عيوب زوجي صعب اتحملها ((يسولف لرفيجه عن خصوصياتنا))

[الراس مرفوع]

مرحبا بنات انا اول مره اكتب موضوع خصوصي بس لاني جد تعبانه وحابه اسمع نصايح >>>>نصايح ها بنات موتشيييش هههههه

اول شي بتكلم عن زوجي طيب وحنون وخلوق بس في عيبين مو متحملتهم اول شي البخل ماني عارفه شلون اغيره بنات انا مو موظفه وهو معاشه 1000 وماعنده الا قسط واحد 100 دينار وتخيلو كم يعطيني مصروف لا وحاس انه حده مدلعني معطيني 150 من قبل رمضان باسبوع معطينياه مصرف لرمضان وللعيد وللاسبوع اللي سبق رمضان!!!!!

والاحظ طبعه فيه بخل مو بس بالمصرف حتى بمكالماته وحتى بالزيتون اذا بقت زيتونه يردها للعلبه ههههه
وانا في بيت اهلي عكككككس اهلي حيل بذخ مع انه حالتنا الماديه وسط بس مانحب نحرص عالفلس ومانحب نتبيخل

تدرون شنو معياره لي عند اهلي عقب زوجي كله يقولولي يالبخيله لاني اخاف مصروفي يخلص فمرا يطلعون ويطلبون وما اطلب معاهم واشتهي شغلات وما اشتريها وهم متعودين مايبقا شي بخاطري ولا احب يبقا شي بخاطري بس صايره لدرجه حتى كل شي اسال عن سعره حتى قوطي الروب!!!



والعيب اللي امس انصدممممت فيه تهاوشت معاه وقعدت ابجي وبعدها بكم ساعه تغافته ولقيته داز مسج بكل كلمه قلتها تفاصيل التفاصيل حتى واصف اني قلت الكلمه الفلانيه وانا ابجي وكل شي كاتبه بالمسج احس اني كرهته

بنات شلون اوضحله اني دريت انا الحين زعلت ورحت لاهلي يلله بنات ناطرتكم؟؟؟

 

[هيبة ملك]

خلاص هذا زوجج وتحمليه بكل مافيه

نصيبج بعد


المسج يمكن حرام يفضفض

 

[فوفو22]

تأكدي انه هالمسج رايح لرفيجه مو لوحده

لانه من الصعب الزوج يفضفض بخصوصياته الدقيقة لرفيجه

وعقب لكل حادث حديث

 

[غلا ستايل]

الله يعينج .......

 

[الرها]

حبيبتي

الرسول صلى الله عليه وسلم
قال كل شئ له دواء الا البخل
اذا انتي تبينه صبري عليه
اما سالفه المسج تأكدي منها؟؟؟

 

[أبله كويتيه]

شوفي حياتي البخل ترا اغلب الريياييل طبع فيهم لوول

بس تقدرين شوي شوي تغيرينه

حاولي واذا ماقدرتي قوليله بشكل مباشر يافلان ابي بالشهر المبلغ الفلاني ....

محتاجه اشتري ومحتاجه اعيش حياتي شوي والفلس وصخ دنيا ومحد ضامن يعيش يومه

ومن هالحجي الطيب

وبالنسبه للمسج .. والله ريلي مايخلي احد مايقوله اي سالفه اقولها له يقولها لامه اخوانه خالاته عيال خالته

بس ربي لك الحمد اتبعت معاه اسلوب وطريقه قام يبلع ريجه ويسكت لووول

اذا تبين نعلمج حاضرين للطيبين

ومثل ماقالت فوفو اخذي الرقم الي داز منه المسج تاكدي انه ريال وبعدين لكل حادث حديث

 

[الراس مرفوع]

رد : عيوب زوجي صعب اتحملها ((يسولف لرفيجه عن خصوصياتنا))

المسج مدزوز حق اقرب ربعه بس جد طاح من عيني هذا اللي يتفلسف عن اسرار الحياه الزوجيه وان المره الي تقول سوالفها مع زوجها لرفيجاته مافيها خير بنات عفيه شلون اوضحله اني دريت بسالفه المسج لان احس احراج له طول عمره اني اوضحله بطريقه مباشره بس انا قلتله اكتشفت فيك عيب جديد طيحك من عيني ودزيتله هالشعر
فلا يسمعن سرّى وسرّك ثـالـثٌ................ألا كلّ سرًّ جاوز اثنـين ضـائع
وكيف يشيع القلب سرّاً وفـوقـه ..................زحجابٌ وما فوق الحجابٌ الأضالع

 

[الراس مرفوع]

رد : عيوب زوجي صعب اتحملها ((يسولف لرفيجه عن خصوصياتنا))

