غسالتج التوماتيك اذا غسلتي الهدوم ونشفتيهم ماطلع وصخ لونه بني؟؟!!

["النووور"]

السلام عليكم
بنات شلونكم

بنات غسالتي أذتني يننتني :0bee2e8d89:
كل ماغسل الهدوم خاصة البيض وأنشفهم واطلعهم أشوف فيهم بقع بنيه متناثره
مره ألقى بقعه وحده ومرات بقع وايد صغار متناثرين
ولما أغسلهم بيدي بس بماي مايروحون لازم أحط صابون يعني وصخ!
بس مادري من وين؟؟
مره مسحتها
ومره شغلتها بدون هدون قلت يمكن تتنظف
بس هم ماكو فايده :0bee2e8d89:
فشلتني جدام ريلي!

بنات بليز اللي مرت بنفس المشكلة تقولي من وين هالوصخ وشلون تخلصت منه؟
بليز ناطره ردودكم لاطولون

وهم اللي غسالتها وايد زينه وعمليه خل تقولي شنو ماركتها وجم سعرها
لأن قاعده أفكر أشتري غيرها

 

["النووور"]

ولا رد ليش

 

[Maryomah_q8]

هلا يا قلبي أنا غسالتي frigidare
خذيتها من الغانم 188 ولا مره غسلت الهدوم وصار معاي جذي الحمدالله




:aha::aha::aha:

 

["النووور"]

أمبيييييييييه نفس غسالتي بالضبط !
عيل ليش انا غلتي جذي
مع اني كلش مومستهلكتها توني هابه استخدمها

 

[Maryomah_q8]

أنا سألت عن طريقت استعمالها بالضبط حق الألوان غير والأبيض غير والحمدالله
مرتاحه منها حيييل....




:aha::aha::aha:

 

[ياراا]

شلون الطريقة لان انا بعد اعاني من هالشي؟؟؟

وعاد تعرفون الرياييل انتي مو مهتمه وانتي وانتي معني ما خيت ولا مبيض كل اتعملته لم قلتله من الغساله يقولي ادري هذا عذر عشان اشدريلج يديده واااااااااااااي مادري شسوي. فيدونا اله يعافيكم.

 

[أم الصبيان الثلاثة]

حبيباتي الغساله لازم لمن اتحطين الهدوم لازم الجيوب تكون فاضيه يعني نظفي الجيوب من الكلينكس والاوراق لانها تطلع وتعلق داخل
ومع الوقت اتخمر وتعفن وتبقع الهدوم
اذا كانت يمج المغسلة مدي وايد ودخليه مكان الصابون وشغلي الغسالة لين شوي تنترس اكثر من العاده وحطي صابون قوي نفس فانيش او اي مبيض خليها تشتغل بس مو تفولين الغسالة ماي تخترب لا ترسيها لين اتكون اكثر من العاده بس مو طافحه وعقب شغليها عالوقت الاكثر شي مو يكون في درجات خلييه جنه بتغسلين كمبل يعني اقوى شي وبس
اذا مافاد قطيها واشتري غيرها لووول بعد هذا الحل النهائي

 

[غيوره]

انا اقلك السبب انا غسالتي كانت كذا تطلع بقع صفرا كانها صدا وكل شي جربته وقلت يمكن من المويه
طلع السبب من الفلتر شوفي الفلتر حق غسالتك فين وطلعيه ونظفيه من تراكم الصدا
وقوليلنا اش صار معاكي
وانشالله نكون افدناك بشي

 

[daloola]

دقي على احد ينظفها لج

انا غسالتي اقط الهدوم واطلعهم ماجنها غسلتهم.....اطراف الجموم والذيل وصخين
شريت يديدة

 

[*لولو*]

انا اقووووول لج

اللي يطلع لج على الهدوم هذا كله من مكان الكومفورت اللي بالغساله

فتحي المكان اللي تحطين فيه الكومفورت و نظفيه عدل...
و اذا قدرتي نظفي المجرى اللي يمشي فيه الكومفورت بالغساله هم احسن و احسن بعد

و ان شاء لله بتشوفين فرق

 

["النووور"]

حبيباتي كلكم
ماقصرتوا والله

بجرب كل اقتراحاتكم بدون استثناء لأن كلها منطقيه
وأول شي بجربه بغير الفلتر صج منزمان ماغيرته
وهم بنظف مكان الكمفورت

اذا راح هالشي حلو واذا ماراح بجرب باجي الاقتراحات والأفكار الفلته

مشكورين يابعد قلبي أمموااااااااااااا
بس بغيت اسألج رومانسية 99 حبيبتي علمينب على الغساله عدل
الأبيض شلون والملون شلون
والأقطان شلون والحراير والستن شلون بليز
أكيد انتي لاحظتي اها قويه وايد على الهدوم مومثل باجي الغسالات
علميني بليز قطعت هدومي ههههههه يننتني

