عيش شبنت ...ممكن تساعدوني...

[كويتية يديدة]

شلونكم يالخواات الخبيراات...انشاالله بخيرأبيكم تعلموني شلون أسوي عيش شبنت بطريقة حلوة ولذيذة...
وشنواا ياكلون معاااه (مرق_دقوس.......)مع الطريقة ويعطيكم ألف عااافية:eh_s(8):

 

[CHEESE CAKE1]

في طريقتين .. الأولى تسوين عيش مشخول وحطي عليه ماجي واذا خلص تشيلينه على جنب بمشخال وتاخذين جدر العيش اللي كنتي طابخه فيه العيش وتحطين فيه شوية دهن وثوم مدقوق وشبنت وتحمسينه وبعدين تكتين العيش عليه وتخلطين العيش بملاس ليما ينخلط كله ... والطريقة الثانية عقب ما تغسلين العيش خليه على جنب وحطي بجدر دهن وثوم وشبنت وحمسيه وبعدين كتي العيش وحمسيه معاهم مع ملح أو ماجي طبعا ماجي أحلى وصبي عليه ماي على حد العيش وخليه مثل المجبوس . وصحة وعافيه

 

[جارة القمر]

مشكووووره شيز كيك

وشوفي هالمواضيع

http://q8yat.net/showthread.php?t=122652

http://q8yat.net/showthread.php?t=5735


http://q8yat.net/showthread.php?t=163536

 

[كويتية يديدة]

يعطيج ألف عاااافية مشكورة حبيبتي ما قصرتي ...
حبيت أسألج شنواا أسوي معااه دقوس ولحم

 

[فيضه وشوق]

مشكوووره اختي صراحه كنت محتاجه اعرف عن العيش بشبنت اكثر
والله يجزاك خير

 

[حبـــاري]

حبوبه سلقي العيش و شخليه و خلطي معاه شبنت مفروم ، حمسي فطر و بطل جوانح و دجاج مسحب مع سماق حطي بالباسركس ثلاث اربع كمية العيش بعدين خلطة الدجاج بعدين باقي العيش بعدين خلطي 2 كريمه حمراء + قلاص جبن المراعي اللي عليه استيكر ازرق مكتوب عليه قشطه و صبيه فوق العيش و رشي اشوية صماق و دخليه الفرن لحد ما ينشف العيش اشويهو بالعافيه

 

[قلوووب]

يعطيكم العافية جميعا
كلوحده لها طرقتها واهي تصير عالطرقيه العراقيه وتصير عالإيرانية
وانا بصراحه اسوي الإيرانيةلأني ما اعرف العراقيه
قرقت وااايد...المهم..
اولا يوم اتفوحين العيش الأبيض من جريب يطبخ خلي عليه اشبنت انااحط حق 3اكواب عيش 3شدات شبنت فشوفش اشكثر يبيلج يالعزيزه وشوية نعناع ناشف وطبعا الباجله الخضراء من الفريزرات بالجمعيه اذا مو مقشره بس قشريها
وعقب ما تشخلين العيش ومعاه الشبنت خلي بالمشخاله لاتشيلينه وخلي بالجدر الي بتوين فيه العيش زبده عالنار قالب زبده وشويت زيت عشان ما تحترق الزبدة ومن جريب اتذوب كوبي عيشج وخلطيه معه الزبده وتصييييير ريحته روعه وتكونين امزهبه من قبل خليط من ماي الورد والزعفران ونتفت صبغة زعفران وكبي فوق العيش وخلي علنار هاديه ليمن يدخن
وبالعااااافية
صح..
بالنسبه شنو تقدمين معاه
فحسب الذوق عااادي
يعني في ناااس ياكلون معاه دقوس وفي ناس يحبون ياكلون مرق معاه
والإيدام اما كباب ايراني أو دجاج مشوي او دجاج بالفرن
وبصراااااااحه هالعيش كلشي حلو ينوكل وياااه
يعني بسيط جدا واخذي راحتج فيه
وللتزيييين اذا عندج شي يسمونه الإيرانين تحصلينه بسوق الكويت عند الإيرانين اسمه ((زرشك ))لونه احمر تحمسينه مع الزبده
بالعاااااااااااااااااااااااااااااااااافيه
وأعتذر عالطوااااله

 

[ضحكة الدنيا]

مشكورين