عيش بشبنت مع دجاج بالكاري

[سارا ديور]

السلام عليكم ورحمة الله وبركاته

أخوااااااتي العزيزات

بسأل عن :

عيش بشبنت والدجاج بالكريمه والكاري

شلون أسويها ؟

وإللي سواها من قبل تقولي خطوه ... خطوه .... لأني حتى العيش ما أعرف أسويه :d

ومنتظره ردودكم

 

[سارا ديور]

مشاركة: عيش بشبنت مع دجاج بالكاري

إشدعواااااااااااا

كل إللي دخل موضوعي ما يعرف هالطبخه ؟

أنا أشرح لكم إشلون شفتها

عباره عن :

عيش بشبنت الطبقه إللي تحت

بعدين فوقها دجاج باكريمه بالكاري

بعدين للتزيين

فصوليا الطويله بس مقطعه دوائر صغيره وجزر ومشروم طبعا محموسين

بس إشلون أسوي الدجاج والعيش بشبنت ؟؟؟؟؟؟؟؟؟؟؟؟؟؟؟؟

 

[شهدQ]

مشاركة: عيش بشبنت مع دجاج بالكاري

اممممممممممممممم شهيتيني وانا بعد ودي اعرف

 

[سارا ديور]

مشاركة: عيش بشبنت مع دجاج بالكاري

بنااااااااااااااااااااات

وييييييييييييييييييييييينكم

يووووووووووووووووعانه

أبي عييييييييييييييش بشبنت

 

[bnt q8 in usa]

مشاركة: عيش بشبنت مع دجاج بالكاري

غسلي عيشج

حمسي بصله مفرومه ويا شوية دهن تالي ضيفي عليه شبنت ناشف وحمسي ليمن تطلع ريحة الاشبنت وضيفي عليه باجيلا خضره معلبه تلاقونها بالجمعيه
والعيش صفيه من الماي وحطي فوق الخلطه
وحمسيهم وضيفي ملح وتالي ضيفي ماي حده حده ولمن يبدي يتشرب العيش الماي تقدرين تنثرين عليه شويه صفار زعفران وحطي قطع زبده عشان العيش يلمع

الدياي تقدرين تقلينه وتالي تحطينه فوق العيش وتقدرين بعد تقصين بصل هلالات محموسه
او تسوين حشو نخي وبصل


وعلي فكره هذي تري الوصفه الصحيحه للعيش الاشبنت وبالاخص شغل العيم

 

[جارة القمر]

مشاركة: عيش بشبنت مع دجاج بالكاري

رز بالشبنت مع الصور



عيش الباجيلا مع الشبنت والدجاج.......يهبل...لا يطوفكم!!

 

[سارا ديور]

مشاركة: عيش بشبنت مع دجاج بالكاري

مشكوووووووووووووره بيت للكويت إن يو إس إيه

مشكووووووووووووووره جارة القمر

الله لا يخليني

 

[جارة القمر]

مشاركة: عيش بشبنت مع دجاج بالكاري

سارا ديور


العفو يا عمري

ووممكن تأخذين 8 شدات شبنت إذا الكميه وايد


وتفوحينه وبماي الفوح تسوينه العيش

وعليييييييييييييييييج بالعافيييييييييييييييه

 

[ظمأ الوجدان]

البنات بفيدونج

 

[ضحكة الدنيا]

بنت الكويت بامريكا
وجارة القمر
مشكورين وماقصرتوا

 

[جورية كويتية]

والله شوقتني
صج اشتهيته
انتي وين ذايقته ؟؟

شوفي انا شفت الطرق اللي حطوهم البنات ما قصروا
بس مو نفس اللي شرحتيه
عشان جذي دورت ودورت
بس ما لقيت
لقيت بس هالطريقه حق الدياي بالكريمه والكاري
عاد انا قلت بسوي العيش على طريقة بنت الكويت ان يو اس ايه
وبسوي طريقة الدياي هذي
وقلت اقولج عشان اتقلديني

