غلط اني اعيش من غير طموح!!!!

[*الهنوف*]

موضوعي بسيط
غلط اني اعيش بدون طموح؟
هل لازم يكون عندي هدف ؟

زين انا اسمع دايم طموحي وهدفي واحس ودي اصير نفس هالناس بس اجذب علي عمري ليش
انا اللي اطلبه اعيش حياة كريمه وهاديه بدون هموم .....هل هذا ممكن يكون طموح او هدف

صج ودي اكون بمركز احسن وودي اسوي مشروع خاص فيني وانمي موهبتي
بس انا مو لي هالدرجه متعلقه بهالشغلتين

غلط جذي

 

[نهى الأحمد]

هلا حبيبتي

شخبارج


حلو انه الانسان يكون عنده طموح وهدف في حياته
ويسعى ويجتهد حتى يتحقق طموحه وهدفه


لازم ياقلبي يكون لج هدف في حياتج

والهدف ما يختلف وايد عن الطموح

وكلهم يحتاجون منا التعب والجهد

انج تعيشين حياة كريمة هذا يعتبر هدف :eh_s(15):

والطموح اكيد تطمحين مثلا تكملين دراستج صح؟ :eh_s(15):

 

[FREEWOMAN]

السلام عليكم

سؤال كان بقلبي من زمان جنج تدرين والله ... اذا عاش الانسان بدون طموح هل هذا غلط :bbbiu:

وبالاساس شلون احدد الهدف؟ واذا وصلت الى الهدف هذا شنو بعدين؟

يعني وحده كملت دراستها وخذت الي تبيه بعمر خلينا نقول 30 وبعدين؟ تعيش الباقي بدون هدف؟

أسئله كانت عندي واااااايد ما لقيت لها اجابه ... ما اتفق معاج ومع اختي نهى الأحمد

لما قالت انه العيشه الكريمه هي هدف بس انا اشوفها مطلب اساسي للحياه ومو هدف

يمكن كان قصدها بالحياه الكريمه هي الوظيفه الزينه والراتب العالي ... مادري :bbbiu:

لكن ... لكن انا في رايي الطموح هو الارتقاء بالمستوى الى حال افضل وكل ما وصلت للافضل

تطمح للافضل منه ... وهذا يكون على كل المستويات منها الدراسه والوظيفه واي شي ثاني يخطر على

بالج ... انا هذا رايي وتقبلي مروري :eh_s(8):

 

[خفايا انسان]

على قولتج .. موضوعي بسييط ......والحياة ابســط ..
الحياة يــ *الهنوووووف *
ما تستحق التفكييير لانها ..
.. ابسط ..ابسط بكثييير ..
ما فيه حاجه للتفكيير دامج تصلين الخمس واحبابك بخييير

 

[بنت العقربيه]

هو غلط من وجهه الناس والمجتمع لكن الي ماعندة طموح بيحس انة في فراغ في هالحياة وبتصير الحياة بدون طعم ولون وبدون لذة ومو شرط ان الوظيفه هي الطموح لكن على الاقل تمسكي بحلم حلمتية وانتي صغيرة وتتمنين انة يتحقق على الاقل هاذا الشي بيخلي حياتك مليانة امل وتفاؤل وخليك متفائلة هاذا اهم شي
الا اذا كانوا الي حولينك شايفين انك غير طموحة وانتي تعبتي نفسيا منهم وودك
تثبتين لهم عكس ماترغبين هاذا شي ثاني

 

[Angel-Lady]

موضوعج طويل و حلو و هادف :] فلي رجعه ان شالله بس بسال جم سؤال

من اول ما دخلنا المدرسه اول سؤال باي كتاب دين لماذاخلق الله تعالى الانسان على الارض؟
لعبادته و عمارة الارض :]

انتي حافظه القران بالكامل؟ او حاطه في بالج انج اتصومين يوم الاثنين و الخميس؟
لما تخططين عشان ترضين ربج هذا يعتبر هدف بالحياة :] بس انتي مو عارفه طريقة وضوع الاهداف الصحيحه

