غرف دسمان

[ارتيكازا]

مرحبا بنات ....


منو فيكم جربت الولادة بالسلام بغرف دسمان , يعني هل الرعاية تختلف في اهتمام اكثر و كل شي بليز فودوني ,, انا ولدت من قبل بالسلام قبل 3 سنين بس ما كان في غرف دسمان فخذيت ال في اي بي وكانت رعايتهم وايد زينه بس بعرف دسمان بليز نقلولنا تجاربكم اذا سمحتو او اذا تعرفون احد والد اهناك ؟؟؟؟؟؟

 

[om 7amoodi]

انا ولدت بتاريخ 24-8-2011 ...
العناية بمستشفى السلام ما عليها كلام سواء غرفة عادية او دسمان، انا قعدت يومين بغرفة عادية و يومين بدسمان، بس اكيد دسمان فيه اشياء سبيشل يعني البيبي تشوفينه 24 ساعة بالشاشة ، و اذا تبينه اييبونه بدقيقتين لان الحضانه بنفس الدور و قريبه، النيرس تقدرين تكلمينها بسبيكر يعني ما تنطرين تييج و تقولين لها شنو تبين، غير انهم يعطونج فلبينيتين سيرفس حق الاستقبال و هدايا لج و للبيبي

 

[Dark SouL]

انا ولدت بتاريخ 24-8-2011 ...
العناية بمستشفى السلام ما عليها كلام سواء غرفة عادية او دسمان، انا قعدت يومين بغرفة عادية و يومين بدسمان، بس اكيد دسمان فيه اشياء سبيشل يعني البيبي تشوفينه 24 ساعة بالشاشة ، و اذا تبينه اييبونه بدقيقتين لان الحضانه بنفس الدور و قريبه، النيرس تقدرين تكلمينها بسبيكر يعني ما تنطرين تييج و تقولين لها شنو تبين، غير انهم يعطونج فلبينيتين سيرفس حق الاستقبال و هدايا لج و للبيبي

نفس اللي بقوله :eh_s(15):

 

[Ms.electric]

جم كلفتج ؟؟

 

[yasmeen_q8]

+
انا بعد بعرف جم كلفج وشنو زاد على سعر الغرفه والولاده ول١٠٠ مالت الادويه ؟!

 

[ارتيكازا]

مشكورين بنات ,, بس ابي تفاعل اكثر يعني بس وحده اولدت فييه اشدعوااا ؟؟؟؟؟؟

 

[دآنة آلرشآيده]

بنات شلون كمامهم ؟
ومنو احسن دكتور عندهم ؟
وجم التكلفه اذا باخذ دسمااان ؟
ياكثر اسالتي ههههههه​

 

[اللولو000]

حماتي ولدت هناك غرفتها كانت دسمات تينن ماشالله والرعايه حلوه بعد
الله يهل عليج انشاء الله

 

[برميت]

انا ولدت بالسلام شهر 8 2010

اينن اينن اينن يانن اينن بعد وحده اينن لووول

يحوفونج حووف ...ودي اخمطهم و ابوسهم

استحي من كثر ما دلعوني

السسترات كلهم يهبلون ..قعدت بغرفه عاديه اول ماوصلت ..و بالولاده ..و بعدين رحت غرفه اكبر من العاديه و بعدين رحت دسمان
السسترات ماعليهم كلام

الخدمه و التعامل اينن ..خاصه اذا دسمان ..كل ساعه يطلون عليج تبين شي ناقصج شي ..بخاطرج شي

والاكل بدسمان اينن ..حتى الاكل بالغرفه العاديه حلو
بس بدسمان تنويع ما حصلش ...و الاكل حقج و حق مرافقين اثنين

بس دكاترتهم ما احبيتهم ...الي تحت افحصتني نفسيه و الي افحصتني بالولاده العن
و الدكاتره الي طلوا علي بس يبون يشوفون استقبالي وورد الي سويته اشكره تنقز رفيجتها تقول هذا الورد ..اشتبون
حتى تقولي اشلون الجرح ..عبالها انا قيصري و يايه تطالع بطني !!

