عيش مموش ومعدس

[أم عبدالله Q8]

بنات أمس شفت برنامج انتصار الشراح اللي عن الطبخ عجبتني الفكرة سويتها وغيرت فيها شوي حق الفطور
الأكلة اهي عيش مموش ومعدس بنفس الوقت ومعاه حمسة ربيان

أول شي أخوي اليوم الصبح يايبلي ربيان من سوق السمك قلتبسويه دام اهو فريش فأول شي نظفت ظهره بالسكين ونقعته نص ساعة بماي فاتر ( انا استخدمت كيلو واحد بس فيه تقريبا 15 حبة )

بعدين غسلت نص كوب ماش ونص كوب عدس ونقعت كل واحد بروحه بماي فاتر

غسلت 2 ونص كوب عيش وهم نقعته نص ساعة

يبت بصلتين فرمتهم بروح و بصلة وحدة فرمتها بروحها بعدين اقولكم ليش

فصين ثوم مهروسين

1 فلفل أخضر بارد قصصتها مربعات

فرمت نص شدة كزبرة

حطيت شوية زيت في جدر ومعاه البصلتين المفرومين و حمستهم شوي

حطيت الفلفل الأخضر البارد والثوم بنفس الوقت علشان لايحترق الثوم وخلطتهم مع البصل

حطيت 1 مكعب ماجي + كركم + كمون + بهارات السمك + ليمون أسود مطحون + فلفل أسود

ظليت أحرك لما اختلطت البهارات مع البصل والثوم والفلفل الأخضر

حطيت الربيان و خلطته معاهم وحركته لما نشف الماي مال الربيان

وفوقهم الكزبرة المفرومة و خلطتها معاهم وبعدين خليته شوي وسكرت عليه

في جدر ثاني حطيت البصلة اللي فرمناها بروحها مع شوية زيت وكركم حمستها

فوقها الماش والعدس بعد ما صفيناهم من الماي و غطيناه بالماي علشان يستوي 3/4 مو سوى كامل

بعدين العيش و شوية ملح و خلطت الماش والعدس والعيش وغطيتهم بالماي علشان يستوون

بعد ما استوى نجبته و حطيت فوقه حمسة الربيان طلع يممممممممممم لذييييييييييييذ_03BA:

أدري طولت وااااااايد :cxxxp:بس حطيت التفاصيل كلها ومشكورين

 

[ام منتظر]

اول شئ كل عام وانتي بخير ومشكورة على الطبخة الرائعة هذه وانشالله
الف عافية تاكلوهة بالهنة
انشالله اجربهة

 

[جارة القمر]

تسلم ايدج


وعليكم بالعافيييية

 

[hmama]

انا شفت الحلقه

تسلم ايدج

 

[أم عبدالله Q8]

أم منتظر
جارة القمر حمامة مشكورين عالمرور الله يسلمكم

 

[الوردة المكنونة]

سلمت يداكي