فتامينات لنضاره البشره ؟؟

[عزوتي خمس صقور]

مرحبااااااا :eh_s(*):

بنات فيدوني بافضل فيتامينات لنضاره البشره بس ماتسمن
من تجربتكم :eh_s(22)::eh_s(17):

سي يووو :eh_s(9):
​

 

[<miss botamba>]

كثري من الماي والخضار الورقيه

ال B complex مفيدين بس مادري اذا يسمنون

ال omega 3 مفيده للبشره والجسم

ال zink بس تقدرين تحصلينه بالاكل كثري مكسرات نيه و بيض بس خلج عالمسلوق

و فيتامين سي << تقدرين تاخذينه بالعيادات عن طريق الوريد ومعروف للنضاره و التفتيح وانا عن نفسي قاعده اخذه حاليا بالوريد مع جلوتاثيون

 

[ام عبد العزيز م]

الرفع

 

[عزوتي خمس صقور]

مشكورين بنات

 

[M!SS.LOBY]

كثري من الماي

 

[عزوتي خمس صقور]

الحمد الله اشرب ماي بس مع ذلك احس جسمي جاف مع انه يقولون الماي مهم يرطب الجسم

 

[أدعج غنج]

أنا مثلج مع اني أعتني بنفسي وايد ...
من شهر دخلت الاوميجا3 والمكسرات والخميره في نظامي وبشوف النتائج...والماي أشرب وااايد بس الله كريم

 

[عزوتي خمس صقور]

ان شاء الله نشوف نتايج حلوه وماتروح فلوسنا وتعبنا ع الفاضي

 

[نوف الصقعبي]

لاتشربين قلاص او قلاصين ماي وتقولين قاعده اشرب وايد ماي

اقل شي تشربين بطلين كبار ماي على مراحل متفاوته طبعآ

الصبح قلاصين

الظهر قلاصين

العصر قلاصين

بليل قلاصين

الفجر قلاصين

وهكذا عشان فعلا تشوفين النتيجه اللي تبهرج بالبشره

الماي ينظف لج سموم جسمج من داخل

ويرطب لج البشره اذا كنتى تشربين الماي بهالطريقه الممتازه

اما قلاصين ماى باليوم او 3 قلاصات

طبعآ لأ

ماراح تشوفين تحسن بالبشره ولو 1%



شوفي معظم الحبوب للأسف دام انها فايتمين لازم تمتن

انصحج بحبوب الكولاجين وايد ممتازين الكارتون لونه اسود

غالبية اهل الخليج اعداء فيتامين سي

المتواجد بقوه بالبرتقال

لو شربتي عصير برتقال قلاصين عالاقل باليوم وايد مشاكل بالبشره راح تتحسن

ماانصح بعصاير المطاعم لانها مغشوشه ومخلوطه بالماي

انا اعصر البرتقال بالبيت بنفسي اضمن

اكلي لوز غير مملح ممتاااااااااااااااااز للبشره والشعر بعد

لو عشر حبات لوز باليوم كما هو معروف

اكلي تفاح اخضر عالريج روعه لو تفاحه وحده باليوم عالريج

مع ابر التوحيد وفايتمن سي بتشوفين نتائج باهره جدآ من الشهر الثاني واحيان الثالث
حسب استجابة الجسم

حبوب بيرفكت وايت وايد ممتازين بس ترى يمتنون اذا جسمج قابل للسمنه​

 

[نوف الصقعبي]

العشا سوي سلطه بنفسج

بقدونس وخيار وشوية ليمون وزيت زيتون وبس

البقدونس حيل قوي للدم اقري عن فوايده​

 

[نوف الصقعبي]

وعندج الزنجبيل الطازج مو البودره لا الطازج تاخذينه على عداله

تفرمينه او تبشرينه بالمبشره الحديد تحطين قفشتين بكوب زجاج قوي مو شفاف عشان ماينكسر من حرارة الماي

وتصبين ماي مغلي على الزنجبيل بالكوب وشربيه دافي مو بارد لا دافي

لاتطبخين الزنجبيل عالنار يطير مفعوله بالهوا ترى

يورد لج البشره حييييل و الحلو ان بنفس الوقت يضعف​

 

[Um Tuki]

انا توني مبتدية أستخدم اوميغا ثري

و اقري عنه

واستخدم بعد حبوب مدحته الهام الفضاله في اكاونتها بالانستغرام و سألت دكتور عنه و قال لي ممتاز

توني اسبوع من بديت حسيت بنضارة خفيفة ببشرتي ما شاء الله ..

طبعا مستيحل اطلع بدون سن بلوك

و مسويتلي مكعبات ثلج ( ماء ورد مذوبة فيها نشا )

اي فاكهة آكلها بقشورها افرك ويهي ( هالحركة وراثة من الوالدة وبشرتها حلوة ) ما شـــــــــــــــاء الله تبارك الرحمـــــــن

شربي ماي وايد

 

[قاهره عذالي]

كبسولات زينت جنين القمح مدة شهرين ويسوون نضاره للوجه ولمعه

وكبسولات الكولاجين ماركة برونسون حبتين قبل النوم مباشره مع 3 قلاصات ماي

 

[يااسمينه]

انا توني مبتدية أستخدم اوميغا ثري

و اقري عنه

واستخدم بعد حبوب مدحته الهام الفضاله في اكاونتها بالانستغرام و سألت دكتور عنه و قال لي ممتاز

توني اسبوع من بديت حسيت بنضارة خفيفة ببشرتي ما شاء الله ..

طبعا مستيحل اطلع بدون سن بلوك

و مسويتلي مكعبات ثلج ( ماء ورد مذوبة فيها نشا )

اي فاكهة آكلها بقشورها افرك ويهي ( هالحركة وراثة من الوالدة وبشرتها حلوة ) ما شـــــــــــــــاء الله تبارك الرحمـــــــن

شربي ماي وايد

اذا ممكن حبيبتي شنو الحبوب الا مدحتهم الهام الفضاله ،، انا جربت حبوب ايمدن ماحسيت بفرق وجربت بودرة الكولاجين ماحسيت بشي ابد مع اني داومت عليها اكثر من 3شهور ..جربت الاوميغا ثري جربت حبوب زهرة الربيع وحاليا اخذ فيتامين الزنك هو خاص للبشره والشعر

 

[عزوتي خمس صقور]

مشكورين بنات

 

[عزوتي خمس صقور]

ترا اللي يشرب كوبين ماي باليوم خطر التدخين ع الجسم ارحم منه سمعت يقولون بحكمه نساء
لا السان توب مو كافي 8 اكواب ماااي لازم يوميا