((الحمد لله الذي أطعمني هذا الطعام ورزقنيه من غير حول مني ولا قوة))
اشلووونكم عساكم بخير وعاافيه
ياهلااا ..كل الهلاااا
:68_asmilies-com:ياهلااا ..كل الهلاااا
نحمس بصلتين مقصصينهم صغار بالزيت واذا تشوقرو نضيف الثوم والزنجبيل ونحمس
وعقب نضيف طماطتين مقطعينهم ناعم حيل ونحمس ونحاول نهرسهم مع البصل والثوم والزنجبيل يكونون مثل الصوص وعشان جذي نضيف حوالي ملعقتين ماي حار عليهم، ونضيف الفلفل الاخضر للنطاعه والي تشوفونه بارد بس يعطي طعم محبب للعيش، ونحط حوالي قفشة اكل بهارات مشكله ونص قفشة فلفل اسود ونص قفشة لومي ناعم ونص قفشة هيل ناعم ونحمس.
وعقب نضيف حوالي شدة اشبنت ناعم مع الباجلا(الفول الاخضر) وآنا حاطه مثلج طلعته قبل الاستخدام ليما فك الثلج عنه وغسلته.
ونقلب عالخفيف عشان يتمازجون مع بعض
ونحمس حوالي خمس دقايق وعقب نضيف ماي حار نكون مجهزينه ونخلي يطبخ حوالي عشر دقايق او ااكثر حسب الباجلا تجيكين عليها قربت تستوي او لاا
وتملحين جدرج وتكتين العيش الي غاسلته ونقعته بماي دافي واول عشر دقايق على نار عاليه وتالي على نار خفيفه حيل ليما يستوي عندج ويتناشف من الماي.
وتنجبينه حبيبتي وتكونين مجهزتلج بصل جوانح تقلينه بالزيت وعقب لا قرب يجهز تضيفين وياه زرشك تنقعينه بماي شوي قبل ما تحمسينه مع البصل ولاقدرتي تحطين معاه شوية ماي ورد زين على زين.
الحين نجي للمرقه
اول شي نقلي الباذنجان
وعقب نحمس بصل وثوم وزنجبيل وعقب نضيف الطماط المقصص صغار ونخليه يتسبك على النار ونضيف قفشة اكل بهارات مشكله وقفشة اكل فلفل اسود او اقل حسب الرغبة وقفشة كركم ونص قفشة كزبرة ناشفه ونحمس
ونضيف حوالي نص علبة معجون ونحمس ونضيف الماي الحار حوالي لي ثلث الجدر ونخلي المرقه تطبخ حوالي خمس دقايق وعقب نسقط الباذنجان المقلي فيها ونخليها على النار حوالي عشر دقايق لين تجمد شويه وتصك
وتفضلوااا بألف عاااافيه عليكم
التعديل الأخير:
