شلونكم حبآيبيِ :eh_s(17):
اليومِ بقولكممِ رآيي عن البي بي كريمِ مال غآرنيهِ
بتلاقوني اسويِ كذا موضوع عن كذا مآركهِ بي بي كريم لأني قاعده اجربهم و اجوف انطباعي عنهمِ بمآ اني
استغنيت عن الفآونيشن للنهآرِ و اليومي /
جربت قبل هالكريم ، كريم من بودي شوبِ و استخدمته لين خلص و حسيت يعطي لوك حلو بس مو مافي حماية للأسف ،
و وحده من البنات تسلملي ، نصحتني بغارنيه و قلت أجربه ليش لأ ، مع اني سمعت ذم فيه أكثر من المدح :eh_s(10):
أول شي ببدي بالي مكتوب على العلبة و مواصفاته و بعدها بقول انطباعي و طريقة استخدامي له
مواصفات الكريم /
- يوحد لون البشرة
- يقلل العيوب
- يعزز الاشراقه الصحبة
- يرطب 24 ساعه
- يحمي من اشعه الشمس
الحين بقولكمم انطباعي عنه و اسمحولي بطول شوي عشان اوضح ليش هالكريم ما ناسب وايد بنات :rerrerek:
صارلي على هالكريم اسبوعين تقريبا و بصراحة اغرمت فيه وايد ، بس هذا مو معناته انه مافيه سلبيات
انا ما عندي عيوب في بشرتي او اثار حبوب او ما الى ذلك الحمدلله ، لكن عندي عيب واحد في بشرتي و اهوا انها شاحبة او ما فيها حياة و ساعات احسها مو متوحدة من حيث اللون ، بس بالنسبة لهذا الكريم فحسيت انه عطاني تغطية متوسطة اقدر اشبهها بكريم ميبلين الموس السائل ،
يعني اقدر اقول انه يغطي بشكل كبير جنه فاونديشن ، أما الي عندها عيوب ببشرتها فأعتقد كونسيلر مع الكريم بيكون 10 / 10
طبعا هالنتيجة فورية ،
بالنسبة للاشراقه ف، حسيت بفرق من اول اسبوع حسيت ويهي في حياة حتى بدونه
يعني فعلا عطا اشراقة :rerrerek:
ترطيبه عالي و فيه دهون بكمية جيدة ، وهذا الي يخليه ما يناسب البشرة الدهنية
الحين بالنسبة للي ما عجبني فيه ،
ريحته قوية نوعا ما ، أو يمكن ما ناسبتني كوني احب الكريم من غير ريحة ..
فيه حماية لكن قليلة ، انا اعتقد انها ما تكفي 15 ، عشان جذي استخدم معاه سن بلوك
اخر نقطة بالنسبة لإيجابيات و سلبيات الكريم
اهوا انه مافي درجات وايد تناسب الكل :eh_s(10):
انا جربت لايت و امي جربت لايت ، انا ضبط معاي بس امي طلع عليها تان
( طريقتي في استخدام الكريم )
اغسل بغسولي اليومي و امرر قطنه بالتونر الي ارتاح عليه
احط طبقه خفيفه مرطب و بعدها سن بلوك تالي احط البي بي كريم
و احط كونسيلر تحت عيوني و انهي الموضوع بلوس باودر طبقة خفيفه و اخر شي شي بسيط من البلاشر الفاتح
اتوقع هالشي يعجب البنات الي ما يحبون ميكب كل يوم نفسي ، لأن البشرة تتعب :rerrerek:
مشكلتي الي واجهتها و عرفت ليش الكريم ما ناسب وايد بنات
اهوا اني من اول يوم استخدمته طلعتلي حبوب في منطقة التي زون ( الجبهة ) و بالنسبة لي بشرتي عاديه الى مختلطه و احيانا جافه ، و منطقة التي زون دهنية ..
فالكريم كلش ما يناسب البشرة الدهنية و اغلب الي مروا علي قالوا الكريم يطلع حبوب و السبب انه ما يناسب البشرة الدهنية
الي سويته عشان اتفادى هالمشكله اني احط الكريم على ويهي كله الا منطقة التي زون ، و احط نقاط بسيطه من كريمي الأساس شسيدو نفس الدرجة على منطقة التي زون
اخر شي بقوله اهوا الكريم حاله حال الفاونديشن ، ينشال اول ما ترجعين البيت بملك أو مناديل مكياج أو غيره ..
( هذا كل شي حبيت اقوله عن هالبي بي كريم )
انشالله استفدتوا و تسعدني مشاهداتكم :eh_s(22):
التعديل الأخير:
