فايو ولا ديل؟؟

[سندريلا_الكويت]

السلام عليكم ..

بنات حبيت أستشيركم بشي أنا عندي لابتوب ديل صارله 3 سنين و ودي أغيره ودي آخذ فايو (سوني) شرايكم؟
أخوي عنده HP و انا الحين قاعده أستخدمه لانه صج لاعت جبدي من لابتوبي !! بس لابتوبه يطلع صوت يعني يحن مادري ليش !! المهم الي عندها فايو او سامعه عنه لاتبخل علي :wqedqw:

ناطرتكم :eh_s(17):

 

[mahamoh]

الاخت العزيزة
السلام عليكم
بالطبع لاب توب Hp افضل بكثير وذلك من جميع النواحى
او لا درجة التوافق التى يتميز بها الجهاز
ثانيا انتشاره لدى فنيين الصيانة بما يسمح لك فى حالة ظهر اى عطل من الممكن ان تستطيعى اصلاحه
ثالثا درجة حرارة البطارية دائما منخفضة مما لا يسمح باى تسرب او حدوث قصور فى نشاطها
رابعا راعى دائما فى الاجهزة الدقيقة مثل هذه بلد المنشأ مثل اليابانى والالمانى والفرنسى والامريكى والكورى على الترتيب
وشكرا

 

[سندريلا_الكويت]

تسلمين حبيبتي بس انا ماودي بال Hp مادري ليش ماحبه !! اخوي يقولي سوني أحسن منهم

 

[^SwEeTa^]

حبوبه انا كان عندي Hp قعد عندي تقريبا سنه بس كلش كلش ما ارتحت له .. كلش مو قوي .. شغل مش حالك و خلاص

الحين خذيت ديل و الحمدلله .. يهبل شويه عليه .. ما شاء الله قوي و الأوبشن ماله فوق الوصف .. و فيه نظام البصمة

يعني تراوالي اذا انتي متعوده على الديل .. صعبه تغيرينه!!

لا تستعيلين شوفي أجهزة الديل اليديده يمكن يعجبج شي منهم .. لأنه منزلين مواصفات حلوة

و بالنسبة للفايو .. انا ما استخدمته فما أقدر أفيدج فيه

الخلاصة: نعم نعم للديل .. لااااااا و الف لااااااااااااا لأجهزة مش حالك

لا تزعلون مني .. لكن رايي و قلته

و الله الموفق

 

[سندريلا_الكويت]

تسلمين حبيبتي .. أنا صارلي 3 سنين أستخدم لاب توب ديل زين بس الحين أحس إنه يخترب وايد و فوق هذا كان الاب توب يعلق يطلعلي error message يقوي انه الهارد وير فيه مشكله وديته العالمية تصدقين انهم ماعرفوا شلي فيه!!!!

قتلهم سووله فورمات يمكن يتعدل و سووله و لي يومج و انا ماستخدمته احس اني كارهته!!!

 

[أمواج البحر]

شوفي حبيبتي انا عندي الاثنين

الديل و الفايو

واثنينهم رووووعه و الديل صارله عندي من جم سنه

ما اخترب ولا اشتكيت منه >>>>> حبي الاولاني خخخخخخخخخ

وعندي فايو الصغير هم يهبل صغير و كيوت و صارله عندي الحين قريب السنه ولا اشتكيت منه ولا اخترب

فانتي شوفي شنو تبين

 

[سندريلا_الكويت]

صج و الله؟؟ مشكورررره حبيبتي :*

 

[زلابيا]

انا عندي ديل وصارله 3 سنين ..

وآخر الاشهر صاير وايد يخوووره مادري ليش

وايد يخترب

فجأه ابطله ولا كل شي ممسوح

وايد يعلق صاير وبين فتره والثانيه يخترب .. مادري وايد ملعوزني

 

[سندريلا_الكويت]

اييييي زلابيا انتي نفس حالتي !!!

أقولج أنا كرهته!!

 

[supermarket]

انا ماجربت دل

وعندي فايو للحين ماطلع منه شي لاني بس صارله جم شهر عندي

ماعدا الصفحات عندي تعلق وتسكر بروحها ... اعتقد لان الويندوز فيستا

 

[الزمن ماله أمان]

فايو واقطع ... والله عجيب يكفي تنفتح نفستج وانتي تشتغلين عليه وانا انصحج فيه وااااااااااااااااايد روعه ومميزاته حلوه حييييييل والميموري كبير وما يعلق

 

[سويتي الحلوه]

انا عندي اتش بي

حلو الصراحه

بس انا حاطه بالي اني انشالله بغيره واشتري سوني فايو
يعني اخذي فايو صج اغلي بس احلا واحسن من مجاميعه

 

[*مــــســــك*]

ديل يهبل وعلى فكرة اختي كل مااعتنيتي فيه كل مااستمر معاج

 

[Programmer.Girl]

فايو احسن من الديل

 

[bent^al`3ale]

ماكو مقارنه

كوني فنيه كمبيوتر اكثر الخرابات من ايسر والدل والاتش بي كان كومباك بس سنعوه الحين

ماعمرنا مر علينا فايو من سوني الا قليل جدااااا ووايد صافي كألوان والسوني معروفه بالتكنولوجيا حتا تلفوناتها مستحيل تستخدمين بعد السوني نوكيا ماكو مقارنه

قطي فلوسج بالشمس وقعدي بالظلال انا لاب توبي فايو وواحد مرتاحتله صارلي سنه وشوي ولا فيه اي شي

من ناحية الوضوح والتكنولوجيا والسرعه فايو بس عيبه الشرعي غالي وترا وايد خفييييييف ولا تحسين بحرارة مثل ديل والتوشيبا

اخذي كلام الفنين غير فايو ((سوني)) لاتاخذين كلش كلش توشيبا

ودل ترا بامريكا وايد يشترونه ليش؟ لانه عنهدهم خدمة العملاء وايد ممتازه واهناك مادري شنو عندهم من خدمات اللي تخليه له اقبال كبير اما اهني انسي تشترينه ثقيل وحرارة البطاريه عاليه وموشي

 

[قرقاشة]

ما انصحج بفايو ترى وايد حساس ويعلق وبسرعة يحتر .. حده بااايخ .. شوفي احسن شي hp وتوشيبا وطبعا توشيبا التوب بينهم وعقبع اتش بي ..

 

[: ) sMiLe ( :]

الفايو أحســن بواايد

آنا لابتووبي ديل .. مو شي

بســرعة يحتر جنه فــرن .. ويعلق .. وغثيث لووول

SoNy وبس

 

[Programmer.Girl]

الفايو وايد زين حق الاستخدام الخفيف مو الكد لانه حساس

تبين شي كد التوشيبا بلا منازع

 

[سندريلا_الكويت]

يعطيكم ألف عافيه يا بنات و عسى الله يخليكم ان شاء الله ماتقصرون بس شكلي باخذ ديل اكس بي اس جنا اسمه جذي لوول