فتاة تحب شاب قبل الزواج؟

[كريستينا*كويتية]

السلام عليكم بنات











واايد اشوف و اسمع انا لازم احب و اكلم قبل الزواج!!
وواايد بنات يقولون لي لازم تكلمين مو ناقصج شي !!!!! الحين يعني لازم اكلم علشان اعيش قصة حب و اتزوج؟!
و الشباب الله يهديهم الحين طالعين لنا طلعه انا لازم اكلم قبل الزواج علشان اعرفها؟!!!! اي شي !!

وااذكر قبل فترا كنت بمجمع وواحد ياا وقال ممكن , انا مشيت و خليته وطبعن تم ورااي وخلصت ورحت الparking , المهم جان يقول اذا مرتبطه قوليلي!!! امبيييه شفتو تفكييره !!!
المهم عاااد حدي عصبت جان اقوله لا مو مرتبطه و اذا وحده ماكلمت او ما عطتك ويه يعني تكوون مرتبطه !! اهوا سكت وطبعن الا اخذ الرقم ! امبيه استغفر الله لوع جبدي طنشت وسكت ودخلت السيارة و مشيت
وطبعن واااااايد موااقف بايخه و يا الشباب
والي يقول لا لا ما اصدق وحدا مثلج ومثل جمالج ما تكلم؟!!! قلت اييه وااايد و محترميين وما يفترون بالمجمعاات مثلك جان يضحك وقال والله اسف ومادري شنو... بس من اطلع من البيت اشوفه وارد البيت اشوفه و انا ما اعطيه ويه المهم واخر شي ما شفته و افتكييت
بس بقول شغله يعني الوحدا لازم تكلم !!؟؟ والله تعقدت حدي وكل شي ضدي ! اذا الشباب الحين لازم اعرفها قبل الزواج انزين انا مابي اعرفك قبل الزواج! لووووووووول
بنات انا موو متحجبه , سفوووور بس والله احس اني احسن بنيا ! لوووووول لا صججج امبييه اللي اشووفه الحين العكس

وبقوول شي
اني حدي مفتخرا اني ماكلمت , حدي مفتخرا ببنفسي
الله يثبتني انشالله

وبس بغييت منكم ان تشوفون هالمقطع :tek:

http://www.youtube.com/watch?v=h3WKvCbk-FI&feature=related

 

[DooLy88]

الله يثبتج

وايد بنات موبس جميلات

الا ملكات جمال - ومايكلمون


على فكرة

انا جذي كنت :$ مابي اتزوج واحد الا مكلمته من قبل
اتم معاه بحدود واجوفه بأماكن عامة - مو نخمر بروحنا ومادري شنو علشان اتزوجه لازم اعرفه علشان لا انصدم بشكله والا طبعه وفعلا زوجي الحين خذته من عقب علاقة حب دامت سنين :$

بس انا اقول - خلج جذي احسن لج دامج مفتخراااا وماعندج مانع بالزواج التقليدي

الناس كل واحد وله راي بهالمسألة - ناس يأيدون زواج الحب والزواج التقليدي

 

[&لقيت روحي&]

رد : فتاة تحب شاب قبل الزواج؟

صح كلامج ترا قصص الحب ماوراه الا عوار الراس والاذيه خليج جذي احسن والله راح يرزقج بزوج الصالح انشاء الله والله ايثبتج انشاء الله

 

[MiSs Roma]

الله يثبتج حبيبتي و ما عليج من الناس

" كل واحد و له تفكيره "

>>> و الله بيرزقج بالزوج الصالح ان شاء الله

----

 

[الكويت داري]

الله يثبتج ويهديج يا رب انتي كفو ماشاءالله وانشاءالله تتحجبين

 

[tolay]

أنا ماأرفض الزواج عن طريق الحب

بس انتي تضمنين اللي تكلمينه راح يتزوجج ؟؟ لا والله مانضمن

صج في ناس تزوجو عن حب بس اغلب قصص الحب نهايتها بجي ودموع

 