انا دكتورتي من بره ..ماجده اليتامى تهبل عسل ..و كانت ما تبيني اولد هناك تدري دكاترتهم بو طقه

اللهم العيادات الخارجيه ..و في دكتوره يتني اول ما دخلت طلت علي اتينن اسمها ايمان ...اتينن يا حلات صوتها يوصوص


بالنسبه للسعر ماادري جم بالضبط لانه عندي تامين
بس ما يشمل دسمان 980
دكتورتي 300
ابره الظهر 90 او 80 شي جذي
غرفه الولاده الخاصه 80 جنه
و اغلب الادويه و التحاليل يشملهم الخصم
تقريبا 1500 او 600 شي جذي

اذا عندج دكتوره روحي السلام و انتي مغمضه

 

[ارتيكازا]

اي وناسه والله خووش , ا دسمان ولدتي 2 ؟؟

 

[om la6ofa]

انا توني والدة دسمان ٥ قيصري عناايه مو طبيعية ايننوووون. لدرجة انا تشوقت اد احمل و اولد مرة ثانيه عندهم صج دلع عقب تعب الحمل

 

[السليلة]

وواوو ووناااسه انشاءلله بولاده هناك بس انا فلوسي ١٠٠٠بس يكفون

 

[مفرفشة ومنعنشة]

وشلون كمامهم

 

[ارتيكازا]

اصلا مستشفى السلام ما عليه كلام من عمر الدنيا قدييم و يقولج التعقيم عندهم توب , بس كانت مشكلتهم الغرف و الوانها اللي تقمت القلب , بس الحمدلله الحين غرف دسمان حلوه صج بعد في جم وحده لج عليها بس بشكل عام حلويين وايد و كشخة

 

[ruby13]

upupupupupup

 

[anooma_86]

صج السلام يهبل وعنايتهم تيينن و أنا ولدت أهناك مرتين و بجري خذيت غرفة دسمان ٧ عنايتهم تيين و البيبي ٢٤ ساعه جدام عينج و السسترات يهبلوووررووووووون و طبعا اول ماتروحين اييبولج ورد و يعطونج بوكس في شامبو و بلسم وشاور جل و لوشن كلها منتجات بودي شوب و لم تطلعين يعطونج كار سيت و جنطه و عدنج تصوير لقطتين مجاني و الاكل اييبون حقج و حق مرافقين زياده

 

[ارتيكازا]

انوما : وناسة والله اول مرا اسمع عن سالفة التصوير و اللقطات شي حلو ... ليتهم يحطون مسجات بعد حق الريل ؟؟

 

[حنووونه25]

جيد جيدا

 

[Bio_reem]

ارتيكازا

انا بعد ولدت مثلج قبل 3 سنين بس خذيت دسمان، ولدت قيصريه وقعدت يمكن 3-4 ليال مو متأكدة ودفعت 3 الاف وشوي
وارتحت وايد واهلي بعد ارتاحوا، خديت جناح فيه غرفه مرافق فامي ماتعبت معاي روحه ورده وشفتات بينها وبين خواتي ونومه على القنفه ، وصح فيه تصوير اذا تبين يسوونلج البوم مع الياهل انا ماصورت معاه لاني ماكنت مصحصحة، سويت له بروحه، الممرضات ثنتين وثنتين خدمه والفراشات كل شوي اتيي تنظف وتشيل الزباله وانتي بكرامة، ولاني كنت بجر هم يتني وحده خاصه بدعم الرضاعة الطبيعية تعطيني معلومات عن الرضاعة وصعوباتها ومشاكلها والطريقة الصحيحة وهالسوالف .

بسالج انا عاد شلون الفي اي بي؟ كبيره؟ زينه والا مو شي؟