عُشاق الكُتب .. تعالوو أبيكم

[وحشتني لياليك]

السلام عليكم ورحمة الله وبركااته


شخباركم صبايا .. عيدكم مُبارك مُقدماا :eh_s(7):

بنات انا احب القراايه , لكن ماحب الروايات الرومانسية وهالخراابييط ماحبها

اما باقي الانواع أحبها .. شتنصحووني فيه !!
خصوصاا الكورس الاول عندي فراغ يوصل لأكثر من 5 ساعات بالجامعه
وودي أضيع هالوقت بالقرايه ..

يعني كل وحده تقولي أحسن كتاب قرته .. بس بعيييداا عن الرومانسيه رجاءاا


:eh_s(7)::eh_s(7):

 

[ام عيسيي]

السلام عليكم والله الصراحه انصحج في أغاثا كريسيتي الصراحه قصصه كله الغاز و تبين التعرفين اكثر في الموضوع الكتاب
انصحج فيه اللهم اني بلغت

 

[وحشتني لياليك]

مشكوورة حيااتي .. :*

 

[ليلو جبريت]

نبشي في القسم

 

[أنثى اليمامة]

شكثر كتب تكلمنا عنها ،، بالقسم وايد مواضيع
​

 

[عادت ذكرياتي]

مثل ما قالوا البنات

القسم متروووووس ...


موفقة

 

[ليلو جبريت]

اي تذكرت عندج اميرة بابلية عن جد روووعه

 

[دلال.]

يعني تبين روايات و ألا بعيد عن الروايات ؟ ..
إذا روايات عندج تحت أقدام الأمهات " من الروايات الكويتية " و الكاتبة الوحيدة اللي احب أقراها لها طبعا إلى جانب معلمتي ليلى العثمان .
و إذا من الروايات الأجنبية ..
أنصحج بـ " عالم صوفي " إذا تحبين الفلسفة .. وايد روعة .. و أعتبرها مرجع حق الفلسفة .. بس مبسط طبعا ..
و عنده نفس الكاتب " فتاة البرتقال " همن حلوة ..
وإذا تبين بعد .. أقدر أقولج بس لو تقولين لي شنو نوع القراءة اللي تفضلينها .. سياسة .. شعر .. أدب .. تنمية ذاتية .. فلسفة ..
جي يعني ...

 

[emma watson]

اذا رويات أكيد أجاثا كرستي و دان براون كمان حلو صدق فيه رومنسية لكن مو هي الأساس هذا بالنسبه للرويات بس اذا شي ثاني حددي حبيبيتي ومحد بيقصر معك :")

 

[Moe love]

وعليكم السلااام /// علينا وعليج


انا احب اقرأ شغلاااات شغلات عن علم النفس انصحج بهالكتب انا قريتهم حييييل عجيبه(( السر / قانون الجذب/ كيف تكتسب الاصدقاء وتؤثر في الناس / استمتع بحياتك. / نهايه العالم / لغه الجسد))

وسلااامتج اكثر شي استفدت منه لغه الجسد خلاني اعرف شخصيه الي قاااعد جدامي من إماآت جسده وحركااااته حتى لو كااان هادي قعد اقرأ الكتااااب اسبوع فهمته شهر طبقته بعده وصراااحه بديت التطبيق بأهلي ونجحت المحاوله والحمدلله الكتااااب عجيب

 

[blue ocean]

انا نفسج ماحب ادب الدراما والروايات الرومانسيه الخ ...)​

مخي ينبض بالرعب ههههه عندج ادب ماوارء الطبيعه رائع جدآ وادب الرعب والادب البوليسي​

طبعآ عندج كتب ملكة القصص البوليسيه وهي اغاثا كريستي وروياتها موجوده بوفره في جرير​

وادب ماوراء الطبيعه كتب رائعه للكاتب الكويتي عبدالوهاب السيد تلاقينها بفيرجن وبعض المكتبات الاخرى​

وروايات الرعب عندج وايد حاليآ كتاب مميزين تقدرين تقرين لهم بأدب الرعب عندج الكاتب الكبير انيس منصور ​

والكاتب الرائع احمد خالد توفيق عنده سلاسل شويه كلمة روعه عليها وعنده ايضآ كتب رائعه بالرعب بس الاجمل السلاسل​

عندج كتبي المفضله سلسلة هاري بوتر المترجمه 7 كتب بقمة الروعه ..​

عندج كتاب كويتيين يكتبون رعب بشكل مشوّق مثل منى العنزي وعايشه الرشيدي وعلي بوربيّع و وسميه العنزي​

