فتوى الشيخ بسام الشطي في المسيرة

[bintmishref]

أخوتي الكرام
بعثت للشيخ د.بسام الشطي أستاذ الدعوة في كلية الشريعة
و رئيس تحرير مجلة الفرقان الإسلامي
في سؤال حول مشروعية المسيرة و أنها تعبر عن الحب و الوفاء للشيخ
فأجاب :
" لا تجوز المسيرات بهذه المناسبة ولا بغيرها و التعبير عن الحب يكون بالدعاء"

,والله اعلم.. يمكن حطيته متاخر بس توه واصلني..
و جزاكم الله خيرا
__________________

 

[bambena]

مشاركة: فتوى الشيخ بسام الشطي في المسيرة

اهم مو مسوين شي غلط مجرد مشي ودعاء للشيخ والله اعلم

 

[كويتية أمورة]

مشاركة: فتوى الشيخ بسام الشطي في المسيرة

حبيبتي اي مومسوين شي غلط
بطلي التلفزيون وشوفي التصرصر والبديات والحجابات ام رقبة طالعه واللي كاشخة ونافشة الكشه واللي مسشورة ويا نظاراتهم والعلج يطقق جنه عرض ازياء
والصبيان اللي هادين سياكلهم ويايين يتمشون وكل واحد خوذته بايده والشعر سبايكي
واللي رابطلج الجاكيت على خصرة جنه بيرقص عالوحدة ونص
لا والله فشلونا الحين المغازل ماله والي
بالله شتبي تنفعه فيه المسيرة؟ الدعاء والصدقه اللي تنفعه ولا المسيرة حق هالهيلق يروحون يتمشون ويغازلون ويفشلونا جدام اللي يسوى واللي مايسوى
صراحة اللي فيها حيا
ماتطلع بالشارع تمشي ةحوالينها صبيان اشكال والوان والكاميرات تصور
على بو بيعبرون عن حبهم!!! شالسالفه الحب مايصير الا بالتمشي بشارع الخليج مع المصبنه

 

[الغلاااااااكله]

مشاركة: فتوى الشيخ بسام الشطي في المسيرة

سالفة المسيره

والله ايدي على قلبي
من سمعت عنها

حاسه بيكون فيها مبالغه .. وبلاوي

اللهم ابعدنا عن الفتن ماظهر منها وما بطن

الله يجزاه خير الشيخ عالفتوى

وياليت بعد نسأل عن سالفة الصيام الجماعي اللي قالوا عنه !!

بتأكد ان شاء الله من هالشي ايضا

بنات ياليت ما نكون ساعدى على ظهور بدع جديده !!

خوفج كل سنه يسوون هالمسيره !!!!! بنفس اليوم

لازم نضع حدود ولا نتعداها

اللي يحب من قلبه يدعــــــــــــــي له

ما احوجه للدعاء

مو مسيرات وغيره ..

 

[bambena]

مشاركة: فتوى الشيخ بسام الشطي في المسيرة

اشوه اني ماشفت اللي قلتي عنه موناقصه انا قهر ، عيل يوم الدفنه اللي تسوي بيباي للكاميرا والضحكه شاقه الحلج!!!

 

[كويتية أمورة]

مشاركة: فتوى الشيخ بسام الشطي في المسيرة

اما هذي اللي تسوي باي كل من شافها حتى بسرعه شالوا الكاميرا عنها وموتقولين ياهل لا كبرنا بالعشرينات جبح ولابسه العباة واللفه واخر شي باي باي؟؟؟