غسالة الصحون !

[الشرنقة]

لما صممت مطبخي .. أصريت ان يكون في مكان لغسالة الصحون.

حتى الان مكانها فاضي .. لان زوجي -الله يحفظه - مو مقتنع باهمية غسالة الصحون ((

انا احسها مهمة لانه ادري اني حتى اذا جبت خدامة اكيد بيصير ظرف معين و تنقرض.. تنحاش مثلا او.........

وانا اكثر شي اكرهه ويعور ظهري هو غسل الصحون ( بعد كوي الملابس )

واحسها انظف من ايد الخدامة..
وانظف من ناحية ان الصحون ما تنشف بالهوا وتلقط جراثيم .. بالعكس تطلع ناشفة ودافية من الغسالة.

فاشرايكم.. ابي رايكم
واذا وحدة منكم مجربة.. تنصحيني باي ماركة ؟

 

[irresistible]

صراحة لازم تشترينها انا من غيرها ما اعيش مريييييييييييييييييييحة حيل والله توني اعرف قدر الغالية

 

[الشرنقة]

توتة غسالة صحونج أي ماركة ؟ ومن متى عندج ؟ وهل هي سهلة الاستخدام ؟

 

[irresistible]

اي حبيبتي وايد سهلة الغسالة بس عندنا بامريكا يحطون الغسلات بالشقق منهم وفيهم في ماركة اسمها amana شوفى اذا موجودة بالكويت وايد زينة

 

[الشرنقة]

مشكورة توته. بس ما اعتقد هالماركة موجودة بالكويت ..
مادري ليش احنا كله متأخرين.

 

[متى اضعف؟]

افضل شي ماركة ويربول
وهي اغلى من الانواع الثانيه

 

[الشرنقة]

حياج الله إختي من السعودية وشكرا على المعلومة

 

[FoOosHiia]

a7na '3asalatna markatha LG 7adha 3ajebaaa oo zaiNa oo moreeeeeee7aaaa

 

[إستبرق]

انا كنت بشتريها بس اشوف الي يبيع بال جي لانه يعرف زوجي قاله لاتاخذها لان انا قلت له تخلين الصحون فيها ريحه زفر ولا لا قال الغسالات مالات الصحون تخلي زفر وانا اموت وطفارتي هالشي تلقيني اشم القلاص والقفشات والصحن لو ريحه خفيفه اموت عاد ما ادري هو قالنا جذي وهونت

 

[7abebat elq8]

حبيبتي صج غسالة الصحون جداااااا مهمه و انصحج فيها ........ انا من و كنت ببيت اهلي و كانت عندنا و بالزواج صممت عليها لاني ما اقدر اغسل صحون و قفاش و اكواب كل يوم و خصوصا بعد العزايم بتشوفين شلون مريحة.........

ابدا ما تطلع ريحة زفرة و لا شي بس بين فترة و فترة تغسلين الفلتر و تييبين مسحوق زين و بس........ انا قبل كنت اييب مسحوق فينيش بس جربت كلاسيك و طلع احلي و ينظف اكثر.......

اهم شي بعد ما تستخدمين الصحون تشطفينهم جذي بسرعة تحت الماي تالي بالغسالة.

 

[Dloool_q8]

ياريت تقولولنا شنو احسن ماركه؟ وبجم؟

 

[7abebat elq8]

بنات كل الانواع زينه عندج AEG روووووووعة كانت ببيت اهلي تمت عندنا 15 سنه و بعد ما اختربت جربنا ignis و وانا يبت Haier الصغيرونه و بعدها ويرلبول كلهم زينين و غسالة الصحون لي جربتيها يوم واحد ما راح تستغنين عنها ابدا

 

[بنت الحزن]

اكو وايد بالكويت شوفي عند الغانم

 

[7abebat elq8]

نسيت اقول السعر تقريبا واحد يفرق 10 او 20 دينار ...... السعر بحدود 120 دينار

 

[همسة ورد]

بووش احسن ماركة المانيه ومضموونه ومعرووفه .. كل اهلنا نفس الماركه وفيها تعقيم وفسيل وتشطيف اذا عندج مواعين مغبره بس مو وصخه تشطفهم لج .. بصراحه خووش شي كد ومد