غرفة نوم باللون الأسود و طقم جلوس باللون الأوف وايت

[يآسمينه]

السلااااام عليكم

مساكم / صبحكم الله بالخير بنوتااات

بنات انا توه شريت غرفة نوم باللون الاسود

برايكم شختار ورق الحائط اي لون ؟ والستاير والسجاد والمفرش ؟؟

و الطوف الباقي شختار لهم لون ؟ بيكون صبغ


و كراسي الصاله لونهم اوف وايت بلاين

في بالي احط ورق جدران بالطوفه اللي ورى الكراسي وباقي الطوف صبغ

شتقترحون احط لون الورق جدران والصبغ والسجاد و مخاد الكراسي ؟


عفيه كل وحده و ذوقها تقترحلي ألوان تناسب

واللي عندها صور ياريت تحط

ومشكوووورين :eh_s(10):

 

[يآسمينه]

١١٤ مشاهده !!

ولا رد وااااحد ؟!!!! @@

 

[زمردة مشعة]

up
up
up

 

[Gifts&Occaions]

غرفتج خليها أسود وأبيض وأحمر

 

[ضحكتي ماركة ]

اب اب لعيونك

 

[Chay7aLeeB]

الغرفة السوده كل شي يمشي معاها انتي اختاري اللون الي تحبينه بس عفيه مو فوشي ولا احمر كل مادخلت مكان حاطين نفس الالوان اختاري شي يميزج عندج درجات الازرق بس مو الغامجه طبعا مثل ازرق السماوي او المايل للتركواز حلوين وكل الاكسسوارات تمشي معاهم وعندج بعدج معاه لون الموف او يعني درجات البنفسجي او الاخضر التفاحي واكسسواراتج خليها موف او فوشي

الصاله بما انها بيضا وفي بالج ورق جدران شوفي اللون الي يعجبج وعلى حسب حجم صالتج وبعدين الباجي سهالات الصبغ والمخاد والخ الخ

ان شاءالله بس احصل صور انزلج

 

[ميس2008]

 

[auoma]

حبيبتي دخلي الفوشي والسلفر والابيض بتطلع روعه
انا عندي الفوشي أحلى من الأحمر
وانتي وذوقج

 

[A&B&N]

موفقه

 

[رقية // الكويت]

السلام عليكم ورحمة الله وبركاته

غرفة النوم اسود يصلح معاها لون الزهر الفاتح والبرده نفس الطوفه في غرفة نوم خيالية لون اسود والطوفه
وردي فااااااتح عجيبة ابشكل بس غميضة ماعرف انزل صور وعلى حسب الغرفةاذا كانت كلاسيك او مودرن ونفس الشئ الصاله
وعندج ورق الجدران في بحولي اجبال مجمع البحر سنتر جم محل عندهم ورق جدران اينن
مو هذيل اللي ادقين عليهم بالوسيط لا كلش موشئ

والله يوفقج ويرزقج كل اللي يتمناه قلبج قولي آمين

واستغفر الله واتوب إليه

 

[طالبة1990]

غرفة النوم الاسود حلو معاها لون سادة مطفي اوف وايت مع لوحات وبراويز

او لحمي او بصلي او مشمشي او ازرق تيفاني


والاثاث الاوف وايت حلو معاه وول بيبر كلاسيك لون فاتح والبردات تكون بعد اوف وايت وفاتحة

يعني يكون الاوف وايت طاغي وبكل مكان

وممكن تدخلين كوشيات بدرجات البصلي والازرق الفاتح واللحمي والمشمشي والالوان الهادية

 

[الاصرار]

اتوقع لو تحطين ورق جدران بغرفة النوم احلي وابتعدي عن صبغ الوردي والاحمر خلي الوانها هاديه

 

[ميرور]

انا مع الاخت اللي قالت لج ابتعدي عن الاحمر والفوشي <<< احس خلاص لاجديد


خلي الصبغ ابيض او رمادي فاااااااااااااااااااتح ساده

والورق اللي بتحطينه خلييه مشجر اسود او رماادي غامق




اكسري لونهم بلون ثاني

حلو اللون التفااااحي الفااااااااتح رهيب هاللون مع الابيض والاسود


واذا ماتحبينه حطي بنفسجي او التيفاني " الازرق الفاتح "