غسالنج اوتوماتيك ساعديني وبدعيلج ملاابسي ماتنظف :(

[بنت اكابر]

مرحبااااااا









ابيكم تساعدوني شنو نوع الصابون اللي يصلح للغسالة الاوتوماتيك
لاني مليت الملابس ماتطلع نظيفة ذاك الزود
وريلي متنرفز من هالقصة مع اني جربت كل انواع الغسلات الرقمي والاقتصادي واللي مادري شنو كل الدقم جربتها اللي مكتوبه بالغسالة وهمن مااااكوو فايدة كلش

مع انها سامسونج شركتها زينة
وجربت صابون تايد
اومو
اريل


شنو استخدم لهاااا ؟

 

[عيون زوجها]

اولا مركبه فلتر والا لا ماي عادي
اذا مو مركبه حطي فلتر
ثانيا الماي لاتخلينه بارد سخني درجه الحراره شوي حطيها 50
وبس هذا اللي اعرفه والغسيل حده نظيف

 

[brbecan]

الصراحه انا اعاني نفس المشكله توني شاريه الغساله وما اعرف


يا ليت البنات يفيدونا
وبعد عندي سؤال في ثلاث اماكن واحد كومفورت ووواحد صابون والثالث شنو احد فيه؟؟؟؟؟
انا احط 2 صابون وواحد كومفورت

 

[<miss botamba>]

حطي فانيش

 

[Om JaSsOm]

احسن صابون حق الملابس أريل ما افكر استخدم غيره .ولازم معاه كومفورت المنعم السائل .. وانا ما استغنى عن فانيش مزيل البقع .. احطه على البقع واخليه 5 دقايق بعدين احطه بالغساله وتطلع الملابس جنها يديدة .. بس بشرط الملابس اللي فيها بقع لا تخلينها مده طويله غسليها على طول او ثاني يوم عشان تروح البقع بسرعه .. واذا البقع كانت صعبه ومارضت تروح قبل لا تغسلين الملابس حطي فانيش عليها وخلي 5 دقايق بعدين غسليه بإيدج لمن تروح البقع وحطيه بعدين بالغساله

باختصار كل غسله لازم .. صابون اريل + كومفورت + فانيش ( في حال وجود بقع )

أريل وكومفورت : داخل الغساله في المكان االمخصص للصابون
وفانيش : على الملابس مباشرة

 

[بيت التوت]

يااااااااااابنات العيب مو من الصابون او الفلتر

غسالات الفل اتوماتك فااااااااااشله واذا عندج ملابس حلوه حقج وحق ريلج او عيالج

حرام لاتخربينهم لان الوصخ ماراح يطلع ابد


مابقي صابون ماجربته مابقي طريقه ماجربتها

وكل يوم وثاني طاقه عباتي شلاله ورايحه لكترونيات الغانم أسئلهم عن السبب

وكل مره الموضفين ايقولو لي طريق غير للغسيل

ومرات ادق علي الشركه ايطرشون لي مهندس وهم ماكو فايده


بـــــالـــــــــــــنــــــــــــــــهــــــــــــــــايــــــــــــــــه


تدرين اشلون حلية مشكلتي اللي تمت معاي سبع اسنين




ركنتها علي جنب وشتريت غساله عاديه وملابسنا ماكو انظف منها عكس قبل اختربت ملابسنا


نصيحه ردوا للغسالات العاديه أنظف

 

[حصوص الكويتية]

انا صارلي مده اغسل فيها فعلا ماتنظف ذاك الزود يعنى الدشاديش احس انها ما انظفت مع انى احط كلوركس

بنات افيدونى جزاكم الله خيرا

 

[أم حمْود البطه]

احسن صابون للملابس ما استغي عنه اريل
بس الغساله الاوتامتيك نفسها احس ما تنظف عدل بالذات دشاديش زوجي البيض
مبقعين

 

[جارة القمر]

بنات


ضبطوا حرارة الماي


وركبوا فلتر



للماي


أنا صارلي 10 سنوات استخدمه


رووووووووووووووووعه



بس الصابون لا تستخدمون التايد


تري موزين للغسالة


أنا الدشاديش ما جربت اغسلهم فيه



بس باقي الملابس


أوكي

 

[الليدي المغتربه]

اولا مركبه فلتر والا لا ماي عادي
اذا مو مركبه حطي فلتر
ثانيا الماي لاتخلينه بارد سخني درجه الحراره شوي حطيها 50
وبس هذا اللي اعرفه والغسيل حده نظيف

كلام سليم

 

[ام عمار]

اغسلي الملابس البيضاء لحالها وحطيها على درجة حرارة عالية وحطي كلوركس

والفواتح لحالها وخليها على درجة حرارة 50 او 60

والغوامق لحالها وعلى درجة حرارة منخفضة

وركبي فلتر للمية

ولو في بقع للملابس حطي عليها فانيش او شاوت

 

[(( قمر ))]

حبيبتي في صابون تايد سائل مو حبوب تحصلينه بمركز سلطان تحطينه بالمكان رقم 1 و كلوركس او فانيش بالمكان رقم 2 و كومفرت بالمكان رقم 3

و لا تخلين الغساله متروسه ملابس يعني نص و نص..