غريبة هالدنيا

[فيردي]

​

السلام عليكم ورحمة الله وبركاته
في موضوع وايد مضايقني وقاعدة اشوفه من زمان بس حبيت اتشاركوني فيه ليش هالايام البنت الملتزمة المحتشمة اللي تطلع من بيتها الى مقر عملها او جامعتها وترجع تعتبر عادية والطلب للزواج منها نادر والبنت اللي من فزة الصبح الى آخر الليل فرة بالمولات والشوارع ومن عرس الى عرس وحفلة ولوية ويكون شكلها الله يستر علينا وعلى بناتنا تتزوج بسرعة جنى شبابنا يشجعون على البنت المتبرجة واللي لبسها فاضح والبنات اللي الله منعم عليهم بالستر والجمال واصحاب شهادات وقاعدين في بيوتهم حظهم في الزواج قليل انا اعرف ولله الحمد بنات من عوايل معروفة قمة في الجمال والاخلاق والشهادة بعد بس اللي وصلت لسن 30 واللي 26 الله يستر عليهم للحين ماتزوجوا واشوف وياي بالدوام اللي ماتخلي طلعة ماتطلعها ولبسها الله بالخير وينخطبون وحدة من رفيجاتي الملتزمين تقولي شنسوي لازم نفتر ليل نهار بالشوارع علشان الشباب يشوفونا ما عرفت ارد عليها غير كل شئ قسمة ونصيب بس تكفون ساعدوني شنو رايكم بالموضوع واتمنى ان نتكلم بالموضوع بصدر رحب وموضوعية وشكرا :gathering:

 

[يبقى الوله]

حبيبتي هذا النصيب وموشرط اللي تفتر بالمولات وتطلع وتروح انها موزينه بالعكس هذا نصيبهاا
بعدين انا حبيت اشاركج بنقطه ان فعلا البنت اللي تطلع وتروح اعراااس تنخطب لان الحريم دايم يدورون لعيالهم بالاعرااس
وبالاستقبالات ,,, وبعدين البنت الدينه الكل يتمناااهاا

وبالنهايه حبيتي هذا النصيب مثل ماقلتلج قبل شوووي

وعسى ربي يرزقنا وياج ,,, تقبلي مرووري ورايي المتواضع بموضوعج

 

[لـولـو الحلوه]

صااجه اختي انا بعد وااايد لاحظت هالشيء ومستغربه منه بس سبحان الله حكمه رب العالمين والنصيب

والحمدلله على كل حاااااااال

 

[خذاني الشوق]

كل شئ قسمه ونصيب انا جماعتنا واهلنا بالعروس يدورن حق عيالهم

 

[لازوردي]

حبيبتي مثل ماقالوا البنات هالشي نصيب مو بيد الزمن كل شي بيد الله سبحانه و تعالى ​

 

[جـــواهر]

فديتج لا تضايقين عمرج والله قسمه ونصيب ,,,

وبعدين هاللي تفتر تلقينها مضبطتها واحد عشان يتزوجها

قولي امين بس ... عسالله يرزقج يالزوج الصالح ​

انشالله

 

[$فزولها$]

مثل ماقالوا البنات قسمة ونصيب

 

[عاشقه رويشد]

صح كلامج بس بنهايه قسمه ونصيب ... اقرب مثال اصلا مو شرط اللي تفتر من الصبح لي الليل وحده من اهلنا
والله بنات مو قاصرها شي ومتزوجه وعندها اربعه لما تطلع مع عيالها الناس تقول عنها هذيل اخوانج حبتها صغيره نعومه ريلها تزوج عليها وحده ما ادش من الباب ويهها اييب المرض استغفر الله ومطلقه وعندها خمسه تخيلوو

ادعي كل يوم بليل ولا تنسين قيام الليل والله يرزقج ان شاء الله وكثري من الاستغفار

 

[يمة يادلبي]

ايييي هالايام الشباب مادري شفيهم يبون الوحدة المنقوزة انا اختي مو ناقصها شي جمال ونعومة وشهادة ييي واحد وخطبها يوم شافها تلبس عباية راس قال انا مابيها

يعني الظاهر اتخرب استبريجه بس كيفهم مو ذنبهم إذا اهما انخقلوا ديوثين واتهون عليهم مرتهم المستقبلية تتكشف جدام الي يسوا والي مايسوا

 

[شوشو الشقيه]

تسلمين انا لاحظت هذا الشيء
بكثره بصراحه

بس بصراحه اختي بصراحه جلسه البيت مافي احسن منهاا
سمعني اختي واايد بنات جالسين في البيت والله مرتاحين اختي بصراحه ما صار فيهم شيء
وبصراحه ما في احسن من جلسه البيت يا اختي

