عيد ميلاد بنتي

[احبها حيل]

السلام عليكم
كيفكم
بنات عيد ميلاد بنتي بعد 9 ايام ان شاءالله
وناويه اسويه بيت حمولتي لان صالتهم كبيره
وعمر بنتي الله يحفظها بتكمل الثلاث سنوات
فاودي انكم تعطوني افكار حق الحفله شنو اجيب اكل وحلويات
وشنو البسها شنو يكون العشاء للاطفال والكبار سوا ولا الاطفال عشاهم يختلف يعني ماني عارفه شنو اسوي
ميزانيتي بحدود 3000 الاف ريال سعودي تطلع بالكويتي تقريبا 230 دينار

 

[mama-dodo]

انا بعطيج فكرتي حق عيد ميلاد بنتي

لبسي بنتج لبس تنكري
سندريلا او اي شي حق البنات حلو
والحين كيكة الكب كيك وايد هابين فيها حلوه

يعني كتبي اسم بنتج بالكب كيك او حرفها كبير تكون هذي الكيكه
واكيد عشا اليهال غير
واتمنى تكون فكرتي حلوه وتعجبج

 

[انجبر قلبي]

اب


حبيت ارفع الموضوع لان عيد ميلاد بنتي انشالله الاسبوع الياي


حسافه كنت شايفه بمواقع اجنبيه لبس عيد ميلاد عليه مكتوب العمر اذا سنة يكتبون بالنص 1 واذا سنتين 2 كنت بطلب منهم يشوقون بس ما مداني

 

[الـزين و الجـود]

اب اب انا بعد ابي

 

[ام رينـاد]

حبيبتي لبسيها شخصيه تحبها

مثل نفنوف على تنكر بيل او ميكي ماوس

وييبي شخصيات على بارني والسنافر ..

وحطي اغاني عالداتاشو

وبالنسبه للاكل

ممكن تيبين بوفيه صغير مثل (ورق عنب - فطاير - حلويات - سمبوسه وفلافل - كيك - ببسي وسفن وشاني - ماي )

وبالنسبه للكيكه

يبي كب كيك احسن عشان يكفي اليهال والعايله

 

[GofiSho]

بما اننك في السعودية

و ما باقي شي ع عيدميلاد بنتك

و ميزانيتك 3000 كوويسسسة حيل

تشوفين المنظمات

هي تجيب لك الفستان و الزينة و كل شي طقم

على ثثيم واحد انت تختارينه

و هي تضبط لك و ريحي مخك ..

..

لكن لو ماتبين منظمة ..

اولا احس اضبط و ارتب يكون عشاء الاطفال منفصل عن الكبار

عشان الاطفال تتونس اكثر و الكباررر ماتتضايق من الاطفال

و جيبي ركن حطي في نافورة التشوكلت و مكملاتها

و جيبي للاطفال توزيعات هداايااا

اذا انتي بالشرقية شوفي هزاز الخبر و الركن الذهبي او الدنيا الصغيرة

تحتااااااااارين عندهم

و هم تلقين مستلزمات العيد ميلاد كاملة

و هم رامز اكو فيه شغلات حلوة

و لو تقدرين تجيبين لهم بالونات الهليوم حييل خلوووووة

و شوفي اذا تقدرين تجيبين بنر بنفس الثييم

و الاكل . موالح و حلوياات و كب كيك و كوكيزز و تقريبا كلها تقدرين تطلبينها جاهزة

اذا نظمتي امورك كلها بتجي ممكن اقل من 2000 ريال

..

و ربي يسر لك و هابي بيرث داي للحلوة بنوتتك

عقبال تسألينا عن زواجها يارب