المسج مدزوز حق اقرب ربعه بس جد طاح من عيني هذا اللي يتفلسف عن اسرار الحياه الزوجيه وان المره الي تقول سوالفها مع زوجها لرفيجاته مافيها خير بنات عفيه شلون اوضحله اني دريت بسالفه المسج لان احس احراج له طول عمره اني اوضحله بطريقه مباشره بس انا قلتله اكتشفت فيك عيب جديد طيحك من عيني ودزيتله هالشعر
فلا يسمعن سرّى وسرّك ثـالـثٌ................ألا كلّ سرًّ جاوز اثنـين ضـائع
وكيف يشيع القلب سرّاً وفـوقـه ..................زحجابٌ وما فوق الحجابٌ الأضالع

 

[الراس مرفوع]

رد : عيوب زوجي صعب اتحملها ((يسولف لرفيجه عن خصوصياتنا))

عفيه ابله ياحلو اسلوبج >>>>>ابله ابله ابله

عفيه قوليلي شنو الطريقه؟

 

[الراس مرفوع]

رد : عيوب زوجي صعب اتحملها ((يسولف لرفيجه عن خصوصياتنا))

ياحلو اسلوبج يا ابله عفيه شنو الطريقه ومنكم نستفيد؟؟

 

[ابلة لولوة]

يحليل فوفو

محد فاهم للرياييل بهالمنتدى غير فوفو وابله كويتيه

الوحده منهم عن عشر

 

[*loveli-noni*]

الله يفرج لج حبوبه..

 

[l7n_bdoo]

أنا مثلج تعبت منه يقول كل شي بيننا لأمه وخواته

مدري شسوي معاااااااااااااااه تعبت

 

[فوفو22]

يحليل فوفو

محد فاهم للرياييل بهالمنتدى غير فوفو وابله كويتيه

الوحده منهم عن عشر

اي اسم الله علينا يا لولوه

الدنيا طورقتنا الى ان تعلمنا

صار كل سؤال له جواب عندي
وكل هجوم له دفاع عندي
وكل غزو بري له قصف جوي عندي

والله المستعان

فوفو

 

[كرز حالي.]

رد : عيوب زوجي صعب اتحملها ((يسولف لرفيجه عن خصوصياتنا))

اناااا اتقبل اي ريال الا البخييييل
بس يمكن ريلج خايف من بعدين لانه عنده قرض ومايبي ايي يوم ماعند شي بالبنك
وبعدين انا اتوقع الرياييل كل شي يسولفون حق بعض والله
نفسنا يعني جذي

 

[^^المهره^^]

الله يعينج

 

[ohsofrench]

رد : عيوب زوجي صعب اتحملها ((يسولف لرفيجه عن خصوصياتنا))

اب اب

 

[.،:"$الـعـوبــــة$":،.]

ترى فيه بعض الرياجيل يكونون حييييييييل مع بعض ! نفسنا يالحريم ! وتلقينهم يقولون كل شي لبعض !
صح ان حركته غلط ! انتي لا تسكتين تشرهي عليه وازعلي ، واذا تقدرين تبكين ابكي ! عشان يحس ان السالفة قوية !
بس مو لدرجة انك ماتقدرين اتحملينها عاد !
و150 حبوبة لك لحالك ترى هذا مو بخيل ! باالعكس ماقصر ! يعني بكرة مع جاهل وخدامة بيزيد مصروفك !وانتي اشتري اللي تبين بس نسقي ،
والله اعرف بنات مالهم الا 100 والثانية 200 ! لخدامة ومصرف ثلاجة ولها !!! ومرات لعيالها 1!
حشى شهال200 هذي !!
بس وربي ان هالمرة انها ماشاء الله تبارك الرحمن الله لا يغير عليها ! مو ناقصها شي ، لا بلبس ولا كشخة ولا شي !
تقول مو الا اشتري كل شي مرة وحدة !​

 

[So0oKaRa]

ممكن بشكل غير مباشر تقوليله انه اللي يتكلم عن حياته الزوجيه واسرارها عند الناس انه هالشي حرام ومايجوز
يعني تييله من باب الدين
وبالنسبه للبخل انا اشوف انه 150 لج بروحج زوينه مو بخل لانه في وااايد بنات مصروفهم اقل منج وكل شي عليهم
والمره السنعه اهي اللي تقدر تغير الريال <<< مقوله امي
تقول الريال مهما كان عوي المره لو اهي قادره وسنعه راح تغيره
بالكلمه الحلوه والاسلوب الطيب وضيفي عليهم شوي عياره حريم ودلع راح تاخذين كل اللي تبينه

 

[~ غـــيـــر البِشـــر }}]

حبيبتي موبخل هذا 150 الحمدالله نعممه

ناس تاخذ 100 بالشهر

وعادي انتي مرات موتقولين لرفيجاتج اذا زعلتي منه ولاتهاوشتي


هونيها وتهون