الاسواق وغيرهاااا حق الضروروه او عندج شيء مثلا مناسبه او حفله او شيء
يا اختي حتى المولات
ولكن بعد الترفيه يصير في الاسبوع مرتين او ثلاث حلوه بصراحه اما كل يوم
لابسه عباتي وادور من مجمع الي مجمع من سوق الي سوق ايش حادني على شقي
يا اختي
بصراحه
ويا اختي بصراحه مو حلوه طوال اليوم ادور في الاسواق واتمشي فيهم بدون سبب وطلعتي من الصبح الي الظهر او من العصر الي الليل
بصراحه احسه ما يسوي على الواحد يتعب حاله
يصير تروح البنت السوق ولكن حق تشتري شيء او تشتري حاجه اما بدون سبب كل يوم وانا على هذا الحال احسه بصراحه ما له داعي
اولا يحفظون وجوهم الي في مجمعات
ثانياااااااااااا ملاحقه الشباب لهم في مجمعات
ثالثا تجيب لهم الشبهه
رابعاااااااااا تخلي كل واحد سيغلط عليها لانه يشوفها كل يوم تدور
من كذا كل وحده تقبض بيتهاااااااااااا وتجلس فيه
والاسواق والظهره حق الضرورهوياما ناس يصير عليهم شهر ما يصير لهم شيء
من اختكم شوشو الشقيه

 

[شوشو الشقيه]

والله صاير حال الدنيااااااااا غريبه
واايد ينات يقولن جذي مو انتي اول واحده
لاحظنا فتره الاخيره
بصراحه في مجتمعنااااااااااااااااا البحريني والكويتي ان الشباب اغلبهم صاروا يتزوجون بالحب
نادرا ما سلم من شباب يتزوجون زواج تقليدي
على عكس السعوديه والامارت زواج تقليدي

وتاركين البنات الي المحترمات والي عندهم شهادات ومحترمات من البيت الي الشغل والبنات الجميلات والمؤدبات طايرين وراء البنات الي فيه
الي في مجمعات وغيره
اقول الله يخلف بصراحه
تره في الكويت بعد صاير جذي اغلب زواج الشباب عن الحب
وتاركين البنات مؤدبات والطباخين والجيلات والمحترمات اقول الله يخلف بس

والله يا اختي اخذي قاعدتي الاساسيه
الي يريدني يريدني على حالي
والي لا يريدني تره في بنات كثيرات يختار منهم وحده او يدورغيري اجمل مني

اخذي نصيحتي اختي وقاعدتي بالحياه

(لا تبحثين عن الشاب واعرفي الشاب هو من يبحث عن الفتاه
والبنت الي تبحث عن الشاب ترخص بنفسهاااااااااااااااااااااااااااااا)

قاعده ثالثه
الزواج قسمه ونصيب وكل بنت لها وقت محدد تزوج فيه ولها زمان معين يا اختي رجل معين يكون شريك حياتهااااااااااااا
يا اختي
البنت تحترم حالهاا ونفسهااااااااااااااا والي يريدهاااااااااااا يريدهاااااااا على حالهاااااااااااااااااااااااااا
باحترامها لنفسهاااااااااااااا
الي ما يريدهااااااااااااااا في الف بنت غيرهااااااااااااااااااااااااااااا
الدنيا مملؤه بالبنات الجميلات والحسناوات واجمل الجميلات يبحث له غيرها
من اختج شوشو الشقيه

 

[فيردي]

انا الحمد لله منعم علي بالزوج الصالح وعندي عيال الله يخليهم بس اقصد مشكلة بنات هالوقت ومشكورين وايد على مروركم ويعطيكم الف عافية واشكركم انكم شاركتوني وخففتوا عني لان يضيق خلقي على خواتي وصديقاتي اصحاب شهادات ومحترمات وقمة في الذوق والادب بس علشان ملتزمات النصيب ماياهم للحين ونفس ماقلتوا بارك الله فيكم كل شئ قسمة ونصيب وعسى الله يرزقهم ان شاء الله بالازواج الصالحين ومشكورين على مروركم مرة ثانية

 

[احلى غلا]

اي والله كلامج صح بس هم كل شي قسمه ونصيب

 

[وردة بيتنا]

بالعكس وااااايد من رفيجاتي ملتزمات و يخافون ربهم ، تزوجوا شباب ملتزمين . و عايشين حياة حلوة الحمد لله

انتي قاعدة تتكلمين عن شباب اي كلام ، شباب الاسواق و الهلاقة . هذيلا من يبيهم ؟؟

و ترى مو كل متزوجة يعني سعيدة . فيه متزوجات يتمنون انهم ما تزوجو

انتي ما تدرين الله شنو كاتب . شلون تقولين الدنيا غريبة و الله اللي كاتبها ؟ محد يدري شنو الخيرة الا اللي الله كاتبها

يمكن ربج خاش لهم الزين حق بعدين ؟ يمكن حياتهم احسن جيذي ؟

 

[دنيا رديه]

