ريمه الكويت
New member
- إنضم
- 30 سبتمبر 2005
- المشاركات
- 36,095
- مستوى التفاعل
- 13
- النقاط
- 0
طريقه الطبق سهله وماتخذ وقت وخصوصا اذا كان زايد عندج عيش ابيض ودياي مشوي اومقلي ومحتاره شتسوين على الغدا
اولا ناخذ عيش ابيض مطبوخ ونحطه بصينيه الفرن البايركس
نقصص الدياي المستوي قطع مكعبع مع اي نوع خضار تحبينه تكونين سالقته( بطاط بروكلي بزاليا كوسا)
تحمسين بصل وتحطين عليه الدياي المقصص والخضار وقفشه طماط معجون وفلفل اسود وملح
وتحطين هالحمسه على العيش وتخلطينهم
اللحين نسوي الصلصه
حطي ربع كوب صغير زيت ذره مع قفشه زبده على النار
اذا ذابت الزبده حطي قفشه كبيره كريمه الحامضه+ قفشتين كبار جبن قلاص
وحركيها على النار
وبعدها حطي قفشتين طحين معاهم
لما تتمازج المقادير حطي تقريبا مابين قلاصين الى 3 حليب وحطيهم بالتدريج وانتي تحركينهم بالقفشه الخشب
حركيها الى تثقل الصلصه شويه سكري النار وظبطي الملح وحطي رشه فلفل اسود
وحطي هالصلصه فوق العيش
ورشي عليهم جبنه مازرولا ودخليها بالفرن الحار الى ان تسيح الجبنه وتتشرب الصلصه
وقدميها حاره والجبن سايح
واكليها بالعافيه