وكتاب رائع للكاتبه ساره الراشد كتبهم جدآ مميزه وممتعه​

راح تحتارين بالبحث بعيدآ عن القصص الدراميه راح تدخلين بوابه لـ عوالم من الآداب الشيقه معاهم​

انجوي خيتو ​

 

[الكرملين]

شوفي نفسج شنوتميلين له واشتري


روحي مكتبة العجيري ونبشي

 

[وحشتني لياليك]

مشكوووووووووورين جمييعااا

انا نبشت بس قلت ابي كل وحده تقول لي الي قرته وحبته
وبالنسبة للي أحب اقراه .. رعب ورواياات لكن مو روماانسية ..
وانا اذكر قريت كتب عن ماوراء الطبيعه لكاتب مصري من 4 سنين يمكن إذا مو أكثرر


ومشكوورين مره ثانية للي حطولي أسمااء كُتب

 

[دلع السلاطين]

من افضل الكتب الي قريتها


ثلاثيه احلام مستغانمي

نسيان

عزازيل

مدن تأكل العشب

اما بعد

والله زمان ياحب لاتخافين مو عن الحب ولافيه رومنسيه بس مقالات لي انيس منصور ووايد حلو

بنات ايران

لاتحزن

هاذي الي تذكرتها واذا تذكرت لج شي بكتبه لج

 

[Nostalgia ~]

روايه السجيينه حق مليكه او فقير
صج صج هالروايه عمييييييقه وتخليج تتأثرين فيها
والحلو ان الروايه اصلا قصه حياه الكاتبه الصجيه .. كانت تكتب معاناتها وتوصف الاحداث بطريقه حلوه ومؤثره
وتوصف حالتها شلون انقلبت من حياه العز والغنى الى الفقر والحرمان والسجن
مابي احرق عليج الاحداث بس اللي تحب تقرا كتب وطافتها هالروايه غلطاااااااانه حدها

 

[حرم جسومي]

عن نفسي انصحج بكتاب ^^خــلــف اســوار الــعــلــم^^
كتاب وايد حلو ومفيد وبتعرفين معلومات يمكن اول مره تعرفينها
طبعا الكتاب للكاتب المبدع *عـــــبـــدالــوهـــاب الــــســـيد*
وكل كتبه حلوه بس هذا افضل شي عندي

واتمنى اكون فدتج ^^

 

[Riro]

وعليكم السلام ورحمة الله تعالى وبركاته



انا اقرا كتب تربويه تعليميه او عن الدانات او حق التنميه البشريه
انصحج بكتات افكار صغيره لحياة كبيره اكثر من روعه
كتب الدكتور ابراهيم الفقي والدكتور محمد الثويني والدكتور بشير الرشيدي والكاتبي المفضل كريم الشاذلي فعلاً مبدع
وفي عندي كتب واجد انبش بمكتبيتي ومالج الا طيبت الخاطر وع طاري الخاطر بعد قريت كتاب خواطر حلو
وبس

 

[شوشو الرشيقه]

امممممممممممممممم
يالله خليني اعصر مخي واتذكر الكتب الحلوه اللي فادتني واقولش
انتظريني

 

[شوشو الرشيقه]

حسااااااااااااااااااااااااااااااااااااااااافه كتبت لش رد طويل مع اسماء الكتب وتعليقي وطاااااار
احس بابكي

خلاص باحطه لش مع اسم المولف وتقييمي من 5 والله يعينش
1- السجينه -مليكه اوفقير-4,5 - روايه سيره ذاتيه بس حزيييينه
2- شيكاغو - علاء الاسيوني - 3 - روايه .
3- الحب الكبير - ساره دان - 2,75 - روايه ...مو رومانسيه وحب لا تخافين .
4- جيفنشي كود - دان براون - 4-5 - روايه حلوه مثيره معقده غريبه بس طووووويله .
5- روايات اجاتا كريستي حلوه صراحه .
7- قوة التحكم في الذات - ابراهيم الفقي - 3,5 - كتاب تنميه شخصيه .
8- الرجال من المريخ والنساء من الزهره - نسيت اسم المؤلف - 3 - تنميه شخصيه وعلاقات اجتماعيه ..حلو
9- تاريخ الاندلس المصور -طارق السويدان - 4,75 - تاريخ بس ترا حجم الكتاب كبير مااتوقع تقدرين تطلعينه برا البيت .
10- استمتع بحياتك - محمد العريفي - 3 - صراحه كتاب خفيف وحلو بس حبيت انصحش فيه لانه حلو واذكر قريته قبل 2-3 مااذكر بس كان حلو وخفيف واتمنى تحبينه .

 

[سبحان الله .]

انصحج بالكتب اللي فيها تنمية للذات

من د. ابراهين الفقي