غازات البطن وانا

[سسسوما]

السلام عليكم ورحمه الله وبركاته ?
مرحبا حبايبي
انا اعاني من غازات البطن كثييير ابي علاج مضمون
وكل وحده تدخل تقولي تجربها وشلون تخلصت منها
لاني من جد مسببه لي اعزمه :eh_s(11):
وماراح انساكم من دعائي

 

[توبآت]

سسلامتج اخذي كمون قليل بيدك واكليه وعقب اشربي مويه بعدها بساعه لاتاكلين شي متأكده راح تدعين لي هالحركه دايم اسويها

 

[سسسوما]

​​​كم مره اسويها
والله يعطيك العافيه حبيبتي م قصرتي

 

[سسسوما]

بليز بنات احد ثاني يساعدني

 

[** رش رش **]

في حبوب بالصيدليه للغازات اسمها حبوب الفحم

 

[اطعم الخلق]

سوي لك كمون مع ينسون واشربيه كل يوم لين تخف واتركيه واذا ارجعت سوي نفس الشي
انا مثلك وكنت اسوي كذا والحمدلله بس انا كنت اشرب مرمريه ع الريق
صدق صدق احس برااااحه من بعده وابعدي عن المشروبات الغازيه هي الي تزيده

اتمنى اني افدتك بشي ...

 

[سسسوما]

يعطيكم العافيه
راح اجرب وماراح انساكم من دعائي

 

[روووح المطر]

ماتشوفين شر حبيتي

اول شي ابتعدي عن الاكلات اللي تسبب لج هالغازات
مثل القهوه والشاي والفلفل الحار
والملفوف والفلفل الاخضر والعدس والحمص اهم شي


اشربي اشيا دافيه وخاصة الزنجبيل يطرد الغازات
والرشاد والكمون واليانسون والبااابونج والحبه الحلوه


وانشالله ماعليج الا العافيه


ودعواتج لي ولولدي بالصلاح



 

[سسسوما]

ماتشوفين شر حبيتي

اول شي ابتعدي عن الاكلات اللي تسبب لج هالغازات
مثل القهوه والشاي والفلفل الحار
والملفوف والفلفل الاخضر والعدس والحمص اهم شي


اشربي اشيا دافيه وخاصة الزنجبيل يطرد الغازات
والرشاد والكمون واليانسون والبااابونج والحبه الحلوه


وانشالله ماعليج الا العافيه


ودعواتج لي ولولدي بالصلاح



عندي رشاد كيف استعمله ...!؟

الله يوفقج ويسير لج طريقج ويخلي لج وليدج ويصلحه يارب

 

[ام حموديNEW]

حبوووووووب الفحمممم وعن تجررربه وبأقل من دينار سعرهااا حبه بالليل فتره ولله الحمد ارتحت الحين من احس بأصوات والا اضطراب بالقولون اكلهم

 

[سسسوما]

حبوب الفحم القها في الصيدليه والا في العطارين
والله يجزاكم خير يارب ويرزقكم م تتمنون
ويجمعني معكم في الفردوس الاعلى مع الحبيب المصطفى صلِ الله عليه وسلم

 

[ام حموديNEW]

بالصيدليه تلاقينهم

 

[القمر هو حبيبي]

حبيبتي جربي تطحنين قفشة كمون وقفشة حبه حلوه واكليها واشربي ماي وراها

والله هالطريقة كلمة خطييييييييييره اشوي عليها

 

[سسسوما]

يعطيكم ربي العافيه ويسعدكم دنيا واخره يارب

 

[اشلون يعني &]

الله يشافيج حبيبتي

سلامات بعد عمري


البسي على طول سروال قطني طويل ولا تاكلين طبخات ثقيلة
رفيجتي بعد ما اتركت وجبة الغداء (عيوش ) ارتاحت

 

[••غـلآًهْـم••]

اهم اسباب الغازات

الالبان والحليب والفوووول والعدس والقهوه العربيه تذبح بالغازات

وطبعاً المشروبات الغازيه اتركيهم وانتي بخير ان شاءالله والله نفس معاناتي بس اللهم لك الحمد من قللت منهم حيييييييل صرت احسن بواجد

 

[جذابه بنت ذيابه]

حبوب الفحم

او قبل تنامين اشرربي قلاصين كمووون رووعه

 

[سيدة بيتي]

الله يعين ماحد مرتاح

 

[سسسوما]

الله يعافيكم يارب ويرزقكم م تتمنون
راح اتبع نصائحكم وان شاءالله تخف
دعواتكم لي بالشفاء العاجل

 

[الأمل_5]

الغازات مشكلة أنا أعاني منها وايد و عندي قولون عصبي أحسن شي تبتعدين عن الحليب أستبدليه بحليب الصويا و لاتكثرين بهارات و دهون
شي الثاني البابونج المرمية كلها شغلات طبيعية و حيل تريح
و بعد في حبوب تنباع بالصيدلية تقرطينهم لمن يذوبون نسيت أسمهم بس أهو يعرفهم لمن تقولين عنهم
و الله يشافي كل مريض يا رب العالمين