عيسى بشور؟

[HeR HiGHNeSs 90]

هاي


بنات بليز بليز بليز



ابي اعرف وين عيادته ورقمهم؟ وشلون اسعاره


بلييييييز باسرع وقت ضروريي

والي تتعالج عنده شلون؟ فاد معاج العلاج؟
وممم شنو بعد


اهو دكتور جلديه صح؟

 

[*Toota*]

ايي اهوا دكتور جلدية .. مكنه بالسالمية اعتقد شي فيه الماني ,,انا رفيجتي معالجه عنده مواعيده وااااااايد بعيده يعني عادي عقب 4اشهر و علاجه واحد لا تقولون لا!! انا كل ما سالت وحده تقولي حبوب الراكوتان و كريمين مادري 3 تخلطينهم مع بعض و يقشرون و من عرضهم الرتن اي ,, انصحج تروحين اسعد الحمد حكومه واايد ابرك منه عندهم دكتور اسمه مشعل الغريب خوش واحد

 

[HeR HiGHNeSs 90]

ممممممممم

اي صح انا بنت خالتي وبنت عمي ماخذين عنده موعد عقب شهر 4




ف خلاص بشوف دكتور مشعل الغريب على كلامج بروحله انا وامي

مشكوووووووره

 

[*Toota*]

http://www.q8yat.net/showthread.php?t=376048

http://www.q8yat.net/showthread.php?t=200784&page=2

 

[krkooora]

عناية كلينك

بالسالميه

صراحه انا حده ما عجبني مطيرينه البنات على الفاضي > وجهة نظر

 

[HeR HiGHNeSs 90]

توته مشكووره عاد قاعدا ادوور مواضيع عنهم :*

كركورا صج؟؟ ممم زين قلتولي عيل عشان لا اتوهق :*

 

[لمعة الالماس]

انا كنت عندة صراحه ماعجبني والبنات مطيرينه عالفاضي..

يعالج كله تقشير رتن اي ودوكين وحبوب وبس يعني ماله داعي تروحين

روحي عند سحر غنام او قنال الصايغ..

 

[غلا 7373]

خبري يمل دقيت على قبل شهرين قالولى مواعيد لغاية شهر 12

 

[ii DareeN ii]

رد : عيسى بشور؟

انا نطرت موعد وصل عقب ست شهور يوم كان بدار الشفا وعطاني ادوية بميتين دينار مانابني منهم غير نفر بويهي واغمجت بشرتي وهذا انا رايحه له بس ابي توحيد لون ونظارة

 

[مراسي الشوق]

والله انا استغرب يعني لو انه دكتور فاشل جان مواعيده مو جذي زحمه!!

عاد انا تجربتي شخصيااا وتجارب صديقاتي كلهاا اوكي وممتازع عنده وكل وحده فينا علاجها غير الثانيه اللهم ابعض الكريمات اما التدرج بالعلاج وهالسوالف كان يمشي مع كل وحده على حسب بشرتها...وماشاءالله انا وصلت معاه لمرحله قالي خلاص راجعيني كل 4 و5 شهور اجيك على بشرتي وعطاني الكريمات وغسول وتونك الي ادوام عليها عشان احافظ على النتيجه والنظاره الي وصلت لها وهذا رقم العياده2575077 والدخلي مال الجلديه201 ياقلبي اهي صايره ورا جمعية السالميه اسمها عنايه الالماني

 

[عاشقة الجنة82]

والله ما اعرفه للاسف جان فدتج حبيبتي
مـــــــــوفــقــــة حبيبتي

 

[شذر وألماس]

روحي وتوكلي على الله ممتااااااااااز

 

[so_what]

انا شخصيا ما استفدت منه شي