 

[الحنان الدافئ]

النشافة ولا الغسالة اللي تطلع لون بني ؟

 

[أبلة اجتماعيات]

انا نفس مشكلتج وطلع الماي اهو السبب ومو دايم تصير معاي هالشي مرات بس ..
ردي غسلي الملابس اللي فيها بقع بس وراح تروح

 

["النووور"]

النشافة ولا الغسالة اللي تطلع لون بني ؟

مادري بس أتوقع النشافه لأن أول أمس غسلت الهدوم بدون نشافه ولمن طلعتهم مافيهم شي !!

 

["النووور"]

انا نفس مشكلتج وطلع الماي اهو السبب ومو دايم تصير معاي هالشي مرات بس ..
ردي غسلي الملابس اللي فيها بقع بس وراح تروح

صح كلامج حبوبه اذا غسلتهم مره ثانيه بيدي راح يروح
بس وايد تعب موسالفه كل غسله يصير فيها جذي أرد أغسلها مره ثانية :0bee2e8d89:

 

[الحنان الدافئ]

إي أنا كنت متأكدة النشافة لأن عندب نفس المشكلة ،،، دقي على الصيانة ،،، وطلبي تبديل ال Gaz Gate ،،، هذي هي المشكلة حبيبتي

 

[ويـــزا]

وااااااااااااااااااااااااااااااااي صارت واااااااااااااااااااايد معاي
وجم مره أحصل زفه محترمه من زوجي بسبب هالمشكله
وخاصه إن الغسالة ما توسخ إلا الدشاديش تحسين جنها متعمده
المهم بعد ما أغسل الملابس الملونه وقبل لا أغسل الملابس البيض
أحط الصابون وأخليها تشتغل بروحها بدون تنشيف
وأول ما تخلص أفتح باب الغساله وأجيك إذا في وسخ لازق بأي مكان خاصه تحت ربل الباب وأنشفه
وأخلي الباب مبطل لين تنشف بروحها
وأغسل أول الملابس البيضه القطنية وأنشفها بالغساله عادي
بس لما أغسل الدشاديش ما أنشفها بالغساله أطلعها تنشف بجو الغرفه
والحمد لله انفعت معاي هالطريقه
بس أهم شي بعد كل عملية غسيل لما تخلصين وما عندج غسيل ثاني
خلي باب الغساله مفتوح عشان لا ترطب

 

[f00f00]

هذذذذذذي نفس مشكلتي بالضبط
كل شي اسويه صح.. اطلع الكلكنس من الملابس وافصل الملابس البيض عن الملونة
وانظف مكان الصابون والكومفورت
وبالاخير يطلع وصخ بني .. جنه كلكنس متناثر على الملابس بس مصدي ويوصخ:krkrkr:

وتوني من يومين داقة على ورشة الغانم عشان يشوفون شنو علتها
شافها وقالي اذا تبين احنا ننظفها لج وناخذ 20 دينار بس حرام سويها في البيت
شغلي الغسالة من غير هدوم وبعد ماتتعبى فرغي فيها نص بطل (خل) وقالي هذا عشان يتحلل الوصخ ويروح من الغسالة
وكرري هالشيء 3 - 4 مرات حتى تتنظف عدل

وجربتها اليوم والحمدلله ماطلع منها شي:dddds:

 

[فرحه عمر]

والله نفس حالتي وشريت يديده ونفس المشكله
والقهررررر انه بس الدشاديش وتطلع مكان الرقبه والاكمام وطرافها وصخه ماتنظفت
قمت اغسل الاكمام والرقبه والاطراف بالايد وبعدها اقطعها بالغساله,,شهالشقى؟؟؟
بس القديمه قالولي من زمان ماتنظفت وغيرت الفلتر وللحين نفس المشكله مع اليديده

 

[توتاتوتا]

نفس المشكله السبب الفلتر بدلته و انحلت المشكله لكن ترجع و سبب ان الملابس موب كل مره نف الوصخ او مره بمكان و مره متوزع اذا حطيتي الملابس و الماي يصب فالمكان الي ينزل عليه الماي وصخ و اذا حطيتي الملابس بعد ما تعبى يكون الوصخ توزع و يسبب بهتان للبياض

اما عن انها تهري الملابس فعلا انا ملاحظه ان الاوتوماتك تهري اللبس و اذا اخترتي الدوره الصغيره ما تنظف ملابس عيالي ماركات و من امريكا تنهري و ملابس عيال حماتي من ابو دينار ونص تقعد عندها و تعطيها بعد و انا اتفشل من ملابس عيالي منهريه