غسول كربونات الصوديوم ،، شسالفته

[zozowat]

هاااي بناات

اليوم رحت راجعت امراض نسا تعبت من عياده دكتورتي لانها على طول تبي تسوي سونار داخلي مالها خلق شي لانه مبيض اليسار ذاابحني من العوار

المهم رحت وعطتني الدكتوره غسول كربونات الصوديوم قالتلي استخدميه قبل الجماع

مادري ليش عطتني !! شسالفته !! شلون استخدمه ومتى !! حق برا و لا داخل ؟؟

 

[الكادي 2011]

انتي تريدين تحديد جنس اذا تحديد من داخل

 

[zozowat]

انا مايبت لها طاري تحديد جنس وله حمال وله شي

قلتلها مبيض اليسار يعورني

عطتني هذا الغسول انا مو فاهمه شالسالفه

 

[مواصله]

والله مادري بس اللي اعرفه يوصفونه للي تبي الولد

 

[zozowat]

غريبه ليش معطتني انا مو حامل اصلا !!

انزين شلون استخدمه اهو بودر

 

[قلق وازعاج]

هذا يساعد ع الحماااااااااااااااااااااااال استخدميه كثير استخدموه وحملو

 

[zozowat]

مشكووره حبيبتي على مرورج بس شلون استخدمه؟؟

 

[om-s3oodi]

مبيضج اليسار يعورج ..؟!

أتصدقين حتى آنا .. مادري شسالفتي !!

أذكر أول ما تزوجت رحت حق دكتورة مو صاحية الحمدلله و الشكر .. وكانت دورتي متخربطة .. وعطتني كلوميد ! قالت لي ينظم الدورة ويساعد عالحمال !

من عقبها وآنا مبيضي اليسار يعورني .. إتيينيي نغزاات داااايماً ..

ورحت حق د . سكينة .. وقلت لها إيعورني دايماً .. أتقولي ممكن تبويض !!

شهالتبويض اللي طول الشهر ..؟ حشى فيلة لووول

عاد غريبة هالغسول حق شنو ..؟!

بسوي عنه سيرج .. وإن حصلت شي مفيد بـ قولج !

 

[الكادي 2011]

اني دكتوره منعتني منه فقط من الخارج ممكن تقول تقتل البكتريا المفيده داخل المهبل عطتني غسول وراء الجماع الستخدمه وبيكفي اذا اريد بيكاربونات بشرط من برا تشطيف

 

[zozowat]

ام سعووودي والله نفسي بالضبطط نغزااااااااااااااااااااااااااات نغزااات واااايد مادري شسالفه قالولي انا بعد تبويض الحمدلله والشكر

 

[om-s3oodi]

ام سعووودي والله نفسي بالضبطط نغزااااااااااااااااااااااااااات نغزااات واااايد مادري شسالفه قالولي انا بعد تبويض الحمدلله والشكر

بييييييه

تبويض طول الشهر ..؟!

جان حملنا عيل !

لووول

سويت سيرج .. طلع لـ تحديد نوع الجنين .. اللي تبي ولد تآخذه !

شكو معطينج إياه ..؟!

در بالج تآخذين أي شي ..

الشهر اللي طاف دورتي جدّمت عليّ حيل .. رحت د. سكينة رفعتها لي .. قلت لها بنظ الدورة جان أتقول أوكي .. يوم تنزل الدورة الشهر الياي تعالي .. رحت سويت تحاليل .. جان أتقولي همن أخذي بعد حبوب ترفع الدورة مدرة 10 أيام .. تالي تنزل الدورة ..

آنا تنحت !

نعم ..؟!

جان ما آخذهم .. و الحمدلله نزلت دورتي بموعدها ..

آنا من كثر ما قريت من تجارب البنات . حسيت أنه فيه وايد دكاترة مو صاحيين ..

فـ نصيحة .. روحي طبيبة ثانية .. جوفي المشكلة ..

آنا بستخدم الأعشاب و جي هالشهر .. إن ما نفع بروح طبيبة ثانية ..

و ربج كريم إن شاء الله :eh_s(7):

 

[zozowat]

اي والله الحمدلله والشكر اكو دكاتره خلينا ساكتييين

انا بلشت اعشاب هالشهر انا ٧ يوم دوره ومستمره عالاعشاب من ثاني يوم

ومن باجر ببلش انا وريلي عسل مع لقاح النخيل وغذا الملكات على الريج

وانشالله انا وياااج حمل هالشهر قولي انشالله* والبنات كلهم يارب