فبراير .. شنو اليديد ؟؟؟؟؟

[softlady]

الموضوع منقول للامانه ولانه مهم حبيبت انقله


ماذا اضــاف مهرجــان كهلا فبراير للكــويت ؟؟ .. وشنــو التطور في الفعــاليــات عن مهرجــانــات السنوات الســـابقه ؟؟ من نــاحيه الأنشطه والبرامــج والفعــاليــات ؟؟ ..

في ظــل الدعــايه والحملات الاعلاميه "الخجوله" !!.. وخــاصه ان دولــه كالكويت تسير بســرعه "السلحفاة" بتطـــوير المشـــاريع السياحيــه !...

كــل اللي اعرفه عن المهرجــان .. حفل افتتــاح "روتيني" ومكرر.. تــابعت لقطــات له عبر التلفزيــون .. وحفلات غنــائيه .. وامسيات شعريه .. وخصــومات عالأسعــار .. و "جم" معــرض بأرض المعــارض.. وين التجديد ؟...

كــم كلف المهــرجــان ؟ .. وكم كـــانت "الأربــاح" ؟ .. على افتراض تحقيق اربــاح ..ام انه مجــرد تنفــيع للبعض ؟!!.. الله اعلم ...

وهــل نشط الدوره الدمــويه لسيــاحتنــا ؟.. وهل نملك مــرافق سيــاحيه على مستوى تخلي الواحد "يطق" تذكــرته لزيــاره الكويت والتمتع بمعــالمهــا السيــاحيه ؟!!..
على افتــراض انــه تنشيط للسيــاحه و "تحريك" للركود الاقتصــادي !!...

الموضوع ليس هجـوم عالمهرجــان نفســه .. رغم اني اشوف اكثر انشطته مكرره وممله ....واللي "مونسه" المهرجــان .. بالعـــافيه .. مــو من حقي ولا من حق غيري حرمـــانهم منه ..


اشرايكم ؟؟؟






بعد قلبـ قلبكمـ

مع تحياتيـ SOFTLADY



.​

 

[blue diamond]

كل اللي قلتيه بنظري صح وما في شي
وساعات افكر اقول ليش ما نسوي مهرجان الدولة والحكومة تنتجها مو قطاع خاص مثل كل مره مثل الامارات حتى لو كان تقليد ميخالف خل نقلد بس يكون لمصلحة الدولة ويكون لنا دخل ثاني اللي اهوا السياحه بدال النفط اللي كل ماله وينقص !!!!
ابصراحه هالمهرجان في حياتي وجوده مثل عدمه ما تفرق عندي
بس السلبية الوحيده بنظري هذا اذا تطبق اقتراحي انه راح يكون في زحمة

 

[softlady]

والله خوش راي

يعطيج العافيه





بعد قلبـ قلبكمـ

مع تحياتيـ SOFTLADY



.

 

[gazl~q8]

حبيباتي بوجهت نظري المهرجان للوناسة وويغير الجو الروتيني بالكويت و بصراحة الكويتين بس

يتحلطمون مو عاجبهم شي ويطالعون غيرهم ياخي حمدوا ربكم وكافي تحلطم!!!!!!!!!!!!!!!!!!

 

[softlady]

حبيباتي بوجهت نظري المهرجان للوناسة وويغير الجو الروتيني بالكويت و بصراحة الكويتين بس

يتحلطمون مو عاجبهم شي ويطالعون غيرهم ياخي حمدوا ربكم وكافي تحلطم!!!!!!!!!!!!!!!!!!

مشكوره حياتي على ردج





بعد قلبـ قلبكمـ

مع تحياتيـ SOFTLADY



.​

 

[jasmine_flower]

بالنسبه لى المهرجان لازم ايكون شى خيالى يفوق الوصف ومهرجان هلا فبرايرفاشل

المهرجان صارله 10 اسنين ونفس المستوى اللهم هالسنه اشويه زادو الفرق الاجنبيه

تعالو نرجع لورا الكويت فى ايام السبيعنات باحتفلات اعياد الوطنى اتحسون صج متعوب عليه


وشوفو الحين ابصراحه شى يفشل لا اعلانات سنعه لا عروض سنعه لا مهرجان نفس الناس بالعين نص الميزانيه( بسنا افلوس ياسعد) ولمه ننتقد مو لمجرد انه انحب النقد ننقد لانه غيورين على الديره ونبيها دائما فى المقدمه

لكن الى صاير انه الديره كل مالها تكون اردى وشى ايحز فى النفس لمه انشوف ديرتى بعد ماكانت دول الخليج تتمنى اتصير مثل الكويت صرنا احنا نتمنى انصير مثلهم نبى الكويت ترجع نفس قبل نبيها ايام الستينات والسبعينات والثمانينات مانبيها فى هالوضع المزرى مايصير؟؟؟؟؟

 

[softlady]

بالنسبه لى المهرجان لازم ايكون شى خيالى يفوق الوصف ومهرجان هلا فبرايرفاشل

المهرجان صارله 10 اسنين ونفس المستوى اللهم هالسنه اشويه زادو الفرق الاجنبيه

تعالو نرجع لورا الكويت فى ايام السبيعنات باحتفلات اعياد الوطنى اتحسون صج متعوب عليه


وشوفو الحين ابصراحه شى يفشل لا اعلانات سنعه لا عروض سنعه لا مهرجان نفس الناس بالعين نص الميزانيه( بسنا افلوس ياسعد) ولمه ننتقد مو لمجرد انه انحب النقد ننقد لانه غيورين على الديره ونبيها دائما فى المقدمه

