عيون البتجاز شينظفهم تكفون

[عيد الفرح]

بنات انا حدي زعلانة بتجازي مالة عندي اللا سنة وصاير اسود ويلوع الجبد والله مع اني انظفة دايم بختصار شنو المنضفات اللي ترجعة نظيف انا اقصد عيون البتجاز شلي يرجع اللون ذهبي والقاعدة فضي مثل اول انا قريت بمنتدى ثاني عن منظف زماك بس دورت بالجمعيات ومالقيتة بس استخدمت ايزي اوف بام وفيري بس ما اعطتني النتيجة المطلوبة يعني ماردت العيون ذهبي تكفون قولولي اسم المنظف ومن وين الاقية يعني اي جمعية ومشكورين:eh_s(8):

 

[أم بدير]

تلقين بالجريده (الوسيط أو 808080 او الثلاثاء او نص الاسبوع وحده منهم) اعلانات عن تصليح بوتاغاز
دقي عليهم وقوليلهم تبين تنظيف بس
اييونج وينظفونها لج ويخلونها كأنها جديده بخمس دنانير
وانتي عاد صيري شاطره نفسي وقوليله عطنا من المحلول اللي استخدمته شوي عشان استخدمه المره اليايه
والله مالت عليهم يعطون شويه عشان مره ثانيه تدقين عليهم
بس صج مفعوله كأنه سحررر
السواد يتفكك جدام عيونج ويختفي
ولا تتعبين نفسج وتروحين الجمعيات وتدورين محاليل وتردين تمسحين وتمسحين وتنظفين وماكو نتيجه​

 

[monera]

حبيبتى انا من اربع سنوات طريقتى واحدة بالتنظيف . كل يوم بعد الغدا لازم اغسل كل شى العيون والشبك مال االبتوجاز. والاساسى عندى انقع العيون بماى وخل بصحن كبير مع الشبك للصبح .وثانى يوم تغسلهم الخدامة بالسلك وممكن تضيفى ليمون للماى لو العيون عندك لونها اصفر مو فضى .وجربى الليمون لو فضى اكيد راح يطلع الوسخ .جربى الطريقة وان شاء الله تعجبك

 

[عيد الفرح]

مشكورين خواتي اللي ردو بس انا ابي اسم منظفات ترجع لي العيون ذهبية اللي تعرف زماك وين الاقية تقولي

 

[فازة ورد]

السلام عليكم
انا انقعهم من اللليل بماي حار وتايد والصبح افركهم بالسيمه مع شوية جف يرجعون كالجديد

 

[supermarket]

واحنا نفس طريقة منيرة

 

[الغاليه نونو]

خابره معرفي عنده شغلات حق التنظيف اكيد بتلقين عنده انا طريقتي احط كلوركس وتايد وجف حتي ملمع البرسلان احطه وياهم بس مايبرقون مثل قبل ينظفون نسبة 99 بالميه اشزينهم ولاتنسين تفركينهم بالسيم ياقلبي

 

[العنونة]

اختي عيد الفرح منظف زماك تلاقينة بكل الجمعيات ومنها جمعية الدعية وبيان موجود عندهم
اإذا حابة شيء أحسن أستخدمي روح الليمون شوية مع ماي حار حطية بجدر على النار وحطي معاه عيون البوتاغاز لمدة 1/2 دقيقة عقبها غسليهم بالماء والصابون على الخفيف وشوفي الفرق وادعيلي وعلى فكرة روح الليمون تلاقينة صوب البهارات بكل الأماكن

 

[ضحكة الدنيا]

شوفى معرفى بالشويخ عنده شغلات حق التنظيف يمكن تفيدج

 

[المرام]

فى صابونة سن لايت الصفرة اللى باليمون ,,,,انقعيه ليله وافركيه السيم المعدن,,,بس قبلها دقى على اللى ينظفون الغاز علشان تبتدين من جديد احسن

 

[atooma]

انا استخدم Dac خوووووش منظف ويلمع

 

[وديان@@@]

شوفي اختي انا ايب 4 ليمونات وجدر وسط فيه ماي واقطع الليمون ارباع وايب عيون الغاز واخليهم يطبخون لين ساعة جذي واخلي لين الماي في الجدر يبرد واجيب الجف مع السلك وافرك فيهم وبعدين يجون جنهم جدد بس اذا ما راحو كرري اشوفين يوم عن يوم يتلامعون

 

[DEEMA]

شوفي اختي انا اول مثلك ماخليت شي بالجمعيه ماشريته ولانفع معاي شي

لين جربت هالسحر لاني اعتبره سحر لانه وربي رجع فرني كأنه جديد بدون مبالغه

والله العظيم لاتفرك ولاهم يحزنون قبل تنامين رشيه على الفرن والبوتجاز والاماكن اللي بتنظفينها والصبح مسحيها بفوطه مبلوله بشويةماااااااي وبس

وهذي صورته لقيتها بمنتدى عالم حواء والله يجزاها الف خير صاحبة الموضوع




ودعوااتكم لي ولزوجي ولعيالي

 

[دلوعة أبوي]

حبيبتي أنا عندي السر حق العيون الذهبية وحتى الفضية القاعدة اشتري ملح الليمون اتلاقينه ينباع بالجمعية بركن البهارات المهم اتنقعين العيون بملح الليمون وماي يعني نص ساعة وبعدها فركيهم بالسيم وراح ترجع اتلق جنها يديدة وبالنسبة للشبك الجام مال الفرن من فوق نظفيهم بجف وسيم وإذا في دهون لازقة بالفرن عندج بخاخ ينباع بالجمعيات اسمه 409 ممتاز بس قوي حطي بالج وانت تستخدمينه لبسي دسوس متينة وراح يرجع فرنج يديد

 

[الأميرة ياقوت]

السلام عليكم
انا عندي الطريقة المثلى لتنظيف عيون الفرن لا تحتاجين منظفات كل ما عليك انك تشترين ملح الليمون ( ينباع بالجمعيات ) وفركين العين فيها وشوفي العين اشلون تسير على فكرة تلاقينه مع قسم البهارات وادعيلي

 

[الأميرة ياقوت]

السلام عليكم
انا عندي الطريقة المثلى لتنظيف عيون الفرن لا تحتاجين منظفات كل ما عليك انك تشترين ملح الليمون ( ينباع بالجمعيات ) وفركين العين فيها وشوفي العين اشلون تسير على فكرة تلاقينه مع قسم البهارات وادعيلي ( سوري ما قريت كل الردود ) اكتشفت انهم ردوا عليك بنفس الرد المهم تعم الفائدة