غسيل الدشاديش

[lolo-cat]

ممكن تساعدوني ... انا ما عندي خبرة في غسيل الدشاديش .... وزوجي نوعة وايد يدقق على النظافة .... مشكلتي اني حاولت اغسلهم لكن مافي فايدة في السواد اللي على اطراف الدشداشة و البقع ما يروح .... جربت فانيش ... جربت انقعهم مافي فايدة ​

 

[ام غلا اخت سعود]

اغسليهم بصابون لوكس

اغسلي البقع كللها بيدج وبعدين حطيه بالغساله

وادعيلي...:friends:

 

[ام الحبيب]

معقول اختى صابون لوكس يعنى ادعك الصابونه بالدشداشه

 

[مــريــومــه]

طيب عيوني
جربي تايد مع كلوركس
ممتاااز جداااا

 

[انا مو هني]

ولا مرا بحياتي غسلت
ان شالله بعدين

 

[أساور]

الدشاديش دايما بالمصبغة بس جربي صابون الوزير وفركي بايدنج

 

[فطومه]

والله انا نفسج ريلى ميننى على الغتر والدشاديش مايتحمل اى نقطه فى الدشداشه الا وعصب

يالله خل نستفيد

 

[F.A]

أختى نفس ما قالت اختى أساور صابون الوزير
وحاولى اتنقعين الدشاديش بصابون فانيش ساعتين بعدين غسليه يفرق ان شاء الله معاج

 

[bnt_kwt]

ومنكم نستفيد معلومه صابون لوكس اعجبتني بجربها

انا عن نفسي اغسلهم بصابون بونكس + فانيش
والحمدلله كل ملابسه البيضه نضيفه وناصعه البياض

 

[مروقه على الكوفي]

ماشاءالله استفدت منكم وعقبال ماتزوج واغسل ثياب زوجي

 

[نونا**]

استخدمي النيل الازرق وشوفي البياض بس دوري طريقة استخدامه بالنت لانه ممكن تكون النتيجه عكسيه معاج

 

[MSS.AJQ8]

متى اتزوج مشتهيه اغسل دشاااديش :eh_s(2)::eh_s(2)::eh_s(2)::eh_s(2)::eh_s(2)::eh_s(2):


بس اتوقع صابون لوكس يفيد امي تستخدمه مرات وفي اشياء بالجمعيه خاصه للدشاديش تفيد بالتنقيع

موفقه حبيبه

 

[الفراشة_البيضاء]

ومنكم نستفيد معلومه صابون لوكس اعجبتني بجربها

انا عن نفسي اغسلهم بصابون بونكس + فانيش
والحمدلله كل ملابسه البيضه نضيفه وناصعه البياض

حتى انا استانس على صابون (بونكس) يخلي الابيض أبيض من قلب
واهم شي تخلين الماي اللي بالغساله حار درجة حرارته (90) وادعيلي . منو لها خلق تغسل بايدينها

 

[العاطفية]

حبي نقعي الدشاديش بماي حار مع فانش ليلة كاملة وثاني يوم غسليهم ولا تنسين بآخر غسلة حطي كومفرت الرومانسي ويا عيني عالريحة..ولي بغيتي تتميزين عند ريلج سويهم اوتي باوتي البخار بس مع الماي حطي عطر الملابس وسويهم اوتي طريقة سريعة وسهلة وآمنة وبالتوفييييييييييييييييييييييييييييييق

 

[بنوووته21]

حبيبتي انه كنت نفس مشكلتج وسالت بنات المنتدى وقالولي عن صابون لوكس واستغرب وقلت خل اجرب وصج طلع كلااامهم صح ميه بالميه اغسلهم بايدي وبعدهااا بالغساله وكل السواد اللي باطراف الدشداشه ترووووووح

 

[دانة من البحرين]

معقول اختى صابون لوكس يعنى ادعك الصابونه بالدشداشه

وانتي معقوووول توج تدرين انو صابون لوكس تقريبا يشيل البقع المستعصية بالدعك طبعا جربي وادعلي لنا قبل لا تغلسين الدشاديش دائما دغي البقع والسود بصابون لوكس وبعدها حطيهم بالغسالة وشوفي الفرق

 

[روحها لكويت]

أول مره أسمع عن صابون اللوكس للبقع انا أغسل كل الهدوم بصابون العملاق الجل الأخضر يخلي الهدوم روعه وريحة نظافه مو طبيعيه

جربوها تدمنون الغسل

تحياتي

 

[مسك الغرام]

حتى انا تعبت من الدشاديش الصفره...

 

[اضوى]

لوكس حلو للغسيل

 

[^DanaH^]

لااااااااااااا تغسلين الملابس البيضه بكلوركس يصوفرون مع الوقت !!!!

ومشكورن على نصيحة اللوكس