غسول طبيعي للمنطقه الحساسة انصحوني فيه 3 دكاتره بالسلام او د. ناهدة العلي

[الدوريف]

والله شجعتونا نستخدمه لانه اعتقد ينفع للغير متزوجه(البنت) مادام يستخدمونه الاطفال

 

[sunshine]

اي صاجة هالغسول عجييييييييييييييييييييب بمعنى الكلمة وانا ما استغني عنه لانه طبيعي حتى حمواتي كلهم صاروا يستخدمونه عقب ما مدحته لهم:eh_s(6):

يعطيج العافية عالمشاركة والموضوع لحلو:eh_s(17):

 

[b7oor]

تسلمين يا الغاليه على الموضوع وعسى الله يخليلج ولدج :eh_s(17): :eh_s(17):

 

[أم الحلوة جمان]

صاجة والله هالغسول يهبل و مطهر طبيعي وانا ما استغنى عنه و حتى بنتي ( 3سنين) مرة صار فيها التهاب و فطريات عاد الدكتورة ريم قنواتي وصفته لي حق بنتي و قالت لي هذا على طول تغسل منه أو تتقع فيه لمدة 5 دقايق عالاقل مرة في اليوم علشان ماتحوشها الفطريات و حتى لما طهرت ولدي عطوني اياه .

 

[بنت رجــــآل]

الله يعطيك الف عافيه ..
والله يوفقك ويصلح لك عيالك ..
يارب

 

[bedour18]

حلو هالغسول ، وصفته لي الدكتورة في المواساه عقب ولادتي الثانية
و استخدمه غسول لكامل الجسم

بس بنات دكتورتي نبهتني ، ترى هذا غسول خارجي مو داخلي للمنطقه الحساسة!!!!!(ديروا بالكم)

 

[brettey]

مشكوره عسى الله يحقق لج الي في بالج

 

[بنت الحزن]

مشكوره حبيبتي و الله لا يحرمنا منج

 

[قلب راشد]

جزااج الله خير ع النصيحه وعسى الله يصلح لج ولدج

 

[أم حيدر]

عطوا حق وليدي يوم طهرت

الحين انا باخذه

 

[اااصداف]

يعطيج العافيه يا قمه النعومه والانوثه <<<<<<<< عجيب الاسم تححفه

انزين ابي اسال انتي تغسلين عادي ولا تنقعين نفسج فيه ابي افهم لاني يوم كنت حامل بولدي كنت استهمل غسول ستيلا يوم قلت للدكتور زفنيي وخرعني لدرجه خفت يصير بولدي شيء بس الحمدالله ما صار شيء
ومشكوووووووووووووووووره

 

[om el7elwen]

صج وايد زين هلغسول عجيب انا ما استغنى عنه والله يخي لج ولدج ويصلح حالج دنيا واخرة يارب

 

[ghalaty]

شكرااا على الافاده اليوم نروح نشتريه ونجربه

 

[قمه النعومه و الأنوثه]

الله يحفظلج ولدج من كل شر ويخليه لج

ويصلح حالج دنيا واخره

مشكوووره على الغسوول

:eh_s(17): الله يسلمج ان شاء الله.. والعفو حبيبتي, مشكوره على الدعوه ولك مثل ذلك ان شاء الله:eh_s(17):​

 

[رومانسيه وحنونه]

أختى قمة النعومه والأنوثه الله يرضى عليج دنيا وأخره على هالموضوع

لأنى بصراحه أنا وحده من زمان بخاطرى أستخدم غسول للمنطقه الحساسه

مع أنى الحمدالله ماأعانى من أى ألتهاباات ولا شى بس من باب النظافه

وماكنت عارفه شنو الغسول المناسب وألحين انتى ماقصرتى بس أبيج

تقولين لى جم مره أستخدمه وشلون أستخدمه بالضبط والله يخليلج ولدج

ويباااااااارك لج فيه وتفرحين فيه أنشالله قولى أميييييييييييين

 

[احلى جيكرة]

ماقصرتي والله يصلح حالج وحالنا يارب ويحفظ عيالنا وعيال المسلمين

 

[*دبدوووبه*]

وااااايد عجيب هالغسووول
حتى ناهده العلي قالت لي عنه قبل شهرين
وصج صج عجييب
حتى مودايما تحصلونه بالصيدليات لان بسررعه يخلص

يسلموووو

 

[قمه النعومه و الأنوثه]

اي صاجة هالغسول عجييييييييييييييييييييب بمعنى الكلمة وانا ما استغني عنه لانه طبيعي حتى حمواتي كلهم صاروا يستخدمونه عقب ما مدحته لهم:eh_s(6):

يعطيج العافية عالمشاركة والموضوع لحلو:eh_s(17):

والله وانا اهلي كلهم كيفوا عليه واستانسوا منه الله يسلمج وصج الشي الزين الواحد ينصح الناس فيه عشان يستيفيدون منه وانا اللي عجبني فيه انه طبيعي وينظف حده:eh_s(15): العفو حبيبتي تسلمين يارب:eh_s(22):​

 

[قمه النعومه و الأنوثه]

تسلمين يا الغاليه على الموضوع وعسى الله يخليلج ولدج :eh_s(17): :eh_s(17):

الله يسلمج يا رب ..العفو اختي ولج مثل ذلك ان شاء الله واحسن يا رب..:eh_s(17):​

 

[قمه النعومه و الأنوثه]

صاجة والله هالغسول يهبل و مطهر طبيعي وانا ما استغنى عنه و حتى بنتي ( 3سنين) مرة صار فيها التهاب و فطريات عاد الدكتورة ريم قنواتي وصفته لي حق بنتي و قالت لي هذا على طول تغسل منه أو تتقع فيه لمدة 5 دقايق عالاقل مرة في اليوم علشان ماتحوشها الفطريات و حتى لما طهرت ولدي عطوني اياه .

اي والله,انا جذيه اوصفته لي د. ناهدة العلي من كنت حامل ولما ولدت اوصفوه حق ولدي من اهو ايام حتى وقت طهوره قالولي احط باديه ماي واحط هالمستحظر جم نقطه بالماي واغسل ولدي..وسويتله عمليه من قبل طلعله صار معاه ناسور اسم الله على عيالكم وعيال المسلمين واهو يطلع جذيه من الله وساعات يهال ينولدون فيه يحتاج جراحه والحمد لله تشافا والدكاتره كلهم اللي بالمستشفى اجمعوا على هالغسول وانه زييين حق العمليات و وحده من اهلي صار معاها بواسير مسكينه قالتلها الدكتوره بعد العمليه تتنقع فيه والله وايد زين ودي استخدمه حق جسمي كله ليش اهو body wash بعد.​