عيش مع لحم على الطريقة المكسيكية (صور)

[أم عزيـز]

السلام عليكم

اليوم غداي عيش مع اللحم بالخلطه المكسيكية
وبصراحه اول مره اسوي ومن تأليفي بس طلع لذييييييييييييييييذ

المقادير :-

عيش مصري كوبين وربع (طبعا كل وحده تعرف اشكثر ايزيها العيش)
لحم مقطع شرائح بالطول
خلطه الارز المكسيكي من كنور
2 قفشه معجون طماط
2 قفشه فلفل أحمر بابريكا
2 مكعب ماجي مذوب في قلاص ماي

مقادير تتبيل اللحم :-
قفشه وسط كمون
قفشه وسط ثوم بودره
ملح
فلفل أسود
2 قفشه خل
1 قفشه زيت زيتون

وخليه في التتبيله لي مده ساعه تقريبا بالثلاجه

الطريقه :-

بعد ما نتبل اللحم ونخليه فتره نحطه في جدر فيه شوي زيت نباتي ونقليه لين يطلع مايه ويتغير لونه
ونخليه شوي على نار وسط ثلث ساعه وبعدها نضيف عليه كوب مذوب فيه مكعبين ماجي والفلفل البابريكا و2 قفشه معجون طماط وخلطه الأرز المكسيكي وقفشه زيت ونخليه يطبخ تقريبا بعد نص ساعه

وهذي شكله

بعدها نضيف العيش عليه ونقلبه ويحتاج انج تضيفين ماي لين تغطين العيش وتقلبينه من فتره لي فتره
يعني ما تخلين العيش من غير تقليب مثل المجبوس ؟ لا هذا لازم تقلبينه من فتره لي فتره وتغطينه بقصدير وتخلينه يطبخ على نار واطيه تقريبا ساعه الا ربع
وانتي ذوقيه اذا كان العيش ناشف شوي زيديه ماي وقلبيه

وهذا شكله بعد ما ضفت العيش على الخلطه

وطبعا اول ما يستوي وتتأكدين منه حطيه في صحن والف صحه وعافيه
وهذا شكله النهائي

ان شاء الله يعجبكم

 

[الشمريه]

تسلم ايديج شكلهااا لذيذ

 

[جارة القمر]

تسلم ايدج

ومشكوووووووووووره

 

[أم عزيـز]

العفو حبيباتي حياكم الله وما قصرتوا على المشاركه

 

[LUXURY]

اشلونج ام عزووووووز

تسلم ايدج خوش اكله شوقتيني عاد انا مو متغديه
بس مو كل الاغراض موجوده عندي
لكن وعد باسويها

 

[أم عزيـز]

LUXURY هلااااااااااااااا وغلاااااااااااا

عاش من شافج يا قلبي
والله ايام يوم كل وحده كرشها شكبره لووول

جربيها وان شاء الله تعجبج حبيبتي
وتسلمين على المشاركه

 

[_The DoLL_]

تسلمين .. ..

 

[pink]

شكلها يم يمي ....

تسلم الأيادي ..

 

[dan]

تسلمين

 

[لولي**]

تسلم الايادي مشكووووووره

 

[أم عزيـز]

الله يسلمكم ويعافيكم يا الغالين

 

[MassComm]

يعطييييج العافية

 

[أم عزيـز]

الله يعافيج حبيبتي ويخليج

 

[جورية كويتية]

تسلــم ايــدج
بصراحه صج روووعه

عدلتلج الصور ما كانوا طالعين
​

 

[أم عزيـز]

الله يعطيج العافيه حبيبتي مشكوره وما قصرتي

 

[أوريو]

تسلم ايدج

مشكورة حبيبتي

 

[TWEETY]

تسلم هالإيد.....
دخلت على موضوعج وانا حددي جوعاااانه!!!!!!

 

[sOkOnOnO]

تسلم إيدج

 

[STYLISH STYLE]

تسلم ايدج حبيبتي

 

[غمزة عين]

تسلم الايادي...... روعه ومن دخلت المنتدى اشم الريحه الخنينه........يمي يممممممممييييييييي.....