اتفكرين اتقوين علاقة الاجتماعية ؟ مخططه تقرين كتاب معين عشان تربية ابناء و العلاقات الاسرية؟ و لما اتقولين ابي حياة كريمه هادية بدون هموم ما اتلاحظين هذا هدف بس تحتاجين اترتبينه و تفصلينه و اتصورينه لنفسج بشكل افضل؟ :]

باختصار

كلنا عندنت هدف اساسي بالحياة لكن علينا نعرف اشلون نخطط له :] بفصل اكثر بعدين ^^

 

[روح مغليهاM]

وااي انا ماعندي طموووووووووح ليش ماادري
حتى لو افكر ابسوي شي بالي ماااافيه
الدراسه ومااحبها والدوام لالا مااتحمل
اهم شي انام وانبسط واكل والبس احلى لبس واطلع واسااافر بس غير كذا ماعندي ادري غلط بس بجد بجد مافيه شي بالي حتى لو جلست افكر بطموووح ماعندي شي لوووووووووووووووول حدي فاااشله

بس ان شاءالله اكون داعيه ي رب امل بربي كبييييير اني اهتدي

 

[لغزالمشاعر]

بجد الهنوف موضوعك رائع وقبل كم ساعه كنت انا واختي نتكلم بنفس الموضوع
موضوع كبير يبيله وقت
لي رجعه ان شاء الله

 

[mf6nt el3lat]

اي صح آنتي نفسي ،

اكبر آمالي وطموحي آعيش حياة هاديه ومستقره بين آهلي وناسي ، وانا آحب افييييد الناس واساعدهم واعطف عليهم ودي اصير دكتوره نفسيه ولا اشتغل يلجان خيريه ، ان شاء الله يتحقق حلمي

 

[Angel-Lady]

باك ^^

بالنسبة لسؤالج

حبيبتي باسئله مثل هذي بمنتدى ماكو صح او غلط و لا المفروض امشي بكلام فلانه او لا لان في النهاية انتي ما راح اتعرفين مستوى الثقافي و لا الفكري للشخص الي يرد

الاجوبة ماهي الا افكار و اراء حتى تفتح مداركج لاشياء انتي ممكن اتكونين غافله عنها... فالاجابة نصيحه و انتي فكري فيها :]

بشكل عام اتشوفين الناس تخطط لان كلنا عندنا احلام و طموح و اهداف :] لكن هل التخطيط صحيح و يوصلهم للي يبونه و لا لا؟ اهني تختلف كل واحد و نظرته و طبعا التخطيط المريء و المكتوب افضل و ادق من المرسوم بالعقل فقط

بالنسبة للهدف الي تكلمتي عنه : حياة كريمه و بلا هموم

اكيد هدف ليش لا :] لكن في نقطه مهمه و اهي ان الهدف لازم يكون محدد واضح و يمكن ان يتحقق

هل الهدف هذا واضح؟ لا لانج شملتي عدة جوانب و حطيتيها بهدف واحد

عندج الجانب الروحي - الجانب الصحي - الجانب الاجتماعي - جانب ترفيهي ... الخ و كلها جمعتيها بهذا الهدف :]

الي قاعده تتكلمين عنه اهو خطه و عليج تقسيمها على اهداف

الجانب الروحي
1 حفظ .... اجزاء من القران خلال ....
2 كفالة يتيمين هذا الشهر
3 اروح عمره خلال هذا الشهر

الجانب الصحي
1 مراجعة الدكتور لعمل نظام غذائي صحي
2 اشتراك في نادي
3 مشي كل يوم نصف ساعه

و كملي انتي بهذي الطريقه :] ... ليش افضل تكتبين من انج بس اتحطينهم في بالج؟

بالكتابة و لما اتحطينهم جدامج على طول يكون اسهل لج اتعرفين شنو الي اتسوينه يعني تنظيم حياة و افكار :]

راح يغير نفسيتج و يخليج اتحسين ان عندج اشياء مفيده اتسوينها و تتحمسين لها

و فيه جمله وايد يقولنها اذا ما حددتي اهدافج بتكونين ضمن اهداف الاخرين :]

