غروب
New member
- إنضم
- 27 يوليو 2008
- المشاركات
- 1,126
- مستوى التفاعل
- 0
- النقاط
- 0
سلام بنات .. وأمهات
حبيت أعرض لكم طبخه سهلة وإن شاء الله تعجبكم..
أولا: تيبون شرايح شاورما من اللحام، وتغسلونها وتفوحونها تقريبا مدة ساعة مع بهارات عدلة: هيل- دارسين- مسمار- ورق الغار- فلفل أسود- كزبر.. الخ. وأنا اقص بعد البصلة 4 قطع واحطها معاه.
وهذا شكله بعد ما استوى
ثانيا: أقصص بصل شرايح واحمسها مع قفشة صغيرة بهارات مشكلة.
ثالثا: بعدين أضيف لها شرايح فلفل رومي أخضر وفلفل أخضر حار بس عشان يعطي نكهه وريحه حلوه بالحمسة، وأضيف لها ثوم مهروس مع مكعب ماجي.
رابعاً: أضيف شرايح اللحم وأحط البهارات المطحونه على الحمسة: فلفل أسود- لومي أسود-كركم- بذور الفلفل الأحمر- بهارات مشكله- شوية دارسين- شوية هيل- نعناع ناشف عشان يعطي ريحه حلوه ونكهة أحلى. ونحمسه عدل.
خامساً: أضيف على الحمسة شرايح طماط + قفشتين صويا صوص+ قفشة زعفران مع ماي وهيل مطحون، وتقلبينه عالنار شوي خمس دقايق تقريبا.
سادسا: بهالوقت أجهز العيش الأبيض المشخول، وأنا بعد ما أشخله أحط عليه زبدة واقلبه، وأحط بقاع الجدر زيت وبعدين بطاط شرايح ماتكون سميكه وايد ولا ضعيفه عشان ما تحترق يعني وسط.
بعدين أحط نص كمية العيش وفوقها حمسة الشاورما وبعدين باجي العيش، وأرش خلطة الزعفران اللي مجهزتها من قبل وهي عبارة عن: زعفران+ ماي دافي+ هيل مطحون+ قليل من ماء الورد.
بعدها أخلى العيش على حديدة ونار هاديه لمه يتخدر العيش والبطاط يستوي ونقلب الجدر وبالعافية
حبيت أعرض لكم طبخه سهلة وإن شاء الله تعجبكم..
أولا: تيبون شرايح شاورما من اللحام، وتغسلونها وتفوحونها تقريبا مدة ساعة مع بهارات عدلة: هيل- دارسين- مسمار- ورق الغار- فلفل أسود- كزبر.. الخ. وأنا اقص بعد البصلة 4 قطع واحطها معاه.
وهذا شكله بعد ما استوى
ثانيا: أقصص بصل شرايح واحمسها مع قفشة صغيرة بهارات مشكلة.
ثالثا: بعدين أضيف لها شرايح فلفل رومي أخضر وفلفل أخضر حار بس عشان يعطي نكهه وريحه حلوه بالحمسة، وأضيف لها ثوم مهروس مع مكعب ماجي.
رابعاً: أضيف شرايح اللحم وأحط البهارات المطحونه على الحمسة: فلفل أسود- لومي أسود-كركم- بذور الفلفل الأحمر- بهارات مشكله- شوية دارسين- شوية هيل- نعناع ناشف عشان يعطي ريحه حلوه ونكهة أحلى. ونحمسه عدل.
خامساً: أضيف على الحمسة شرايح طماط + قفشتين صويا صوص+ قفشة زعفران مع ماي وهيل مطحون، وتقلبينه عالنار شوي خمس دقايق تقريبا.
سادسا: بهالوقت أجهز العيش الأبيض المشخول، وأنا بعد ما أشخله أحط عليه زبدة واقلبه، وأحط بقاع الجدر زيت وبعدين بطاط شرايح ماتكون سميكه وايد ولا ضعيفه عشان ما تحترق يعني وسط.
بعدين أحط نص كمية العيش وفوقها حمسة الشاورما وبعدين باجي العيش، وأرش خلطة الزعفران اللي مجهزتها من قبل وهي عبارة عن: زعفران+ ماي دافي+ هيل مطحون+ قليل من ماء الورد.
بعدها أخلى العيش على حديدة ونار هاديه لمه يتخدر العيش والبطاط يستوي ونقلب الجدر وبالعافية