نصييييييييييييب

 

[ارض الاجواد]

كل شي قسمه ونصيب
وصج اكثر الحريم اطالع البنات بالعروس وغيره من المناسبات

 

[فيردي]

تصدقون على طاري ان البنات ينخطبون بالعروس والحفلات ان حماتي ماتت وانهبلت على وحدة بالعرس جميلة حدها بالمكياج والتسريحة وقالت لازم اخطبها حق ولدي وملزمة حدها وثاني يوم كانت حماتي وياي بالجمعية وكانت البنت تحاسب عند الكاشير مو حاطة نقطة مكياج وتخرع وصايرة وحدة ثانية الله يستر عليها قالت اشوة ان ما توهقت ودقيت على امها يعني ساعات اغلب اللي يخطبونهم يكونون مبالغين حيل بنفسهم ومغيرين وايد باشكالهم غير الواقع والطبيعة

 

[طمــوح]

القضيه .. قضية نصيب ..


و الزواج رزق من الله عز وجل ,,

كل وحده المفروض أبدا ما تفكر متى تتزوج .. أو طولت انها ما تزوجت او ان فيه سبب منعها من الزواج او منع ان احد يخطبها !


لأن لو فكرنا فيها بواقعيه اكثر ...


بآية وحده من كتاب الله (وَفِي السَّمَاءِ رِزْقُكُمْ وَمَا تُوعَدُونَ ) الذاريات 22

حسينا ان فعلا احنا مابيدنا شي ابدا!

مثل ما رب العالين كفل لكل واحد قوته و اكله كفل له هالشي .. و إن كان يالغالية كلامج صحيح ان البنت المحتشمه ما تتزوج فيمكن هذا يكون اختبار لهذه الفئه على دينها و ايمانها و التزمها .. فربي بيختبر !


و يشوووف و ماتدرين ياما ناس تزوجوا و طلع الزاوج ابدا مو من مصلحتهم و على قلوتهم البيوت أسرار يعني مو كل وحده تبين انها مستانسه فهي فعلا مستانسه و العكس صحيح ..


عمره ما كان الشكل و العمر و النسب و و و و و و هذه الامور كلها اشياء تعيق على الزواج او تعين عليه لأنها بالنهاية مسأله رزق و نصيب و رب العالمين ماكو شي بيعد عنه سبحانه بس احنا خل نتوكل عليه و نرضى بكل شي =)


مشكوره حبيبتي على طرح الموضوع


و ربي يوزق راحة البال و السعاده دنيا و اخره حبيبتي

 

[فيردي]

القضيه .. قضية نصيب ..


و الزواج رزق من الله عز وجل ,,

كل وحده المفروض أبدا ما تفكر متى تتزوج .. أو طولت انها ما تزوجت او ان فيه سبب منعها من الزواج او منع ان احد يخطبها !


لأن لو فكرنا فيها بواقعيه اكثر ...


بآية وحده من كتاب الله (وَفِي السَّمَاءِ رِزْقُكُمْ وَمَا تُوعَدُونَ ) الذاريات 22

حسينا ان فعلا احنا مابيدنا شي ابدا!

مثل ما رب العالين كفل لكل واحد قوته و اكله كفل له هالشي .. و إن كان يالغالية كلامج صحيح ان البنت المحتشمه ما تتزوج فيمكن هذا يكون اختبار لهذه الفئه على دينها و ايمانها و التزمها .. فربي بيختبر !


و يشوووف و ماتدرين ياما ناس تزوجوا و طلع الزاوج ابدا مو من مصلحتهم و على قلوتهم البيوت أسرار يعني مو كل وحده تبين انها مستانسه فهي فعلا مستانسه و العكس صحيح ..


عمره ما كان الشكل و العمر و النسب و و و و و و هذه الامور كلها اشياء تعيق على الزواج او تعين عليه لأنها بالنهاية مسأله رزق و نصيب و رب العالمين ماكو شي بيعد عنه سبحانه بس احنا خل نتوكل عليه و نرضى بكل شي =)


مشكوره حبيبتي على طرح الموضوع


و ربي يوزق راحة البال و السعاده دنيا و اخره حبيبتي

جزاك الله الف خير والله يسعدج ان شاء الله ويبارك فيج وفعلا كفيتي ووفيتي ومشكورة حبيبيتي على مرورج على طرح موضوعي وان شاء الله يارب تكون فايدة حق الكل حتى اللي مايالها نصيبها من بنات المنتدى الله يرزقهم بالازواج الصالحين وان الرزق بايد رب العالمين هو الرزاق الكريم ومشكورين اجمعين على مروركم الطيب

 

[ماغنوليا]

المسألة مثل ماقالوا البنات.. قسمة ونصيب
مع اني أحس ان مو شي الواحد ياخذ وحدة مامهنتها غير الفرارة هذي وينها وين الاستقرار ؟؟؟​