موضوع الاهداف ما هو صعب و لا طويل مثل ما الناس تتخيل، الناس تقعد بالساعات اتشوف مسلسلات و افلام و لا طلعات بالسوق ... و كتابة اهداف بتاخذ مجهود كباقي الامور لكن لها فايده و متعه بنفس الوقت :] اهم شي كتابته و توضيحه :]

هذا حسب الي اشوفه عن الاهداف و التخطيط بشكل مختصر جدا جدا و الافضل تبحثين و تقرين بهذا الموضوع حتى تستفدين :]

ان شالله افدتج بالموضوع و بالتوفيق ^^
*

 

[*الهنوف*]

كلامكم حلو
وتفاعلكم احلا


اناعندي اهداف اوبالاصح احلام او اماني بس احس لو ماحققها مونهاية الدنيا
يمكن لاني قنوعه

 

[Angel-Lady]

:]

بخصوص ردي هذا ما هو الا توضيح امر متعارف و متواجد بين الناس :]

الا و هو تغيير المسميات عندهم حتى تتناسب و ترضى شخصهم او غرورهم أو ان تسمع ما اتحب من الناس حولها من دون ما تبحث و تتاكد

و ياما سمعنا مثقفين و كتاب و مفكرين و ناس كبار يقولون أمة أقرأ لا تقرأ بكل أسف :]

بالنسبة للقناعة ... شنو تعريفكم القناعة ؟ و اتمنى ان ما يكون الرد رد مرحلة الابتدائية و المتوسطة لان اولا احنا كلنا مسلمين و نعرف هذا الشي و ثانيا موضوعنا اكبر من هذي المرحلة :]

يقول المفكر الاسلامي الدكتور طارق سويدان

القناعة هي معنى قلبي .. المعني القلبي الي نعرفها كلنا من رضى بالقضاء و القدر و القسمة و النصيب و الامور التي تؤدي الى اطمئنان النفس بان الامور بيد الله سبحانه و تعالى ... نكمل

القناعه هي معنى قلبي يحركنا نحو الطموح ... ليش هناك درجات في الجنه اعظمها الفردوس ؟ ليش ندعو الله تعالى الفردوس ؟ لماذا جعل الله سبحانه و تعالى الناس درجات و فضل العلماء ؟

ليش الناس دايما في ارتقاء سواء في الناحية التعلمية و لا الصحية و غيرها و انشوف الاخترعات و الاكتشافات و لا يتوقف عند حد معين ... هل هذا طمع؟ طبعا لأ لان الالقناعه و الطمع لا يجتمعان

فتعريف القناعه ما هو الا معنى قلبي يحركنا نحو الطموح ، يرفض ان يكون الطمع معه :]

هل يمكن للانسان ان يعيش بدون طموح ، يستطيع لكنه جعل نفسه قيد قناعاته السلبية كما جعلها شماعه للفشل و الخوف من الطموح نحو الافضل والإنسان المتوكل على الله يستطيع التخلص منها بسهول :]

ممكن اتقولين كسل، روتين الحياة او ما في همه لكن ما يصير انقول قناعه :]

فالانسان الناجح و المبدع من دون قناعه قام بحفر قبره بنفسه و انهاء مسيرة نجاحه بيده

على االاقل لازم اتكون هناك مسيره او خطه حياتيه عشان صار قناعه لكن قناعه من نقطة صفر ^^" ؟!

سؤال هذا الموضوع ما انوجد الا بسبب عدم رضى او قناعه لملاحظة وجود ناس تتحرك و تنطلق نحو الافضل :]

 

[اشلون يعني &]

موضوعج حلووووووو
هدفي الاجتماعي
زياره المرضى وكبار السن
هدفي الاجتماعي مع الناس
شعار الكلمة الطيبة صدقه
وتبسمك بوجه اخيك صدقة
هدفي الاجتماعي. السكوت من ذهب

هدفي العملي. تطوير نفسي بالعمل فانا استحق. المرام العليا

 

[~ بنت الهدى ~]