المقادير
دجاجة مسلوقة منزوعة الجلد وتقطع إلى أجزاء صغيرة
بطاط مكعبات
1 علبة كريما قابله للخفق (مثل كي دي دي)
1 قيمر (قشطة المراعي)
علبة فطر (مشروم)
بهارات (كاري، كركم، فلفل أحمر، فلفل أسود، ملح)
مكعب خلاصة مرقة الدجاج
نصف بصلة مفرومة


الطريقة
تقلى مكعبات البطاط حتى تحمر.
نضع قليل من الزيت و نحمر البصل مع مكعب خلاصة مرقة الدجاج.
نضع الفطر مع البصل حتى يذبل.
ضع الدجاج المقطع مع الفطر ونحرك ونضع البهارات ونقلب المقادير حتى تتجانس.
نخلط الكريمة مع القيمر حتى يتجانس الخليط.
نضع الدجاج مع البطاطس في بايركس ونضع فوقه خليط الكريمة والقيمر وندخله الفرن حتى يتحمر.

اشرايج ^_^


:eh_s(18): :eh_s(7): :eh_s(18):
​

 

[جورية كويتية]

في بعد هالطريقه

المقادير :

1 كيلو صدور دجاج مقطعه الى مكعبات

150 جم فطر مقطع معلب ويفضل ان يكون طازجا

500 مل كريمة ( قشطه قابلة للخفق ) مع مراعاة ان تكون خاليه من السكر

5 فصوص ثوم مفروم ناعما

1 حبة بصله صغيرة مفرومة ناعما

4 ملعقة كبيرة زيت ذرة او عباد الشمس صحيا

2 ملعقة صغيره مسحوق الكاري

1 مكعب ماجي

ملح حسب الرغبه

ربع ملعقة صغيرة فلفل اسود



طريقة الصنع


1 ) نضع الزيت في وعاء الطبخ

2 ) نضع الدجاج ونقلب الى ان يصبح ابيض اللون

3 ) نضع البصل والثوم والكاري والفلفل الاسود ونقلب جيدا مدة 3 دقائق

4 ) نضع مقدار ربع كوب ماء ونتركه يغلي ونضع مكعب الماجي مع مراعاة التشييك

على الدجاج بين فترة واخرى واذا قاربت المياه على الجفاف ولم ينضج بامكانك

وضع كميه اخرى من الماء لحين نضوج الدجاج

5 ) نضع الفطر ونقلب ثم نضع الكريمة ونتركها تغلي الى تصبح قليلة التجمد .

ملاحظات هامة جدا
--------------------------
-------------------------

ا ) لابد من وجود كمية بسيطة من الماء مع الكريمة لان هذه الوجبة دسمة جدا

ب ) كثرة الغليان ستنفصل الكريمة عن بقية المكونات وستخرج كمية من

الزيت تجعل من الصعب اكلها

ج ) كثرة الغليان ان لم تصل مرحلة الفصل ستصبح كثيفة جدا مثل المهلبية

د ) يفضل وضع كمية من الماء مع الوجبة حتى تكون خفيفة


:eh_s(18): :eh_s(7): :eh_s(18):
​

 

[^SwEeTa^]

سمعي حبوبة انا ذايقه هالأكله من وحده معرفه الله يذكرها بالخير

كانت اتييبه معاها البر .. و فعلا لذيذ .. عيش شبنت مع الكاري بس من غير الجزر و الباجي اللي قلتي عنه .. طحنا فيه طيحه.. ما ودج توقفين ..

المشكله إن اللي كانت اتييبه مره كبيره و طباخها اللي كان يسويه .. و استحيت أسألها عن الطريقة

بس تدرين .. شكله ما يبيله شي .. بجرب لين أطيح على الطريقة و أقول لج .. عاد من زمان قايله بجرب أسوي الطريقه .. ذكرتيني الله يذكرج بالشهاده

(( على فكره ترى كانت تسوي الدياي بالكاري مع المموش .. يهبببببببببل .. شوقتيني علييييه ))

 

[أوكسجين]

واااااي يوعانه
شهيتوني

 

[شيهانه]

الطريقة الي طلبتيها هذي في كتاب المطاحن ..