(( فايق عبد الجليل ))

[Amy Lee]

هذي مقاطع من اشعار الشهيد الاسير : فايق عبد الجليل ..

1
حبيبتي السمره
لا تقرين ديواني
اخاف انا عليك من نار احزاني
على كيفك على الصفحات
صفحاتي احاسيسي
وحروفي مقطعه
من قلب انساني


2
حلمي وايد صعب رسمه
منهو فينا صاد نسمه
منهو فينا
باسته في الليل
نجمــــــــه


3
انت ملوع ومسكين
مثلي تايه ومسكين
لاتزعل
حنانك اروع واجمل
وهواك من الهوى أطول
أنا اقدر
أنكر كل شي في الكون و أتكبر
اللا انت معاك
يابو جبين اسمر
ما أقدر ولت أقدر
أكذب لو أقول أنساك ما أقدر
حتى لو تمر الكلمه فوق لساني
تتكسر
ما أقدر أوضح لك
ما أقدر أقول أكثر
في لساني الكلام يموت
و في عيوني الهوى تابوت
.. خلنا اخوان
..خلنا أخوان


4
انت فلان...؟!!
حبيبي فلان ...؟!!
صحيح أن الهوى أكبر من النسيان


5
بيدينك كونت الطفل
علمته يحب ويغار ..
علمته يخط أشعار
مشيته بطريج الصدفه
للي صار
نسيته في الهنا مره
وتركته في العذاب أمرار
وجيت اليوم
ليش اليوم ياربي
تهدي للعمي أزهار ؟؟
ماتدري بيدين العمي
الورده تصبح نار ؟!
... تدري يا اله الكون
تدري .. وكل شي واضح على العيون
بيدينك كونت الطفل
علمته يحب ويغار
وانت ادرى ياربي
وانت عالم الاسرار
ليش اليوم ياربي
تخلي كل رماد الماضي .. يصبح نار ؟؟


6
حبك مسافة تبتدي بالأرض
وآخرها القمر
حبك تقاسيم النسيم..
وعزف أحزان البحر
حبك مدينه خايفة
من الريح
وشراع القدر


7
حبي فوق تعريفي
حبي فوق تحريفك وتحريفي
وأنا ملزوم أتصبر
نسيانك مهو بكيفي
وعيونك نجوم اللــــــــيل
كل الليل في صيفي
.. أحارب عالم عيونك
أحارب ينكسر سيفي
أبحر فيك يا حلوة
تغرقني مجاديفي




......
اتمنى انها تعجبكم​

 

[مــلاك]

مشاركة: (( فايق عبد الجليل ))

مشكوووووووووره عالاختيارات الروعه

الله يرحمه شاعر روعه وكلماته عذبه وراقيه