لكن الى صاير انه الديره كل مالها تكون اردى وشى ايحز فى النفس لمه انشوف ديرتى بعد ماكانت دول الخليج تتمنى اتصير مثل الكويت صرنا احنا نتمنى انصير مثلهم نبى الكويت ترجع نفس قبل نبيها ايام الستينات والسبعينات والثمانينات مانبيها فى هالوضع المزرى مايصير؟؟؟؟؟

والله صاجه انا قمت ادور البرنامج ادواره بعرف شنو الفعاليات ما ادري :0bee2e8d89:

هذا غير ان الشركات الكبيره مالها دور

والافتتاح الي سواه بالغبار شي يفشل

انزين مو من زين الجو بالكويت وماله امان غيروا الطريقه مالت الافتتاح

والله صج حرام هالفلوس :0bee2e8d89:





بعد قلبـ قلبكمـ

مع تحياتيـ SOFTLADY



.​

 

[@تركواز@]

مشكورة

 

[كرزه كويتيه]

احسن بسراحه انا مو من مؤيدين مهرجان هلا فبرابر,,​

 

[foofo]

مااحس في شي يديد بهلا فبراير احسه حيييييييييييييل عادي

 

[برميتا]

انا اللي أشوفه إن المهرجان فاااااشل حده
كل سنه نفس الافتتاح اللي مافيه شي مميز
وماكو فعاليات نفس الاوادم
بس شادين حيلهم بالحفلات الغنائية

الميزانية كبيرة
والقائمين على المهرجان ناس مع احترامي لهم
أفكارهم روتينية تقليدية مافيها شي مميز
ويحطونهم بالتلفزيون يقولون إنهم مواصلين الليل مع النهار
وصارلهم أشهر واهم يعدون الفعاليات وكل سنه يقولون
المهرجان هالسنة غير وأحلى وللأسف
يطلع أردى من اللي قبله ..

 

[برميتا]

يعني مو معقوله الكويت مافيها كفاءات وناس عندها
أفكار مميزة !!
الناس سبقتنا وإحنا نرجع قري ..
المفروض يكون المهرجان جاذب للسياحة
واللي نشوفه العكس الكويتيين أغلبهم يسافرون
فترة المهرجان..
لأن المهرجان باختصار عبارة عن صبخة وشخصيات مغبرة
ابدايته وفعاليات سخيفة فرقة صينية وفرقة موزمبيقية وياريت على مستوى
وبس..ماكو شي يديد..

 

[سمو]

معاج حق 100/100

نبي مهرجان متميز ...مو يقصون علينا باللي يشتغلون بالمطاعم وجم حركه بهلوانيه وجم وااحد صابغ ويهه ويله مهرجان؟؟

 

[وجدان الكويت]

اهو بس اول هلا فبراير اللي فرحناا فيه والباجي على الطل مملين ومالهم فايدة

بعدين شكو هلا فبراير بشهر 3 وين قاعدين !!!

 

[أمونة الحلوة]

مافيه شي يديد بس زحمه ومصخره صراحه ولا اعلانات سنعه ولا شي و هلا فبراير نص المهرجان بمارس شالحكمه مادري
مهرجان بكبره فاشل من افتتاح وعروض واعلانات موحاسين انه عندنا مهرجان كلش

انا مره رحت الامارات صج مهرجان ماشاء الله عليهم شغلهم متعوب عليه يحسسونج فيه


ويعطيج العافيه خيتو على الموضوع

 

[pretty sarona]

انا المهرجان ما يشدني الصراحة , بس أشوف الجرايد والتلفزيون في ناس متعنيين له و مستانسين و يشاركون بالمهرجان والافتتاح , الكويتيين يبون يستانسون , صج ان مو لي هناك بس كافي ان في ناس مستانسة , وعموما يزاهم الله خير اللي سوو المهرجان انا ما اقول عن الحفلات لأ طبعا الافتتاح يعني و المسابقات معني اشوف ان اغلب المشاركين من الأجانب , عموما المهرجان يبيله تغيير وفعاليات أكثر , أفكار يديدة دماء شابة والله ذلك اليوم حاطين واحد يتكلم مع احترامي له بس هم الشباب عندهم طاقات و لو يمسكون المهرجان و يعطونهم ميزانيات اتوقع راح يصير توب ومن أحلى المهرجانات , والله انا كنت مسافرة من فترة سألتني وحده من وين قلت لها الكويت ولا تقول شلون المهرجان عندكم ,, تبلعمت ولا اقولها حلو! لوول

 

[Viva La Vanilla]

علأقل عندنا مهرجان و حركة صج انه على قدنا بس احسن من ولا شي


و اصراحة حلو انه كل الموات 50% وناسة شي جميل لوووووول

 

[حناينq8]

اول شي احب اشكرج يا سوفت ليدي على الموضوع

لان فعلا سنه عن سنه والمهرجان مكانك راوح


اول شي

الافتتاح بكرنفال بدائي حده (جم جاليه وجم فرقه واستعراض سيارات قديمه)!!!!!!!!!!!!!!

ثانيا : خصومات نسمع عنها ولا نشوفها

بالشوارع ولا مظهر من مظاهر الاحتفالات مثل تعليق الزينه واللوحات والاشياء اللي تبين ان هالديره فيها مهرجان

واخيرا ينتهي المهرجان بشويه حفلات بصالة التزلج حق مطربين الكويت والخليج وبعض مطربين العرب



انا ماراح اقول شوفوا الديره الفلانيه او قلدوا المهرجان الفلاني


لا


بس ياربت يفتحون الباب للقطاع الخاص بالمشاركه وانا متاكده انهم راح يبدعون وخصوصا اذا كان في تنظيم اكثر من جذيه


لكن ان هالمهرجان الفاشل يظل حبيس تنظيم شركة المشروعات السياحه فلا احنا ما نبي مهرجانات بالمره ان كانت بهالشكل ​

​