[Do I Care]

رد : رد: فتاة تحب شاب قبل الزواج؟

أنا ماأرفض الزواج عن طريق الحب

بس انتي تضمنين اللي تكلمينه راح يتزوجج ؟؟ لا والله مانضمن

صج في ناس تزوجو عن حب بس اغلب قصص الحب نهايتها بجي ودموع

بالضبط نفس تفكيري .. يعني اللي تبي تتعرف عشان تحب وتتزوج
معقوله راح تتعرف على جم واحد عشان توصل للزواج !!
انا مو رخيصه عشان اطيح من قدري واكلم فلان وعلان .. خلج جذي ما شاء الله عليج والله موضوعج حسسني ان الدنيا للحين بخير خصوصا بهالوقت اللي يشوفون الصح غلط والغلط صح .. انا كانو يقولون عني معقده ليش اني ما اكلم !
بس تدرين انتي عندج راحة بال اهما يفتقدونها .. ربي يوفقج ويرزقج الحب الحلال

 

[ماما نونا]

صح الوحده اللي تدور الحب قبل الزواج ما تضمن إنه اللي تكلمه بيتزوجها , شنو يعني بتكلم 10 ومن بينهم بيطلع واحد ياخذها جذيه نزلت من نفسها للكل هذا إذ عاشت مرتاحه بعد هالعشر ما طلع لها واحد نذل ماسك مسج ولا صوره او او او ,,
المثل يقول ابعد عن الشر وغنيله وكل شي الله امحرمه وراه حكمه والله يثبتج ويثبتنا معاج وفعلا هالايام البنات عندهم اللي ما اتكلم معقده
بس همن تحسين ميزه لج عن غيرج إنج ما تكلمين

 

[*سحآبة*]

رد : فتاة تحب شاب قبل الزواج؟

مم ..


ما ادري اتوقع 99.3 % .. يحاجون شباب ,,



مادري انتو يابنات اهني تقولون كلام ..والواقع شي ثاني ...


خلكم صريحين ..وبدون زعل وتجريح ..

 

[MiSs_6a7LooSHA]

بارك الله فيج ع الفيديو

وانا مع البنات مع أرفض زواج الحب بالعكس حلو

بس منو يضمن الحين وخصوصا بهالزمن اللي يخرع ؟؟

كل وحدة ورايها

وشكرا

 

[جفا الأصحاب]

قبل لايصير حلوولامو حلو بالشرع حرااام تكلمين شاب مو محرم لج

وأصلا وااايد اعرف بنات تزوجوا وكانوا ما يكلمون والحمد الله مستانسين بحياتهم

والحب ايي بعد الزواج ... وإذا كلمتي شنو يضمنج ان اهو صاج يمكن يكون جذاب ويلعب عليج ويكلم غيرج

والله اتمسكي على ما انتي عليه احسن لج واستر لج وربي يوفقج لا تخلين نفسج سلعه رخيصه

م

 

[Do I Care]

رد : فتاة تحب شاب قبل الزواج؟

مم ..


ما ادري اتوقع 99.3 % .. يحاجون شباب ,,



مادري انتو يابنات اهني تقولون كلام ..والواقع شي ثاني ...


خلكم صريحين ..وبدون زعل وتجريح ..

لا حبيبتي يمكن اللي حواليج يكلمون والبيئه اللي انتي فيها تكلم
بس مو معناتها تعممين وتحطين هالرقم ترى كبير
بناتنا للحين فيهم الخير واعرف شكثر بنات ما يكلمون
لانهم حاطين الحلال والحرام بين عيونهم وما يبون
يخسرون ثقة اهلهم

 

[الحبوبه الطيوبه]

الله يثبتج ياقلبي ويرزقج بولد الحلال ان شاء الله
وشلج بعوار الراس خلج جذي واثقه من نفسج ورفعي راسج حبوبه

 

[lailosh]

