عيش بالخضار ........... عـــــــــــــــوار قلب ........ حده يم يم هم هم

[:: عائشه بقلبي ::]

شلونكم يا احلى خوات

طريقه هالعيش واااايد لذيذه

علمت خدامتى عليها وياليتنى ما علمتها

جنها معزبتها تعلق الاخت عالشى لعجبها :eh_s(1):

الطريقه :

الكميه على حسب اهل بيتك جم نفر وايد نفر ولا شويه نفر


بطاط مقصص مكعبات ومقلى نص قلى

بذنجان مقصص مكعبات ومقلى نص قلى

فلفل اخضر مقصص مكعبات ومقلى نص قلي

فاصوليا خضراء مجمده

بصل مقلى شرايح


الحين يبي جدر وقصى بصل صغار مع بهارات واشبنت

وحمسي لما تطلع الريحه

الخنينه بعدين ضيفى الخضار كلا اللى فوق

وقلبي دقيقه

وحطى ماى العيش وضبطى الملح مع 4 قفشات معجون طماط


ولما يفور الماى كبي العيش عليه

طبعا مغسول ومنقع

ونظري لما يستوى العيش

وقدميه

وعالويه رشى بصل مقلى وانا اقدم معاه سلطه روب ونعناع وتقدرين تضيفين


دياى او لحم او سمك كيفك بس انا احبه جذى خالى اخف وتغير يعنى عن البروتينات

عليكم بالعافيه




هديه الموضوع

​

 

[الأميرة جوري]

ماشاء الله تسلم ايدج

 

[الشاذليه]

تسلم الانامل لبى قلبك وعوووووووووووافي

قيد التجربه وي وي

 

[جارة القمر]

تسلم ايدج


ومشكووووووووووووووووووره

 

[نجاة80]

يعطيج العافيه قلبي ... شكله حلو

 

[Tom ♥ Jerry]

,

يمي يمي :*
تسلمين و تسلم ايدج الحلوة ؛*******

 

[خشف العوازم]

روووووووووعه شكلها

يعطيج العافيه يا قلبي

 

[مسك وطيب]

الله يعطيج العافيه

ابداااع اسم الله عليج

 

[مولاي الفرج]

مشكووووووووورة احب التفنن بالعيش

 

[@ام يوسف@]

تسلم ايديج ومشكوووووووره

 

[ملح الدنيا فيني]

يسلمو

 

[زوجة عزيز]

تسلم يدج

 

[ام ورود مول]

تسلم ايدج

 

[QYtiya.com]

يسلمووو

 

[q.u.e.e.n]

عواااافي حبيبتي

 

[noo77noo]

تسلــــم ايــدج​

 

[ABEER FLOWER]

ماشاء الله

تسلم الأيـــادي

 

[الطموحه 84]

بعد عمري انتي كانت عندي هنديه اتسويه بالبطاط يمه يمه يجنن وحلاته بوقت البر يم يم صج

وحسااافه









راحت وماعرفت طريقه متحسفه عليه بس جزاج الله خير الي حاطة طريقته

 

[أميرة 22]

يهبل وشكله لذيذ

اي عيش تستخدمين ؟؟؟

 

[الجووورى]

يعطيج العافيه عجيب من شكله بس ملح تحطين ولا بهارات بعد