غسالة الاماعين + اوتي البخار ؟؟؟

[زبــــــــدة]

سلاااااااااام





من وين غسالة الاماعين ؟؟؟ وشنو احسن ماركة وبجم سعرها تقريبا ؟؟؟

واوتي البخار ينفع حق الدشاديش ؟؟؟ لان مابي ريلي يودي دشاديشه المصبغه ابي انا اغسلهم واكويهم يعني سنعه :krkrkr::eh_s(4):

؟؟؟

اللي تعرف تقولي بليز

 

[@ام يوسف@]

اوتي البخار انا اكوي دشاديش زوجي فيها ومافي احسن منهم واوفر من المصبغه

 

[james546613]

انا مثلج اسال واذكرولي الغانم ويوريكا والكترو زان وعلي عبدالوهاب وبعدين ضعت في المواصفات وللحين ادور

 

[زبــــــــدة]

مشكورين :**

 

[أم@الحلوين]

غسالة لماعين أمي شاريتها منlg وااايد زينه تحطها أوتوماتيك وتغسل لماعين ساعه ونص وتطلعهم ناشفين وحارين ولا قطرة ماي فيهم انا انشاءالله بروح اخذ نفسها انصحج فيها
والاوتي البخار بيوريكا في أنواع واشكال انتي قوليله شنو أحسن نوع وراح يقولج
وانشاءالله أكون فدتج

 

[13-6-2009]

ام الحلوين الوالده الله يحفظها بجم ماخذه غسالة الصحون

 

[CuteMeme]

يقولون غسآله الصحون وآيد تخترب ؟
..!

 

[زبــــــــدة]

ام الحلوين

حبيبتي مشكوووورة :***

 

[Dior80]

انا كان عندي غسالة صحون فريجيدير اهي زينه بس ماتغسل الاطباق الي فيها اكل ناشف وماتغسل الجدر عدل يعني لازم الصحون اذا بتحطينها مايكون فيها بقايا اكل يعني لازم اتغسلين بقايا الاكل اول يعني ماسوينا شي غسليهم بايدج ماراح يستغرق 10 دقايق او اقل ولا تنطرين ساعه او ساعتين علي ماتخلص الغسالة مالت الصحون .

 

[مرايــــــــم]

اوتي البخار روعه انا مجربته
صارله 3 سنين عندي
ماركه برنسس من الغانم شريته ب 20 دينار

 

[الجليله22]

اوتي البخار برنس من الغانم حلو حيييل

 

[Melazlaza]

الغساله عندي تينن صج تسلم ايد الي صنعها
تغسل كل شي ماعدا الالمنيوم والاستكانات المزخرفة تطير صبغتهم ملوت التقديم عرفتيهم

بس من ناحية النظافة ولابحياتي يتني خدامة تغسل بنظافة الدش وووشر
فيها نظام تعقيم وماشالله عمرها طويل ماتخترب بسرعة اذا تحت ايدج
ماركة ويرلبول من الغانم اذكر انها حروة الميتين دينار


الاوتي وايد مفيد وسريع بس انصحج الدشاديش طويلة وحوسة والله ماتسوا التعب الا اذا عندج خدامة خليها تكويهم
عن نفسي ماعندي خدامة فالمصبغة تيي تاخذهم وتردهم

 

[PuPa^^SWeeT]

اوتي البخار اغلبهم زينيين



الغسالة انا جربت ويرل بول مادري شسمها


اتهبل شوي عليها




بس اتغسل الستيل كانت عندي

 

[Mjnont '3lay]

الغساله lg روعه من الغانم بس اذا عندج خدامه لا تجيبينها لانها تخترب على ايد الخدم وتدووم سنييييييييييينن على ايدج
واوتي البخار من الغانم صغيره لونها اسود باحمر تهبببل تكوي حتى اللي بين زرارات الدشداشه
الغساله ماتلاقين اقل من 200 على حد علمي بالغانم
الاوتي عندج من 20 وطالع

 

[ديانا سبنسر]

الاوتي البخار انصحج فيها حتى للدشاديش واوفر من المصبغة الغسالة ماجربتها

 

[Bnt-USA]

اييييييييييييييييي اخ ياحلات الدش ووشر

اشوه ان السكن اللي انا فيه حاطين لنا دش ووشر

وللا جان كرهت عمري


اكرهه شي عندي غسيل المواعين

 

[д7βk βşķάť]

ماعندي فكره
بس منكم نستفيد
وجزاكم خير ياارب على المساعده ​

 

[بكيزة هانم]

مفيد

 

[ABEER FLOWER]

موفقه زبدة