الماما وخواتى واخوانى الله يحفظهم لازم يتحرشون فينى لووول بيوم الزواره
كنت يايه مبجر جان يقولون يالله اليوم مشتهين من ايدك هامور :eh_s(1):
قلت يالله تم ما احب اردهم
رحت المطبخ وقطعت الهاموره واه عليه عليها شرايح ونظفتها بالملح وخليتها بو 15دق
بعدين غسلت الشرايح وتبلتها ب ( ثوم - ملح - زيت - عصير ليمون - بهارات مطحونه - كزبره مفرومه واشبنت - زنجبيل ) بالخلاط حطيت هالمكونات وبعدين دهنت فيها الشرايح عدل وغطيتها خليتها تنقع ساعه
بعدين حميت الزيت وقليتها
الحين نى حق العيش ( قسته على الكميه اللى تكفى اهلى وغسلته ونقعدته ) ويبت الجدر الكبير مال المناسبات:eh_s(1): وحمست بصله كبيره مع ثوم وشويه من زيت القلى لانه فيه ريحت السمج وكزبره واشبنت مفروم وبهارات صحيحه ومطحونه وزنجبيل مدقوق شويه
حمست لما طلعت ريحه خنينه حطيت الماى وخليته يغلى غليتين بعدين كبيت العيش وخليته يستوى وقبل لا يستوى بشويه اخذت جم شريحه وحطيتهم مع العيش عشان ياخذ طعم ونكهه السمج
الدقوس
حطيت بالخلاط 6 طماط مقصص مع كوبين ماى وثوم _ حمست بصل وثوم مع البهارات المطحونه لما طلعت الريحه الخنينه كبيت عليه الطماط اللى بالخلاط وظبطت القوام مال الدقوس بشويه ماى حطيت معجون طماط ونتفه تمر هندى وملح ونتفه سكر
وخليته على نار هاديه لما استوى
السلطه
غسلت خس وجرجير وبصل طوال ووزعتها بصحون حوالين السفره
وبس
والحمد لله طاحوله دب ووايد عجبهم وتشققوا من الوناسه وبعد ساعه كل من سحب مخدته ونوووووووووووووووووم بالصله ما اسمع الا الشخير
لووووووووول عليهم بالعافيه :ggdw:
هديه الموضوع
http://www.youtube.com/watch?v=Gunpt...eature=related
