غرفتي مافيها هوا ولا اكسجين شالحل

[SuGar-kuw]

بنات توني من اسبوع بادلت مع اخوي غرف بما انه غرفته اكبر من قعدت فيها ماكو اكسجيين اهوي الدار وابخرها واعطرها واسكر ارد ماكو هوا شالحل !!! تعبت من كثر ماهوي

 

[رووح ابووها]

يعني مافيها دريشه !!
اذا اي الله يعينج مالج الا تخليني الباب مفتوح دايم
واقرب دريشه لغرفتج بطليها على طول عشان يدخل الهوا والشمس

 

[يا حلاتكمـ]

فتحي شباااااااك كل صبح

 

[c a t w o m a n]

فتحي الباب دايما و حطيلج بالغرفه air purifier ينقي الجو

 

[غلاها]

الله يبارك لج بالغرفة اليديده اول شي
ثاني شي ماحبيت اطلع من غير رد
الحل بكل بساطه دام ما عندج دريشه
اشتري لج مثل هالمروحه وصدقيني
بتحسين بالاكسجين حوالينج وعن تجربه

صدقيني بتحسين براحه مو طبيعي وانشراح بالصدر ..​

 

[ام سعود ديكسون]

اسم الله عليج

أخاف متغير عليج المكان

شوفي شنو غلط بالديكور و غيريه شيلي قطع الأثاث الزائدة و قطي الاشيااااا اللي ما تستخدمينها باستمرار او وزعيها علي احد محتاج لها

اشتري جهاز منقي الجو و حطيلج نبتة البامبو / الخيزران ترا تبث أكسجين و تقلل ثاني أكسيد الكربون اكثر من غيرها

حطي لج شلال من هوم سنتر >> صغير يشتغل ع الكهربااا و صوت الماي و اهو يخر مريح
او حطي فازة وفيها سمج زينة

و شغلي قران و حطي مصحف بالدار كل يوم اقري منه شوية خل ينشرح صدرج

 

[أحساسي ألماس]

تنفع جربي

 

[SuGar-kuw]

ثااانكس فديتكم انشالله بطبق اللي قلتوه

 

[BeNt PaRiS]

اب اب


حتى غرفتي النوم


انا و ريلي مختنقين منها

نفس الحاله و ماكو اكسجين

 

[أم أحلى البنات.]

حطي مروحه المتحركه وافتحي الباب ... مالج الا هالطريقه ..

 

[رموش النمــــلة]

الله يعينج بس خلي الباب دايم مفتوح

 

[عروقي سعودية]

افتحي باب الغرفه وحطيلج جهاز منقي الهوا بس وقت النوم سكريه احسن واذا قعدتي شغليه و افتحي الباب

 

[نوتي الدلوعہ]

طبعآ م قصرو الخوات باللي قالوه بس انا اهم شيء عندي فتحي الباب طول الوقت واذا فيه ورد طبيعي قطيهم لانهم يسحبون الاوكسجين

 

[L A T T E]

اذا بتطلعين من البيت شبي جاوني علشان ينقي الجو من البكتيريا ويوخر الرطوبة

واشتري الجهاز منقي الجو

 

[زبدة ككاو]

بنــآت منقي الجو صججج يفيد ؟؟؟؟
أنــآ بعد مــآكوو درآيششششششش ابتلشت
شكلي بسوي بحث عن الجهــآز هذآ وبشتريه

 

[قطوة@@]

مالج غير تفتحين الباب
وحاولي لا تبخرين عشان ما تختنقين
حطي عطورات خفيفه ولا شموع معطره

 

[!! دلوعته !!]

شلوووووووووون غرفه مافيها درشه؟؟؟؟؟؟؟
يصير جذي بنات.؟
الله يعينكم بصراحه

 

[om deaj]

واي شلون غرفة من غير دريشة اكيد ماراح تتهوى

سؤال داش عرض

بنات وين احصل هالمراوح