غسيل الغتر

[فرنسا]

بنات انا وايد احوس واجرب اشياء للملابس البيضة والغتر بس الى الان ما طحت على شي يبرد الجبد ويخلي الملابس تلق لق
جربت فانش للملابس البضة وبرسيل وكراون الازرق واريال بس كلهم نتيجتهم عادية
الله يعافيكم فيدوني لان زوجي يبي غترة بيييييييييييييييضة

 

[فرنسا]

اشدعوه ........كلكم ماتعرفون ....................ما اعتقد!!!!!!!!!

 

[الذاهبه]

انا اعلمج

هالطريقه ماخذتها من جدتى من سنين وامشي عليها
كل 3 اسابيع تقريبا
اخذى كل غتر زوجج والطاقيه وفوحى لج جدر ماى حار وحطى فيه اومو او اريال صابونج انا عن نفسي اومو وحطى شويه كراون وحوسيه بالملاس لحد مايفوح الجدر وسكريه
بعدين حطى كل الغتر والقحافي ونقعيه ليبكره
واغسليه غسيل عادى يطلع كل الصفار اللى بالغتر
انا عندى جدر خاص لفوح الملابس

 

[سبوكه]

ما يصير لونه ازرق وايد

 

[الافنيوز]

مالا داعى نغلى الماى

الحين الله وكيلج الماى الحار مفيوح وخالص

مثل ماقالت الاخت بين وفتره وفتره تنقعين الغتر

فى طشت ماى حار بس اول حطى الصابون وخلطيه مع

قليل من السائل الازرق وخليهم اكثر من ساعه يااتغسلونهم باليد

او اتحطينهم بالغساله براحتج بس الهدوم البيض لازم يتنقعون حبيبتى

 

[م فطومه]

هذي مشكلتي ان ملابسةة تصير مصوفرة اما ملابسي البيضة لا


جربت الجويت السائل ماكو فايدة

 

[غير كل الناس]

نفس طريقه الذاهبه

 

[F.A]

مشكورين

 

[سكر عسل كراميل]

مشكورين على الافكار الحلوه

 

[بعثرة محبره]

الناس يمدحون الخل بس ماجربته

 

[زوجة الغالي]

تدرون أن الغتره مايغسلونه بالماي الحار ليش؟؟

لأن خامه الغتر أو الشماغ راح يذبل مع الايام وخاصه الغتر اصليه ..
بعطيكم طريقتي بالغسيل وهذا بوعيالي معلمني عليه :

أخذوا الغترة الوسخه ونقعوها في ماي بارد العادي من الحنفيه، بعد ساعه من التنقيع وفي نفس الوقت أخذي صابون اريال وغسليه باليد ونشفيه وعصريه زين مازين بيدج وبعدها روحي أخذي علاق الملابس وعلقي الغتره فيه ونص ساعه بس حطيه بالشمس أو ساعه .
لاتحطين الغتره بالغساله!ليش؟
لأن قماش الغتره حساس شوي ويذبل بسرعه فايذا حطيتيه بالغساله راح تخترب الغتره وهي تدور وتدور بالغساله تتملح بالصابون وتذبل الغتره بسرعه.
ف ابو الشباب بارك الله فيه علمني من أول ماخذاني وألى اليوم وآنه اسوي مثل ماقال لي.
هاي فكرتي وطريقتي بغسيل الغتره.....

 

[مغيب الشمس]

والله الغتر وبعض الدشاديش الشتويه بالمصبغه فكههههههههههههههههههههههههههههه

 

[أمانيQ8]

صج الغتر مايتحملون الماي الحار وكاتبين لكم بالعلبه الارشادات
انا اخذ الماي من الفلتر ....واحط كلوركس هذا على ملابسه البيضه وانقعهم ووثاني يوم هم ارجع اغسلهم واحد كلوركس بعد
الغتر والله كله مصبغه لان حرام غاليين يشتريهم مو مال بيت ابد وانا ما اعرف لهم بصراحه حتى في مصبغه اتشيل الصفار من الغتر

 

[أسمكي]

وانا رايي من راي اماني
المصبغة يعرفون حق الغتر احسن

 

[فروحة الكويتية]

المصبغة احسن

 

[al-zabarjad]

وآنا بعد ويااكم

أحسن شي المصبغة
وياخون منج 200 فلس على الغترة ولا العبااالة

 

[r0o0oz]

انا طريقتي مثل طريقة زوجة الغالي

 

[Doodoo.star]

شوفي يا أخت فرنسا معني أحب لندن أكثر استعملي جيوي (( زهرة الغسيل))) هذا الي لونه أزرق واتبعي التعليمات الي على العلبة

 

[صباح الخيرفي كل الأوقات]

حبيبتي ماكو غير المصبغه
وفكي عمرج