انا ساعات احس ماعندي طموح

السنين تررركض و انا ماسويت شي ابي ادرس اشتغل اي شي يفيدنيي بحياتي

ابي حياة هاديه سعيده مافيها مشااكل و مرتاااحه و اصير ام و افتح حسينيه في بيتي

و انا صغيره كنت ابي اصير دكتوره او ابله .. ولما كببرت حتى الجامعه مادخلتها خخخخ حاولت بس القدر

ان شاء الله السنه الجايه بدرس

,مادرس ولا اشتغل و مو متزوجه ولاااشي احس حياتي فاضيه ملل

 

[* ليــــدي *]

عادي

 

[~ بنت الهدى ~]

احسنتِ اختي عصير الليمون

 

[PuPa^^SWeeT]

كلنا لنا اماني و طموحات تختلف باختلاف خلفياتنا الاجتماعية و وظائفنا و ظروفنا المادية و المعنوية و العادات والتقاليد و مدى تمسكنا فيها


حلوو الانسان يطمح للامور الصعبة المنال

لكن مع طمووحه البعييد و الصعب قد يجد بعض العراقيل و المشاكل و الالتباسات و الاحتكاكات مع الاهل و المجتمع

قبل ان يطمح الانسان عليه بدراسة طموحه جيدا


مثلا بنت تطمح لان تكون كابتن طائرة لكن ابويها يحرمانها من القيادة بالسيارة لربع ساعة ؟؟؟؟

هذا طموح غير منطقي


لكن طالبة مجتهدة و تامل بدراسة الطب بالجامعة لا باس بهذا الطموح


لكن دراسة الطب بلندن و اهلها معارضون ؟؟



قبل الحلم و التمني و الطموح

علنا ان نضع نصب اعيننا ما سنلاقيه بوجه عام و خاص من مصاعب

وهل نحن نقدر ان نتجاوزها بحيث يفخر الاخرين بتحقيق طموحنا ام لا




الطموح شيء جميل يجعلنا نحلق في سماء هذه الدنيا مفتخرين بما حققناه


لكن لا نريد ان تعقص الظروف جناحينا بنهوي للارض بعنف لنجمع شتات ضياعنا





انا مع الطموح لكن بعقلانية و قوة بصييرة

 

[هاديه وايد]

موضوعج حلو وايد

والهدف و الطموح وجهان لعمله واحده الاول يكمل الثاني

عشان يكون لج طموح توصلين لي مرتبه معينه بالمحيط اللي تعيشنه يشترط ان يكون هناك هدف تسعين له جاهده وتعلمين ليل ونهار عشان توصلينه له ولازم الوصول له يكون بتأني عزيزتي

الطموح اكيد بعد الدراسه واستلام الشهاده انا بعد فا تشوفين شنو تحبين من هوايات وتنمينه اكثر واكثر وتشتغلين عليها عقب تقدرين تستغلينه بمهنه خاصه لج وتطمحين من خلالها انج توصلين لكل الناس وتعلمينهم بموهبتج
نااخذ مثال

مثل المصورات و هالشي وايد نشوفه تلقينهم هذا هدفهم ويبون يوصلون لي اعلى شي بحيث ان يكون لهم اسم و يوصلون للقمه ويحافظون على اسمهم فا يبدون يفكرون ويكون طموحهم الاول والاخير لابراز مواهبهم بالمجتمع

انا عن نفسي بقول هدفي كان بالحياه لمن كبرت وو عيت بالمتوسط يعني ان اولا اشكر ربي على نعمه و اصلي واادي كل ما امرنا الله به بحب وبحب والحمدالله وثانيا ارضاء والدي والدتي الغالين خواتي واخوي والمحيط وزميلاتي واسعد كذلك مدرساتي

من بعدها هدفي كان ان اخذ شهادتي واحصل على اعلى الدرجات والحمدالله على نعم ربي كنت متفوقه ماشالله .. بس للاسف بالثانويه توقفت عن الدراسه بسبب اعاقتي الصم ما قدرت اكمل كنت ضايعه و انعزلت عن المجتمع و قمت ابجي وصراحه كرهت نفسي ايامها كانت 3 ثانوي تكسرت كل اهدافي وطموحاتي كان حلمي اني اتخصص بالجامعه واعيش مثل البنات الحياه الجامعيه واتخصص بالاقتصاد واكمل دراسات عليا وادرس بالجامعه لكن كل هذا ما حصل لكن الحمدالله لك ياربي

