالمناسبات الخااااصه على طول الابراج

قعدته عجيبه وبوفيه حلو

واذا طلعه عاديه اي مطعم قعدته حلوه ومو زحمه

 

[مرت ريلي]

الأبراج خبري فيه وأنا صغيرة ودي أروح أشوف اشلون صار الحين