غسالة هدوم الأطفال

[أحلى الجياكر]

مراحب على الكل ...

منو جربت الغسالة الصغيرة مالت اليهال ؟؟
ودى اشترى وحدة ..بس بشوف ..زينة و لا خربوطة

شكرا مقدما :edbf4317b9:

 

[nice-girl]

انا اختي شاريه ميني غساله بس شكلها يشووووق
ام حوضين مو اللي نعرفها
بس صغيره تينن لي حطتيها يم العوده تصير امها
بس ما ادري اذا اسألج ةاياها

 

[أحلى الجياكر]

اى هذى اللى اسال عنها جنها ب 22 دينار !

الله يعافيج سأليها و ردى على ..

 

[مسك الغرام]

أنا مأخذه غسالة ديكسون للأطفال من يوريكا بــ 28 دينار..

حلوه و صارلها سنه عندي عمليه و حلوه..

 

[أحلى الجياكر]

مشكورة حبيبتى ..

 

[غزالـــQ8ـــه]

يمدحون الغساله الي بيوريكا انا بعد ناويه اشتريها

 

[@شمس الضحى@]

مثل ماقالو البنات من يوريكا حلوه وتسخن الماي عشان تتعقم الملابس

 

[أحلى الجياكر]

مالت يوريكا ..ام حوضين ؟؟

 

[أحلى الجياكر]

للرفع

 

[Lady^bird]

ونااسه ودي اشتريها .. بس تنفع حق اليهال اللي أعمارهم بالاشهر لي جم ؟؟؟؟؟؟؟؟

 

[أحلى الجياكر]

اهيا حق الياهل بالاشهر
اهيا وايد صغيرة ..جنها بروى

 

[Lady^bird]

اي توووونس .. بس اذا الياهل كبر شتسوين فيها .. حق اللي بعده وبعده .. وبعدين ماراح توقفين من اليهال لوول

 

[أحلى الجياكر]

لووووووووووول نفس كلمة زوجى بالضبط

قلت له : حق قحافيك

او
أمطاتى ...لوووووووول

توتال فسقة

 

[Lady^bird]

لووووووووووول

اي صح فكرة
او ليش خليهم حق الدلاقات والحين الشتا بعد وايد راح تستهلكون
وحق الملابس الداخليه بعد يعني ماراح تطيح بجبدج لووول

 

[أحلى الجياكر]

أبد من قال تطيح بجبدى !!!!!!!!!!!!

مو انا باقيتها !! اطلع لها الف و الف صرفة

حريم ما ينخاف علينا ..ينخاف منا

 

[Lady^bird]

لوووووول اي والله

 

[supermarket]

ام حوضين كانت قبل فترة تنحط بالجرايد الاعلانية

يوريكا ماشفت الا حوض واحد

 

[lollipops]

اذا قصدج اللي لونها بنفسجي
وايد زينه اختي مجربتها وتمدحها
وتقول مفيده

 

[أحلى الجياكر]

سوبر ماركت ..يوريكا فيها ام حوض عدل كلامج ... بس جنه ام حوضين احسن !! عشان تعصر الماى .

لولى ..والله ما شفتها ...بس ماركتها صينية ...

 

[روزالكويت]

سبحان الله والله داشه بكتب موضوع ابي غساله صغيره زهقت من غسالتي الاوتوماتيك اللي تغسل وتنشف ساعتين ونص على ماتخلص الغسله الوحده وماتنظف ذيك النظافه باللذات حق الدلاغات والملافع والعبايات ابي صغيره يكون فيها نشافه وفيها حوض غسيل وماتاخذ حيز لان ماعندي مكان زحمه يادنيا زحمه....توني فاركه الدلاغات البيض لين ذابت اصابعي ولا نظفوا عدل مع اني ناقعتهم بكلوركس واومو..ابي غسااااااااله صغيره تبرد قلبي...