بعدها يتني فتره انعزال عن المجتمع سنه تقريبا حتى بالاعياد ماكنت احب اطلع كنت كله بروحي ومتضايقه حيل بعدين مره من المرات رحت مع الوالد معرض الكتاب وشريتلي كتب شكثر وقطيتهم و عقب رحت فجيت الكبت وقلت خل اقرا شريت وقريت كتاب حق كاتب انجليزي مترجم للعربيه اسم الكتاب عيش حياتك وقريت ومن بعد هالكتاب قمت اسوي سيرج على النت و قمت ابحث وابحث عن كل الامور اللي تهم هالفئه وعقب رحت النادي وتعلمت اللغه و حاليا انا ادرس بالنادي للصم والبكم و صار عندي شهادات بمجال الكمبيوتر من خلال دورات التحقت فيها و علمت ودرست بالنادي وربي لك الحمد و صار شي بحياتي يشبه اللي كنت اطمح له اني ادرس وتحقق حلمي و صار عندي بزنسس خاص فيني عن طريق الانترنت والتصميم وقمت ما احك راسي من الشغل وهالشي يووونس ترا وصار عندي صديقات من نفس فئتي وناس اسوياء ومدراء مشاريع والحمدالله وتزوجت توني من نفس فئتي الصم والبكم وعايشين نرضي ربنا


واسفه عالاطاله بالموضوع عن جد اعذريني :$

 

[قهوة]

الزواج والبيت والأولاد عمل ممكن تحققين فيه طموحك وأهدافك ..أهدافك إن يكون عندك أسرة كبيرة يلتمون حولك في كل عيد وتشوفين عيالك وعيال عيالك يضحكون ويمرحون حواليك هذا بحد ذاته هدف وطموح ..مو بس الموظفه هي اللي عندها طموح.
على قول أحلام مستغانمي ..كنت سأنجب منك قبيلة..يعني القبايل ولدت من أسرة صغيرة..

....لكن
ماعندك طموح أوهدف ..معناه إنك تسمحين للملل والكآبة أن تتسلل إلى حياتك..
أنتي في عمر يرضيك فيه أبسط الأحلام لكن العمر يجري وستصلين إلى منتصف العمر medlife..هذي تبدأ من 35إلى 55
هنا تأتي الأزمة وقتها تكوني ما حققتي شي ..لا أولاد حولك ..لا عمل تحققين فيه ذاتك..تصير عندك الحياة والموت بمستوى واحد ..عايشه ومو عايشه.. هنا يتسلل اليك الاكتئاب والغم ..
الخلاصه :
الطموح يكون في العمل إما كأم أو كامرأة عاملة
غير كذا ..الله يعينك على الاكتئاب

 

[@ كويتيه @]

السلام عليكم

سؤال كان بقلبي من زمان جنج تدرين والله ... اذا عاش الانسان بدون طموح هل هذا غلط :bbbiu:

وبالاساس شلون احدد الهدف؟ واذا وصلت الى الهدف هذا شنو بعدين؟

يعني وحده كملت دراستها وخذت الي تبيه بعمر خلينا نقول 30 وبعدين؟ تعيش الباقي بدون هدف؟

أسئله كانت عندي واااااايد ما لقيت لها اجابه ... ما اتفق معاج ومع اختي نهى الأحمد

لما قالت انه العيشه الكريمه هي هدف بس انا اشوفها مطلب اساسي للحياه ومو هدف

يمكن كان قصدها بالحياه الكريمه هي الوظيفه الزينه والراتب العالي ... مادري :bbbiu:

لكن ... لكن انا في رايي الطموح هو الارتقاء بالمستوى الى حال افضل وكل ما وصلت للافضل

تطمح للافضل منه ... وهذا يكون على كل المستويات منها الدراسه والوظيفه واي شي ثاني يخطر على

بالج ... انا هذا رايي وتقبلي مروري :eh_s(8):

معاهاااااا