بالعكس عادي انج ماتكملين خو مو لازم كل بنت لازم تتزوج عن حب :/

وبغيت اوضح طريقتج مع الريال الي كلمج غلط المفروض ماكنتي تعطينه ويه بالاساس بس عشان لايلزق فيج اكثر وحاولي تمسكين نفسج مره ثانيه

 

[sweet dashttya]

رد : فتاة تحب شاب قبل الزواج؟

اي الزمن يخرع شدراج باجر لي كلمتيه بيتزوجج ؟ ولا مآخذ الامور لعب بلعب ومضيعة وقت

يوهم بنات خلق الله ان عارف الله وبالاخير حتى صلاة ما يعرف يصلي

استغفر الله الزمن صاير يخرع والمثل يقول الباب الي ييييك منه الريح سده واستريح

شلج بسوالف الحب حبني واحبك لاعت جبدي من هالشباب استغفر الله ذيابه

عبالهم بنات الناس لعبه والله في ناس تتزوج عن حب والله يهنيهم بس مو الكل

 

[لـولـو الحلوه]

بعد قلبي الله يثبتج ويرزقج الزوج الصالح اللي يحبج ويخاف عليج

ومالج شغل باحد دامج مقتنعه

انا ماايد الزواج عن حب لانه مثل ماقالوا البنات شضمني ان بعد ماكلمه واخون ثقه اهلي راح يأخذني ؟؟ او مايخوني بعد الزواج او يجك فيني ؟؟؟

ونصيحه لا اتكلمين لو بس تجربه والله راح تتحسفين بعد ماتنهين العلاقه وضميرج يأنبج طول عمرج : (

والله يثبتج ويوفقج

 

[> Miss M6ereiah <]

رد: رد : رد: فتاة تحب شاب قبل الزواج؟

بالضبط نفس تفكيري .. يعني اللي تبي تتعرف عشان تحب وتتزوج
معقوله راح تتعرف على جم واحد عشان توصل للزواج !!
انا مو رخيصه عشان اطيح من قدري واكلم فلان وعلان .. خلج جذي ما شاء الله عليج والله موضوعج حسسني ان الدنيا للحين بخير خصوصا بهالوقت اللي يشوفون الصح غلط والغلط صح .. انا كانو يقولون عني معقده ليش اني ما اكلم !
بس تدرين انتي عندج راحة بال اهما يفتقدونها .. ربي يوفقج ويرزقج الحب الحلال

صح كلامج سألوا مجربة
انا جربت ما انكر بس هالشي غلط غلط واليوم ندمانة اني ضيعت وقتي بتفاهات ..
صح الحب الصح اهو اللي يكون مع زوجج اذا تزوجتي وبس :yaaaaaarb: يارب اتزوج

 

[حـوريـه]

حبيبتي الله يثبتج ودربالج من هالشي

لاتنجرفين في يوم من الايام ماعليج

خوفج تجربين وتنقطين بيد واحد قليل أدب وماله ضمير وتندمين
خلج دره ثمينه والله نصيحه !!

 

[كرز حالي.]

رد : فتاة تحب شاب قبل الزواج؟

اناااااااااااااا كنت اكلم واحد وحبيته وملجنا الحمدلله
وعاااادي اقول
بس بنات الحب يجي بالصدفه مو انتي تحددين وقته
يعني انا لما كلمته كنت صغيره واهو صغير بعد ماكنت افكر اني ابي اتزوج ولازم اتكلم
لالا شفت نفسي متعلقه فيه وكلمته بس
وعقب ماكبرنا فكرنا بالزواج
يعني الحب ماله وقت ومافي شي اسمه بكلم علشان اتزوج اللي لها نصيب بتشوفه
والله يوفق الجميع

 

[شــــــــــــــوقــــه]

انا مع زواج الحب

وابي الحب الي يكون بالصدفه يعني مكان شغل او دراسه يعني يكون بينهم اتصال و مجبورين يقعدون مع بعض

يمكن كل واحد يعجب الثاني و يصير نصيب

باختصار ابي ريال اهو يقول حق اهله انا ابي هذي مو اهله يدورون له