عيش باجلا واشبنت من ايدي واكيد بالصور :)

[أم علي الرفاعي]

بسم الله الرحمن الرحيم


عودة جديدة لكويتيات الغاليين على قلبي
بعد انقطاع طويل عن كتابة المواضيع


اليوم يايبتلكم عيش وباجيلا خضرا

وان شالله تعجبكم ..


اول شي نفوح الدياية بالطريقة الاعتيادية
(بالبهارات والبصل )

عقب نشيل الدياية ونقليها

الحين ناخذ ماي الدياي نصفيه ونقط فيه اشبنت مفروم حسب الكمية المرغوب فيها

(طبعا كل ما زودنا الاشبنت يطلع العيش مخوضر اكثر)

وننظف الباجيلا الخضرا ونحط والكمية اللي نبيها بماي الدياي والاشبنت

ملاحظات :
-الباجيلا اذا استخدمنا المثلجة راح تكون ترفة ومو محتاجة طباخ
- اذا الباجيلا ناشفة نحتاج نخليها تطبخ بماي الدياي ليما تستوي نص سوى

المهم ... نكون منقعين العيش ربع ساعة - نص ساعة بماي دافي

لما تستوي الباجيلا نقط العيش ونضبط الملح ( طبعا الماي لازم يغلي لما احط عيشي)


بنات طريقتي طريقة المشخول يعني تخلين العيش يطبخ 5 دقايق بالضبط اذا مو 4 دقايق
وتشخلينه ..

نحط شوية دهن بقاعة الجدر ونرد العيش ونعلي عالنار لما يطلع البخار
وتالي نحط حديدتنا عالجولة الصغيرة ونقصر حده عشان يتسكر العيش ..

بهالوقت نكون قاصين بصل طوال (جوانح) وبدهن غزير نقليه وبمجرد ما يتشوقر نصكه اهوا راح يغمج من حرارة الدهن ...

وعقب نشيل من هالدهن ونصبه باستخدام الملاس على ويه العيش ...

وهذا الشكل النهائي وسلامتكم ...






​

 

[أم علي الرفاعي]

وهذا صحني نسيت احطه

يازينه زينااااااااااااااه

 

[أحلى همبه كويتية]

حيا لله من يانا
من بعد هالغيبة

وينننننننننننننننننننننك ؟؟

يسلمووووووووو الايادي وعليك بالعافية

انا عادة اسويه مع اللحم بجربه مع الدياي مثلك


عوافي يا قلبي ولا تغيبين عنا مرة ثانية​

 

[أم علي الرفاعي]

حيا لله من يانا

من بعد هالغيبة ​

وينننننننننننننننننننننك ؟؟ ​

يسلمووووووووو الايادي وعليك بالعافية ​

انا عادة اسويه مع اللحم بجربه مع الدياي مثلك ​

عوافي يا قلبي ولا تغيبين عنا مرة ثانية​

حبيبتي همبوووووووووش الله يحييج

يختي من طلع هالايفون والانستغرام
بعد مالنا خلق نفتح المنتدى خخخخخ


لا لا اكيد بنزل مواضيع على طوووول ان شالله

عندي شكثر صور بشتى المجالات
بتشوفيني بكل قسم رازة الفيس وحاطة موضوع

 

[xxx]

تسلم ايدج شكله يشوق

انا بعد اسويه على دياي احلى من اللحم

 

[noor salam]

تسلم الاياااااااادي ماشاءالله تبارك الرحمن

 

[عاشقة الككاو]

يهههههههههههههههبل عةافي ان شاءالله

 

[أم علي الرفاعي]

بنت الكويت
نور
عاشقة

نورتوا موضوعي وتسلمووووون عالردود الطيبة

 

[ام فريده]

تسلم الايادي شكله حييل يشوق​

 

[koko99]

عجييييييييييييييييييييييييييييييييييييييب


تسلم ايدج

 

[ABEER FLOWER]

ماشاء الله طبق شهي


تسلم إيدج أم علي

وبالعافيه​

 

[الأميرة جوري]

تسلم ايدج

 

[جارة القمر]

ماشاء الله



أم علي الرفاعي




بالعافييييييييييييييييييييييييييية




ونور القسم

 

[حلوة ومملوحة الكويت]

ماشاء الله

شهالزين ام علي

عليكم بالف عااافيه حبيبتي

،،،،​

 

[أم علي الرفاعي]

حبايبي مشكورين عالردود

نورتوا صفحتي

 

[غاليه]

عمري الحين لما تشخلين العيش مايروح الاشبنت ؟؟ ​

 

[أم علي الرفاعي]

عمري الحين لما تشخلين العيش مايروح الاشبنت ؟؟ ​

لا مايروح

واذا تحبين كثري الاشبنت
هم يزيد اللون وهم يتم بالعيش

 

[صابرة رغم الجروح]

يمي يمي رووووعه

تسلم الايادي حبيبتي

 

[F.Strawberry]

يعطيج العافيه ..

 

[بحر الذكريات]

ماشاء الله تسلم ايدينج